ਮੁੰਬਈ (ਬਿਊਰੋ)— ਇੰਟਰਨੈਸ਼ਨਲ ਇੰਡੀਅਨ ਫਿਲਮ ਅਕੈਡਮੀ ਐਵਾਰਡ 2018 ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਇਸ ਸਾਲ ਇਸ ਗ੍ਰੈਂਡ ਇਵੈਂਟ ਨੂੰ ਥਾਈਲੈਂਡ ਦੀ ਰਾਜਧਾਨੀ ਬੈਂਕਾਕ 'ਚ ਆਯੋਜਿਤ ਕੀਤਾ ਗਿਆ ਹੈ।
ਹਰ ਸਾਲ ਵਾਂਗ ਇਸ ਸਾਲ ਵੀ ਬਾਲੀਵੁੱਡ ਦੇ ਕਈ ਸਿਤਾਰੇ ਇੱਥੇ ਆਪਣੀ ਮੌਜੂਦਗੀ ਦਰਜ ਕਰਾਉਣਗੇ ਅਤੇ ਆਪਣਾ ਸ਼ਾਨਦਾਰ ਪਰਫਾਰਮੈਂਸ ਦੇਣਗੇ।
ਇਨ੍ਹਾਂ 'ਚ ਰਣਬੀਰ ਕਪੂਰ, ਅਰਜੂਨ ਕਪੂਰ, ਆਯੂਸ਼ਮਾਨ ਖੁਰਾਨਾ, ਕ੍ਰਿਤੀ ਸੇਨਨ, ਬੌਬੀ ਦਿਓਲ ਅਤੇ ਨੁਸਰਤ ਭਰੂਚਾ ਵਰਗੇ ਨਾਂ ਸ਼ਾਮਲ ਹਨ।
ਤੁਹਾਨੂੰ ਦੱਸ ਕਿ ਇਸ ਦੀਆਂ ਤਿਆਰੀਆਂ ਵੀ ਸ਼ੁਰੂ ਹੋ ਗਈਆਂ ਹਨ।
20 ਜੂਨ ਨੂੰ ਮੁੰਬਈ ਤੋਂ ਕਈ ਸਾਰੇ ਸਟਾਰਜ਼ ਬੈਂਕਾਕ ਲਈ ਰਵਾਨਾ ਹੋਏ, ਜਿਸ ਤੋਂ ਬਾਅਦ ਉੱਥੇ ਪਹੁੰਚ ਕੇ ਉਨ੍ਹਾਂ ਨੇ ਇਸ ਸ਼ੋਅ ਦੀ ਰਿਹਰਸਲ ਵੀ ਸ਼ੁਰੂ ਕਰ ਦਿੱਤੀ ਹੈ।
ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓਜ਼ ਸਾਹਮਣੇ ਆਈਆਂ ਹਨ, ਜਿਸ 'ਚ ਦੇਖਿਆ ਜਾ ਸਕਦਾ ਹੈ ਕਿ ਇਹ ਸਟਾਰਜ਼ ਕਿੰਨੀ ਸ਼ਿੱਦਤ ਨਾਲ ਇਸ ਇਵੈਂਟ ਲਈ ਪ੍ਰੈਕਟਿਸ ਕਰ ਰਹੇ ਹਨ।
ਦੱਸਿਆ ਜਾ ਰਿਹਾ ਹੈ ਕਿ ਲਗਭਗ 20 ਸਾਲਾ ਬਾਅਦ ਰੇਖਾ ਇਸ ਇਵੈਂਟ 'ਤ ਪਰਫਾਰਮ ਕਰਨ ਵਾਲੀ ਹੈ।
ਅਜਿਹੇ 'ਚ ਹੁਣ ਇਹ ਕਿਹਾ ਜਾ ਸਕਦਾ ਹੈ ਕਿ ਇਹ ਇਵੈਂਟ ਕਾਫੀ ਜ਼ਿਆਦਾ ਧਮਾਕੇਦਾਰ ਅਤੇ ਰੋਮਾਂਚਕ ਹੋਣ ਵਾਲਾ ਹੈ।