ਮੁੰਬਈ(ਬਿਊਰੋ)— ਕੁਝ ਦਿਨ ਪਹਿਲਾਂ ਖਬਰਾਂ ਸੀ ਕਿ ਅਜੇ ਦੇਵਗਨ ਤੇ ਰਣਬੀਰ ਕਪੂਰ ਜਲਦ ਹੀ ਡਾਇਰੈਕਟਰ ਲਵ ਰੰਜਨ ਦੀ ਫਿਲਮ 'ਚ ਨਜ਼ਰ ਆਉਣਗੇ। ਇਸ ਦੇ ਨਾਲ ਹੀ ਫਿਲਮ ਨੂੰ ਭੂਸ਼ਨ ਕੁਮਾਰ ਪ੍ਰੋਡਿਊਸ ਕਰ ਰਹੇ ਹਨ, ਜਿਸ 'ਚ ਆਲੀਆ ਭੱਟ ਦੇ ਨਾਂ 'ਤੇ ਚਰਚਾ ਹੋ ਰਹੀ ਸੀ। ਇਕ ਵਾਰ ਫਿਰ ਇਸ ਫਿਲਮ 'ਚ ਅਦਾਕਾਰਾ ਕੌਣ ਹੋਵੇਗੀ, ਇਸ ਸਵਾਲ 'ਤੇ ਚਰਚਾ ਸ਼ੁਰੂ ਹੋ ਗਈ ਹੈ।
ਹੁਣ ਖਬਰ ਹੈ ਕਿ ਫਿਲਮ ਦੇ ਪ੍ਰੋਡਿਊਸਰ ਇਸ ਫਿਲਮ 'ਚ ਆਲੀਆ ਭੱਟ ਬਾਰੇ ਨਹੀਂ ਸਗੋਂ ਇਲਿਆਨਾ ਡਿਕਰੂਜ਼ ਨੂੰ ਸਾਈਨ ਕਰਨ ਦੀ ਸੋਚ ਰਹੇ ਹਨ। ਫਿਲਮ ਦੇ ਪ੍ਰੋਡਿਊਸਰ ਚਾਹੁੰਦੇ ਹਨ ਕਿ ਫਿਲਮ 'ਚ ਅਜਿਹੀ ਅਦਾਕਾਰਾ ਨੂੰ ਕਾਸਟ ਕੀਤਾ ਜਾਵੇ, ਜੋ ਕਾਮੇਡੀ ਦੇ ਨਾਲ ਇਮੋਸ਼ਨਲ ਸੀਨਜ਼ ਵੀ ਚੰਗੀ ਤਰ੍ਹਾਂ ਨਿਭਾ ਸਕੇ। ਇਸ ਲਈ ਮੇਕਰਸ ਨੂੰ ਇਲਿਆਨਾ ਹਰ ਪੱਖੋ ਫਿਲਮ ਲਈ ਫਿੱਟ ਨਜ਼ਰ ਆ ਰਹੀ ਹੈ।
ਫਿਲਮ ਦੀ ਕਹਾਣੀ ਅਜੇ ਦੇਵਗਨ ਤੇ ਰਣਬੀਰ ਕਪੂਰ ਦੁਆਲੇ ਹੀ ਘੁੰਮਦੀ ਨਜ਼ਰ ਆਵੇਗੀ। ਇਲਿਆਨਾ ਨੇ ਇਸ ਤੋਂ ਪਹਿਲਾਂ ਅਜੇ ਤੇ ਰਣਬੀਰ ਦੋਵਾਂ ਨਾਲ ਕੰਮ ਕੀਤਾ ਹੈ। ਉਹ ਰਣਬੀਰ ਨਾਲ 'ਬਰਫੀ' ਤੇ ਅਜੇ ਦੇਵਗਨ ਨਾਲ ਫਿਲਮ 'ਬਾਦਸ਼ਾਹੋ' ਤੇ 'ਰੇਡ' 'ਚ ਨਜ਼ਰ ਆ ਚੁੱਕੀ ਹੈ।
ਇਲਿਆਨਾ ਨੇ ਅਜੇ ਤਕ ਫਿਲਮ ਸਾਈਨ ਨਹੀਂ ਕੀਤੀ ਤੇ ਪ੍ਰੋਡਿਊਸਰਾਂ ਨੇ ਅਜੇ ਉਸ ਨਾਲ ਸਿਰਫ ਗੱਲ ਕੀਤੀ ਹੈ। ਲਵ ਰੰਜਨ ਦੀ ਇਸ ਫਿਲਮ 'ਚ ਇਲੀਆਨਾ ਤੋਂ ਪਹਿਲਾਂ ਆਲੀਆ ਤੇ ਨੁਸਰਤ ਭਰੂਚਾ ਦੇ ਨਾਂ 'ਤੇ ਵੀ ਚਰਚਾ ਹੋ ਚੁੱਕੀ ਹੈ। ਨੁਸਰਤ ਕੁਝ ਸਮਾਂ ਪਹਿਲਾਂ ਆਪਣੇ ਬਿਆਨ 'ਚ ਸਾਫ ਕਰ ਚੁੱਕੀ ਹੈ ਕਿ ਉਹ ਫਿਲਮ ਦਾ ਹਿੱਸਾ ਨਹੀਂ।
ਆਲੀਆ ਕੋਲ ਅਜੇ ਫਿਲਮਾਂ ਦੀ ਲੰਬੀ ਲਾਈਨ ਹੈ, ਜਿਸ ਕਾਰਨ ਡੇਟਸ ਦੇ ਇਸ਼ੂਜ਼ ਹੋ ਸਕਦੇ ਹਨ। ਹੁਣ ਇਲਿਆਨਾ ਇਸ ਫਿਲਮ ਦਾ ਹਿੱਸਾ ਹੈ ਜਾਂ ਅਜੇ ਵੀ ਅਦਾਕਾਰਾ ਦੀ ਤਲਾਸ਼ ਜਾਰੀ ਰਹੇਗੀ, ਇਹ ਤਾਂ ਜਲਦ ਹੀ ਪਤਾ ਲੱਗੇਗਾ।