ਮੁੰਬਈ (ਬਿਊਰੋ)— ਬਾਲੀਵੁੱਡ ਐਕਟਰ ਰਿਤਿਕ ਰੋਸ਼ਨ ਆਪਣੇ ਆਉਣ ਵਾਲੇ ਪ੍ਰੋਜੈਕਟਾਂ ਨੂੰ ਲੈ ਕੇ ਲਗਾਤਾਰ ਸੁਰਖੀਆਂ 'ਚ ਛਾਏ ਹੋਏ ਹਨ। ਅੱਜਕਲ ਸਭ ਤੋਂ ਜ਼ਿਆਦਾ ਰਿਤਿਕ ਦੀ ਟਾਈਗਰ ਨਾਲ ਆਉਣ ਵਾਲੀ ਫਿਲਮ ਦੀ ਚਰਚਾ ਹੋ ਰਹੀ ਹੈ, ਜੋ ਕਿ ਇਕ ਐਕਸ਼ਨ ਫਿਲਮ ਹੋਵੇਗੀ।
ਇਸ ਫਿਲਮ ਦੀ ਸ਼ੂਟਿੰਗ ਇਟਲੀ 'ਚ ਹੋ ਰਹੀ ਹੈ, ਜਿੱਥੇ ਟਾਈਗਰ ਨਾਲ ਰਿਤਿਕ ਰੋਸ਼ਨ ਵੀ ਮੌਜੂਦ ਹਨ। ਹੁਣ ਹਾਲ ਹੀ 'ਚ ਇੱਥੋਂ ਰਿਤਿਕ ਨੇ ਆਪਣੀਆਂ ਕੁਝ ਸੈਲਫੀਆਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਹਨ।
ਇਨ੍ਹਾਂ ਤਸਵੀਰਾਂ ਨੂੰ ਫੈਨਸ ਕਾਫੀ ਪਸੰਦ ਕਰ ਰਹੇ ਹਨ, ਜੋ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਰਿਤਿਕ ਨੇ ਕੈਪਸ਼ਨ ਦਿੱਤਾ, ''Felt like great weather for a selfie. Got out of my warm blanket and tried. Failed. Sat n covered myself up again. Caught in the act by : Vijay palande n Mayur shettigar''.
ਇਸ ਫਿਲਮ ਦਾ ਡਾਇਰੈਕਸ਼ਨ ਸਿਧਾਰਥ ਆਨੰਦ ਕਰ ਰਹੇ ਹਨ ਜਦਕਿ ਇਸ ਨੂੰ ਯਸ਼ਰਾਜ ਬੈਨਰ ਪ੍ਰੋਡਿਊਸ ਕਰ ਰਹੀ ਹੈ। ਫਿਲਮ 2019 'ਚ ਗਾਂਧੀ ਜਯੰਤੀ ਮੌਕੇ ਰਿਲੀਜ਼ ਹੋਵੇਗੀ। ਇਸ ਫਿਲਮ 'ਚ ਵਾਣੀ ਕਪੂਰ ਵੀ ਹੈ।