ਨਵੀਂ ਦਿੱਲੀ–ਇੰਡੀਅਨ ਆਈਡਲ ਦੇ ਜੇਤੂ ਦਾ ਖਿਤਾਬ ਸਲਮਾਨ ਅਲੀ ਨੇ ਜਿੱਤ ਲਿਆ ਹੈ। ਉਸ ਨੇ ਬਾਕੀ 4 ਕੰਟੈਸਟੈਂਟ ਨੂੰ ਪਿੱਛੇ ਛੱਡ ਕੇ ਇਹ ਖਿਤਾਬ ਆਪਣੇ ਨਾਮ ਕੀਤਾ ਤੇ ਸਭ ਤੋਂ ਵੱਧ ਵੋਟ ਹਾਸਲ ਕਰ ਕੇ 25 ਲੱਖ ਰੁਪਏ ਦੀ ਪ੍ਰਾਈਜ ਮਨੀ ਹਾਸਲ ਕੀਤੀ।

ਇਸ ਮੌਕੇ ਫਿਲਮ 'ਜ਼ੀਰੋ' ਦੇ ਸਟਾਰ ਕਾਸਟ ਸ਼ਾਹਰੁਖ ਖਾਨ, ਕੈਟਰੀਨਾ ਕੈਫ ਤੇ ਅਨੁਸ਼ਕਾ ਸ਼ਰਮਾ ਨੇ ਖਾਸ ਅੰਦਾਜ਼ 'ਚ ਸ਼ਿਰਕਤ ਕੀਤੀ ਤੇ ਇਸ ਮੌਕੇ ਨੂੰ ਯਾਦਗਾਰ ਬਣਾਇਆ ।

ਇੰਡੀਅਨ ਆਈਡਲ ਦੀ ਜੱਜ ਨੇਹਾ ਕੱਕੜ ਨੇ ਕਲਾਕਾਰਾਂ ਨਾਲ ਸ਼ਾਨਦਾਰ ਡਾਂਸ ਦੀ ਪੇਸ਼ਕਾਰੀ ਕੀਤੀ । ਕਪਿਲ ਸ਼ਰਮਾ ਦਾ ਸ਼ੋਅ 29 ਦਸੰਬਰ ਨੂੰ ਸ਼ੁਰੂ ਹੋ ਰਿਹਾ ਹੈ। ਇਸ ਨੂੰ ਪ੍ਰਮੋਟ ਕਰਨ ਲਈ ਇੰਡੀਅਨ ਆਈਡਲ ਫਿਨਾਲੇ 'ਚ ਕਾਮੇਡੀਅਨ ਕੀਕੂ ਸ਼ਾਰਦਾ ਸਾਂਤਾ ਕਲਾਜ ਦੇ ਗੈਟਅਪ 'ਚ ਪਹੁੰੰਚੇ।