ਮੁੰਬਈ (ਬਿਊਰੋ) : ਬਾਲੀਵੁੱਡ ਐਕਟਰ ਰਿਤਿਕ ਰੋਸ਼ਨ ਨੇ ਆਪਣੇ ਪੂਰੇ ਪਰਿਵਾਰ ਤੇ ਦੋਸਤਾਂ ਨਾਲ ਵੀਰਵਾਰ ਨੂੰ 45ਵਾਂ ਜਨਮਦਿਨ ਦਾ ਸ਼ਾਨਦਾਰ ਜਸ਼ਨ ਮਨਾਇਆ। ਇਸ ਦੌਰਾਨ ਉਨ੍ਹਾਂ ਦਾ ਜਨਮਦਿਨ ਦੋ ਵਾਰ ਸੈਲੀਬ੍ਰੇਟ ਕੀਤਾ ਗਿਆ। ਗਲੇ ਦੇ ਕੈਂਸਰ ਕਰਕੇ ਮੰਗਲਵਾਰ ਨੂੰ ਰਿਤਿਕ ਦੇ ਪਿਤਾ ਤੇ ਬਾਲੀਵੁੱਡ ਐਕਟਰ-ਡਾਇਰੈਕਟਰ ਰਾਕੇਸ਼ ਰੋਸ਼ਨ ਦੀ ਸਰਜਰੀ ਕਾਮਯਾਬ ਰਹੀ।
ਇਸ ਤੋਂ ਬਾਅਦ ਸਾਰਿਆਂ ਨੇ ਰਿਤਿਕ ਰੋਸ਼ਨ ਨਾਲ ਰਾਕੇਸ਼ ਦੇ ਠੀਕ ਹੋਣ ਦਾ ਵੀ ਜਸ਼ਨ ਮਨਾਇਆ।
ਸਰਜਰੀ ਤੋਂ ਬਾਅਦ ਪਰਿਵਾਰ ਨਾਲ ਫਿਲਮ ਮੇਕਰ ਰਾਕੇਸ਼ ਰੋਸ਼ਨ ਨੇ ਪਹਿਲੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ, ਜੋ ਕਾਫੀ ਵਾਇਰਲ ਹੋ ਰਹੀ ਹੈ।
ਇਸ ਮੌਕੇ ਰਿਤਿਕ ਦੀ ਸਾਬਕਾ ਪਤਨੀ ਸੁਜੈਨ ਖਾਨ ਨੇ ਵੀ ਕੁਝ ਤਸਵੀਰਾਂ ਪੋਸਟ ਕਰਕੇ ਰਿਤਿਕ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ।
ਉਨ੍ਹਾਂ ਲਿਖਿਆ, 'ਮੇਰੇ ਸਭ ਤੋਂ ਚੰਗੇ ਦੋਸਤ ਨੂੰ ਜਨਮਦਿਨ ਦੀ ਵਧਾਈ।' ਇਸ ਦੇ ਨਾਲ ਹੀ ਰਿਤਿਕ ਤੇ ਸੁਜੈਨ ਨੇ ਆਪਣੇ ਦੋਸਤਾਂ ਲਈ ਇਕ ਸ਼ਾਨਦਾਰ ਪਾਰਟੀ ਹੋਸਟ ਕੀਤੀ।
ਇਸ 'ਚ ਹਾਲ ਹੀ 'ਚ ਕੈਂਸਰ ਦਾ ਇਲਾਜ ਕਰਵਾ ਨਿਊਯਾਰਕ ਤੋਂ ਵਾਪਸ ਆਈ ਸੋਨਾਲੀ ਬੇਂਦਰੇ ਵੀ ਨਜ਼ਰ ਆਈ।
ਰਿਤਿਕ ਦੇ ਬਰਥਡੇਅ ਪਾਰਟੀ 'ਚ ਸੁਜੈਨ ਦੀ ਦੋਸਤ ਅਨੁ ਦੀਵਾਨ ਆਪਣੇ ਪਤੀ ਸੰਨੀ ਦੀਵਾਨ ਨਾਲ ਨਜ਼ਰ ਆਈ।
ਸਿੰਗਰ ਕਨਿਕਾ ਕਪੂਰ ਵੀ ਰਿਤਿਕ ਦੇ ਬਰਥਡੇ ਬੈਸ਼ 'ਚ ਨਜ਼ਰ ਆਈ। ਪਾਰਟੀ 'ਚ ਸੁਜੈਨ ਦਾ ਭਰਾ ਐਕਟਰ ਜਾਇਦ ਖਾਨ ਵੀ ਦਿਸੇ। ਸਭ ਦੋਸਤਾਂ ਨੇ ਮਿਲ ਕੇ ਖੂਬ ਮਸਤੀ ਕੀਤੀ।
