ਮੁੰਬਈ— ਹਾਲ ਹੀ 'ਚ ਰਿਤਿਕ ਰੌਸ਼ਨ ਤੇ ਉਨ੍ਹਾਂ ਦੀ ਸਾਬਕਾ ਪਤਨੀ ਸੁਜ਼ੈਨ ਖਾਨ ਇਕੱਠੇ ਨਜ਼ਰ ਆਏ। ਦੋਵੇਂ ਬੱਚਿਆਂ ਰਿਧਾਨ ਤੇ ਰਿਹਾਨ ਨਾਲ ਇਕ ਪਾਰਟੀ 'ਚ ਪਹੁੰਚੇ ਸਨ, ਜਿਥੋਂ ਬਾਹਰ ਨਿਕਲਦੇ ਸਮੇਂ ਇਹ ਐਕਸ ਕੱਪਲ ਇਕੱਠਿਆਂ ਨਜ਼ਰ ਆਇਆ। ਇਸ ਦੌਰਾਨ ਸੁਜ਼ੈਨ ਬਲੈਕ ਸਟ੍ਰਿੱਪ ਟਾਪ ਤੇ ਬਲਿਊ ਜੀਨਸ 'ਚ ਕਾਫੀ ਖੂਬਸੂਰਤ ਲੁੱਕ 'ਚ ਦਿਖੀ, ਉਥੇ ਰਿਤਿਕ ਬਲਿਊ ਸ਼ਰਟ ਤੇ ਲਾਈਟ ਜੀਨਸ ਨਾਲ ਕੈਪ ਪਹਿਨੇ ਦਿਖੇ। ਇਸ ਦੌਰਾਨ ਰਿਤਿਕ ਤੇ ਸੁਜ਼ੈਨ ਨੇ ਹੱਸ ਕੇ ਕੈਮਰਿਆਂ ਸਾਹਮਣੇ ਪੌਜ਼ ਦਿੱਤੇ। ਇਸ ਤੋਂ ਬਾਅਦ ਦੋਵੇਂ ਇਕੋ ਕਾਰ 'ਚ ਬੈਠ ਕੇ ਘਰ ਜਾਂਦੇ ਦਿਖੇ। ਦੱਸਣਯੋਗ ਹੈ ਕਿ 20 ਦਸੰਬਰ 2000 ਨੂੰ ਰਿਤਿਕ ਤੇ ਸੁਜ਼ੈਨ ਨੇ ਵਿਆਹ ਕਰਵਾਇਆ ਸੀ ਤੇ 31 ਅਕਤੂਬਰ 2014 ਨੂੰ ਦੋਵਾਂ ਦਾ ਤਲਾਕ ਹੋ ਗਿਆ।