ਜਲੰਧਰ (ਬਿਊਰੋ) — ਰੈਪਰ ਬਾਦਸ਼ਾਹ ਪੰਜਾਬੀ ਮਿਊਜ਼ਿਕ ਇੰਡਸਟਰੀ 'ਚ ਹੀ ਨਹੀਂ ਬਾਲੀਵੁੱਡ 'ਤੇ ਵੀ ਰਾਜ ਕਰਦੇ ਹਨ। ਬਾਦਸ਼ਾਹ ਆਪਣੇ ਗੀਤ 'ਸੈਟਰਡੇ-ਸੈਟਰਡੇ' ਨਾਲ ਚਰਚਾ 'ਚ ਆਏ ਸਨ। ਇਹ ਗੀਤ ਇੰਦੀਪ ਬਖਸ਼ੀ ਨੇ ਗਾਇਆ ਸੀ, ਜਿਸ 'ਚ ਬਾਦਸ਼ਾਹ ਨੇ ਰੈਪ ਦਾ ਤੜਕਾ ਲਾਇਆ ਸੀ। ਉਨ੍ਹਾਂ ਦੇ ਪਹਿਲੇ ਰੈਪ ਦਾ ਮਿਹਨਤਾਨਾ ਉਨ੍ਹਾਂ ਨੂੰ ਸਿਰਫ 200 ਰੁਪਏ ਮਿਲੇ ਸਨ, ਜਿਸ 'ਚੋਂ ਉਨ੍ਹਾਂ ਨੇ 50 ਰੁਪਏ ਟਿਕਟ 'ਤੇ ਖਰਚ ਕੀਤੇ ਸਨ ਅਤੇ ਬਾਕੀ 150 ਉਨ੍ਹਾਂ ਨੇ ਪਾਰਟੀ 'ਤੇ ਖਰਚ ਕਰ ਦਿੱਤੇ ਸਨ।
ਪ੍ਰਿੰਸ ਤੋਂ ਬਣੇ ਬਾਦਸ਼ਾਹ
ਬਾਦਸ਼ਾਹ ਦੀ ਮਾਂ ਨੇ ਉਨ੍ਹਾਂ ਦਾ ਨਾਂ ਪ੍ਰਿੰਸ ਰੱਖਿਆ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਗਾਇਕੀ ਦੇ ਖੇਤਰ 'ਚ ਆਉਣ ਤੋਂ ਬਾਅਦ ਉਨ੍ਹਾਂ ਨੇ ਆਪਣਾ ਨਾਂ ਬਾਦਸ਼ਾਹ ਰੱਖਿਆ ਸੀ। ਬਾਦਸ਼ਾਹ ਦੇ ਪਿਤਾ ਹਰਿਆਣਵੀਂ ਹਨ ਜਦਕਿ ਮਾਂ ਪੰਜਾਬ ਦੀ ਹੈ।
ਇਹ ਹਨ ਬਾਦਸ਼ਾਹ ਦੇ ਖਾਸ ਸ਼ੌਕ
ਬਾਦਸ਼ਾਹ ਦੇ ਸ਼ੌਂਕਾਂ ਦੀ ਗੱਲ ਕੀਤੀ ਜਾਵੇ ਤਾਂ ਉਨ੍ਹਾਂ ਨੂੰ ਸ਼ਾਪਿੰਗ ਕਰਨ ਦਾ ਬਹੁਤ ਸ਼ੌਂਕ ਹੈ, ਜਿਨ੍ਹਾਂ 'ਚ ਘੜੀਆਂ ਅਤੇ ਸ਼ੂਜ਼ ਖਰਦੀਣਾ ਉਨ੍ਹਾਂ ਨੂੰ ਬੇਹੱਦ ਪਸੰਦ ਹੈ। ਉਨ੍ਹਾਂ ਨੂੰ ਲੰਡਨ 'ਚ ਸ਼ਾਪਿੰਗ ਕਰਨਾ ਵਧੀਆ ਲੱਗਦਾ ਹੈ। ਬਾਦਸ਼ਾਹ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਪਤਨੀ ਉਨ੍ਹਾਂ ਨਾਲ ਸ਼ਾਪਿੰਗ ਕਰਨ ਜਾਂਦੀ ਹੈ ਅਤੇ ਉਨ੍ਹਾਂ ਲਈ ਬਿਹਤਰੀਨ ਸ਼ਾਪਿੰਗ ਕਰਦੀ ਹੈ। ਆਪਣੇ ਵਿਹਲੇ ਸਮੇਂ 'ਚ ਉਹ ਮਿਊਜ਼ਿਕ ਸੁਣਨਾ ਅਤੇ ਫਿਲਮਾਂ ਦੇਖਣਾ ਪਸੰਦ ਕਰਦੇ ਹਨ।
ਬਾਲੀਵੁੱਡ ਦੇ ਇਨ੍ਹਾਂ ਸਿਤਾਰਿਆਂ ਨੂੰ ਕਰਦੈ ਪਸੰਦ
ਅਦਾਕਾਰਾਂ ਦੀ ਗੱਲ ਕੀਤੀ ਜਾਵੇ ਤਾਂ ਬਾਲੀਵੁੱਡ 'ਚ ਉਨ੍ਹਾਂ ਨੂੰ ਸ਼ਾਹਰੁਖ ਖਾਨ, ਵਰੁਣ ਧਵਨ, ਅਕਸ਼ੇ ਕੁਮਾਰ, ਸਲਮਾਨ ਖਾਨ ਬੇਹੱਦ ਪਸੰਦ ਹਨ ਜਦਕਿ ਹੀਰੋਇਨਾਂ 'ਚੋਂ ਆਲਿਆ ਭੱਟ ਪਸੰਦ ਹੈ। ਉਥੇ ਹੀ ਪੰਜਾਬੀ ਹੀਰੋਇਨਾਂ 'ਚੋਂ ਸੁਰਵੀਨ ਚਾਵਲਾ ਪਸੰਦ ਹੈ।
ਇਨ੍ਹਾਂ ਸਿੰਗਰਾਂ ਦੀ ਗਾਇਕੀ ਦੇ ਹਨ ਦੀਵਾਨੇ
ਰਾਹਤ ਫਤਿਹ ਅਲੀ ਖਾਨ ਅਤੇ ਮੀਕਾ ਸਿੰਘ ਦੀ ਗਾਇਕੀ ਦੇ ਉਹ ਕਾਇਲ ਹਨ। ਜਦਕਿ ਪੰਜਾਬੀ ਗਾਇਕਾਂ 'ਚੋਂ ਦਿਲਜੀਤ ਦੋਸਾਂਝ ਤੇ ਏ. ਕੇ. ਵੀ ਵਧੀਆ ਲੱਗਦੇ ਹਨ। ਉਨ੍ਹਾਂ ਨੂੰ ਇਨ੍ਹਾਂ ਸਿੰਗਰਾਂ ਦੇ ਗੀਤ ਸੁਣਨੇ ਵਧੀਆ ਲੱਗਦੇ ਹਨ।