ਨਵੀਂ ਦਿੱਲੀ(ਬਿਊਰੋ)— 'ਰਾਕ ਸਟਾਰ', 'ਜਬ ਵੀ ਮੈੱਟ', 'ਹਾਈਵੇ' ਅਤੇ 'ਜਬ ਹੈਰੀ ਮੈੱਟ ਸੇਜਲ' ਫਿਲਮਾਂ ਵਰਗੀਆਂ ਫਿਲਮਾਂ ਨੂੰ ਡਾਇਰੈਕਟ ਕਰ ਚੁਕੇ ਇਮਤਿਆਜ਼ ਅਲੀ ਦਾ 16 ਜੂਨ ਨੂੰ ਜਨਮਦਿਨ ਹੈ। ਇਮਤਿਆਜ਼ 16 ਜੂਨ ਨੂੰ 46 ਸਾਲ ਦੇ ਹੋ ਜਾਣਗੇ। ਇਮਤਿਆਜ਼ ਬਿਹਾਰ ਦੇ ਦਰਭੰਗਾ ਦੇ ਮੁਸਲਿਮ ਪਰਿਵਾਰ ਨਾਲ ਸੰਬੰਧ ਰੱਖਦੇ ਹਨ। ਬਾਲੀਵੁੱਡ 'ਚ ਹਿੱਟ ਫਿਲਮਾਂ ਦੇਣ ਵਾਲੇ ਇਮਤਿਆਜ਼ ਦੇ ਬਾਰੇ 'ਚ ਆਓ ਜਾਣਦੇ ਹਾਂ ਕੁਝ ਦਿਲਚਪਸ ਗੱਲਾਂ। ਬਾਲੀਵੁੱਡ 'ਚ 'ਜਬ ਵੀ ਮੈੱਟ' ਅਤੇ 'ਰਾਕ ਸਟਾਰ' ਵਰਗੀਆਂ ਫਿਲਮਾਂ 'ਚ ਆਪਣੀ ਥਾਕ ਜਮ੍ਹਾ ਚੁਕੇ ਇਮਤਿਆਜ਼ ਅਲੀ ਹਾਲ ਹੀ 'ਚ ਆਪਣੇ ਅਫੇਅਰ ਕਾਰਨ ਕਾਫੀ ਚਰਚਾ 'ਚ ਹਨ। ਇਮਤਿਆਜ਼ ਮਾਸਰਟਸ਼ੈੱਫ ਆਸਟ੍ਰੇਲਿਆ ਸੀਜਨ-6 ਦੀ ਮੁਕਾਬਲੇਬਾਜ਼ ਸਾਰਾ ਟੋਡ ਦੇ ਨਾਲ ਅਫੇਅਰ ਦੀਆਂ ਖਬਰਾਂ ਨੂੰ ਲੈ ਕੇ ਚਰਚਾ 'ਚ ਹਨ। ਸਾਰਾ ਇਮਤਿਆਜ਼ ਤੋਂ 14 ਸਾਲ ਛੋਟੀ ਹੈ ਅਤੇ ਇਕ ਬੱਚੇ ਦੀ ਮਾਂ ਹੈ। ਇਮਤਿਆਜ਼ ਅਤੇ ਸਾਰਾ ਦੋਵੇਂ ਹੀ ਇਕ ਵਾਰ ਵਿਆਹ ਕਰ ਚੁਕੇ ਹਨ ਸਾਰਾ ਦਾ ਵਿਆਹ ਪਹਿਲਾਂ ਦਵਿੰਦਰ ਗਾਰਚਾ ਨਾਲ ਹੋਇਆ ਸੀ ਅਤੇ ਉਨ੍ਹਾਂ ਦਾ ਦਸ ਸਾਲ ਦਾ ਬੇਟਾ ਵੀ ਹੈ। ਇਮਤਿਆਜ਼ ਵੀ ਪ੍ਰੀਤੀ ਅਲੀ ਨਾ ਵਿਆਹ ਦੇ ਬੰਧਨ 'ਚ ਬੱਝ ਚੁਕੇ ਸੀ ਪਰ 2012 'ਚ ਦੋਵੇ ਹੀ ਵੱਖ-ਵੱਖ ਹੋ ਗਏ ਸੀ। ਇਮਤਿਆਜ਼ ਅਲੀ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਹਿੰਦੀ ਸੀਰਿਅਲਸ 'ਨੈਨੰਦ ਕੁਰਕਸ਼ੇਤਰ' ਅਤੇ 'ਇਮਤਿਹਾਨ' ਦੇ ਡਾਈਰੈਕਸ਼ਨ ਨਾਲ ਕੀਤੀ ਸੀ। ਇਮਤਿਆਜ਼ ਅਲੀ ਦੀ ਡਾਇਰੈਕਟਰ ਦੇ ਤੌਰ 'ਤੇ ਪਹਿਲੀ ਫਿਲਮ 'ਸੋਚਾ ਨਾ ਥਾ' ਸੀ ਪਰ ਅਭੈ ਦਿਓਲ ਅਤੇ ਸੋਹਾ ਅਲੀ ਖਾਨ ਐਕਟਰ ਸੀ। ਇਹ ਫਿਲਮ ਬਾਕਸ ਆਫਿਸ 'ਤੇ ਕੁਝ ਖਾਸ ਕਮਾਲ ਨਹੀਂ ਦਿਖਾ ਪਾਈ। ਇਮਤਿਆਜ਼ ਅਲੀ ਐਵਰਗ੍ਰੀਨ ਐਕਟਰ ਦਿਲੀਪ ਕੁਮਾਰ ਦੇ ਬਹੁਤ ਵੱਡੇ ਫੈਨ ਹਨ ਅਤੇ ਇਮਤਿਆਜ਼ ਦੇ ਮੁਤਾਬਕ 'ਦਿਲੀਪ ਕੁਮਾਰ ਅਜਿਹੇ ਐਕਟਰ ਹਨ ਜਿਨ੍ਹਾਂ ਦੁਆਰਾ ਸਿਰਫ ਦੇਖੇ ਜਾਣ 'ਤੇ ਹੀ ਕੋਈ ਵੀ ਅਦਾਕਾਰਾ ਕੰਬ ਸਕਦੀ ਸੀ। ਖਬਰਾਂ ਦੀ ਮੰਨੀਏ ਤਾਂ ਇਮਤਿਆਜ਼ ਪਾਕਿਸਤਾਨੀ ਅਦਾਕਾਰਾ ਇਮਾਨ ਅਲੀ ਦੇ ਨਾਲ ਰਿਲੇਸ਼ਨਸ਼ਿਪ 'ਚ ਸੀ ਅਤੇ 2014 'ਚ ਦੋਹਾਂ ਦਾ ਬ੍ਰੇਕਅੱਪ ਹੋ ਗਿਆ ਸੀ। ਇਸ ਤੋਂ ਪਹਿਲਾਂ ਇਮਤਿਆਜ਼ ਦਾ ਆਪਣੀ ਪਤਨੀ ਨਾਲ 2012 'ਚ ਤਲਾਕ ਹੋ ਗਿਆ ਸੀ। ਇਮਤਿਆਜ਼ ਦੀ ਆਖਰੀ ਫਿਲਮ 'ਜਬ ਹੈਰੀ ਮੈੱਟ ਸੇਜਲ' ਰਿਲੀਜ਼ ਹੋਈ ਸੀ। ਸਾਹਰੁਖ ਖਾਨ ਅਤੇ ਅਨੁਸ਼ਕਾ ਸ਼ਰਮਾ ਇਸ ਫਿਲਮ ਦੇ ਐਕਟਰ ਸੀ। ਇਹ ਫਿਲਮ ਪਰਦੇ 'ਤੇ ਕੁਝ ਖਾਸ ਕਮਾਲ ਨਹੀਂ ਦਿਖਾ ਪਾਈ ਸੀ।ਫਿਲਮ 'ਰਾਕ ਸਟਾਰ' ਦੀ ਰਿਲੀਜ਼ ਤੋਂ ਪਹਿਲਾਂ ਇਮਤਿਆਜ਼ ਨੇ ਨਰਗਿਸ ਫਾਖਰੀ ਨੂੰ ਪਬਲਿਕ 'ਚ ਨਾ ਦਿਖਣ ਦੀ ਹਦਾਇਤ ਦਿੱਤੀ ਕਿਉਂਕਿ ਨਰਗਿਸ ਬਾਲੀਵੁੱਡ ਦੇ ਲਈ ਨਵਾਂ ਚਿਹਰਾ ਸੀ ਪਰ ਰਣਵੀਰ ਅਤੇ ਨਰਗਿਸ ਦੇ ਵਾਰ-ਵਾਰ ਪਬਲਿਕ 'ਚ ਜਾਣ ਦੀ ਵਜ੍ਹਾ ਨਾਲ ਇਹ ਸਰਪਰਾਈਜ਼ ਫਿੱਕਾ ਪੈ ਗਿਆ। ਰਣਵੀਰ ਕਪੂਰ ਦੇ ਨਾਲ 'ਰਾਕ ਸਟਾਰ' ਅਤੇ 'ਤਮਾਸ਼ਾ' ਵਰਗੀਆਂ ਫਿਲਮਾਂ ਡਾਇਰੈਕਟ ਕਰਨ ਵਾਲੇ ਡਾਇਰੈਕਟਰ ਇਮਤਿਆਜ਼ ਅਲੀ ਨੇ ਕਿਹਾ ਸੀ ਫਲਰਟ ਦੇ ਮਾਮਲੇ 'ਚ ਰਣਵੀਰ ਡਿਜਾਸਟਰ ਹੈ। ਇਮਤਿਆਜ਼ ਨੇ ਕਿਹਾ ਸੀ ਕਿ ਰਣਵੀਰ ਫਲਰਟ ਕਰਨ ਦੀ ਕੋਸ਼ਿਸ਼ ਜ਼ਰੂਰ ਕਰਦੇ ਹਨ ਪਰ ਉਹ ਇਨ੍ਹਾਂ ਨਰਵਸ ਹੋ ਜਾਂਦੇ ਹਨ ਕਿ ਸਾਰਾ ਖੇਡ ਹੀ ਖਰਾਬ ਹੋ ਜਾਂਦਾ ਹੈ।