ਜਲੰਧਰ (ਬਿਊਰੋ) : ਬੀਤੇ ਦਿਨੀਂ ਮੁੰਬਈ 'ਚ ਦੇਸ਼ ਦੇ ਸਭ ਤੋਂ ਅਮੀਰ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਦੀ ਧੀ ਈਸ਼ਾ ਅੰਬਾਨੀ ਦਾ ਵਿਆਹ ਹੋਇਆ। ਈਸ਼ਾ ਅੰਬਾਨੀ ਤੇ ਆਨੰਦ ਪਿਰਾਮਲ ਦੇ ਵਿਆਹ ਦੀਆਂ ਤਿਆਰੀਆਂ ਜ਼ੋਰ-ਸ਼ੋਰ ਕਾਫੀ ਸ਼ਾਨੋ-ਸ਼ੌਕਤ ਨਾਲ ਕੀਤੀਆਂ ਗਈਆਂ ਹਨ।
ਇਹ ਦੋਵੇਂ ਅੱਜ ਮੁਕੇਸ਼ ਅੰਬਾਨੀ ਦੇ ਘਰ ਐਂਟੀਲਿਆ 'ਚ ਸੱਤ ਫੇਰੇ ਲਏ। 27 ਮੰਜ਼ਿਲਾ ਐਂਟੀਲਿਆ ਨੂੰ ਦੁਲਹਨ ਵਾਂਗ ਸਜਾਇਆ ਗਿਆ ਸੀ।
ਐਂਟੀਲਿਆ ਨੂੰ ਬਾਹਰੋਂ ਸਫੈਦ ਰੰਗ ਦੇ ਫੁੱਲਾਂ ਨਾਲ ਦੁਲਹਨ ਦੇ ਘੁੰਡ ਵਾਂਗ ਢੱਕਿਆ ਗਿਆ ਸੀ ਅਤੇ ਮੁੱਖ ਦਰਵਾਜ਼ੇ ਨੂੰ ਲਾਲ ਗੁਲਾਬ ਦੇ ਫੁੱਲਾਂ ਨਾਲ ਸਜਾਇਆ ਗਿਆ ਸੀ।
ਦੱਸ ਦੇਈਏ ਕਿ ਘਰ ਦੇ ਆਸ-ਪਾਸ ਲਾਈਟਿੰਗ ਤੇ ਗੈਂਦੇ ਦੇ ਫੁੱਲਾਂ ਦੀਆਂ ਲੜੀਆਂ ਇਸ ਦੀ ਖੂਬਸੂਰਤੀ 'ਚ ਚਾਰ ਚੰਨ ਲਾ ਰਹੀਆਂ ਸਨ।
ਲਾਈਟਿੰਗ ਵੀ ਦੀਵਿਆਂ ਦੇ ਸਟਾਈਲ 'ਚ ਕੀਤੀ ਗਈ ਸੀ, ਜੋ ਦੇਖਣ 'ਚ ਰਵਾਇਤੀ ਲੱਗ ਰਹੀ ਸੀ।
ਘਰ ਦੇ ਆਲੇ-ਦੁਆਲੇ ਮੌਜੂਦ ਦਰੱਖਤਾਂ ਨੂੰ ਪੀਲੇ, ਸਫੈਦ ਤੇ ਲਾਲ ਰੰਗ ਦੇ ਫੁੱਲਾਂ ਦੀ ਲਾਈਟਿੰਗ ਨਾਲ ਢੱਕਿਆ ਗਿਆ ਸੀ।
ਈਸ਼ਾ ਅੰਬਾਨੀ ਦਾ ਪ੍ਰੀਵੈਡਿੰਗ ਪ੍ਰੋਗਰਾਮ ਉਦੈਪੁਰ 'ਚ ਹੋਇਆ ਸੀ, ਜਿੱਥੇ ਦੇਸ਼-ਵਿਦੇਸ਼ ਦੇ ਵੱਡੇ ਚਿਹਰਿਆਂ ਨੇ ਸ਼ਿਰਕਤ ਕੀਤੀ।
ਦੁਨੀਆ ਦੇ ਸਭ ਤੋਂ ਮਹਿੰਗਾ ਘਰ ਐਂਟੀਲਿਆ ਦੀ ਜਗਮਗਾਹਟ ਦੱਖਣ ਮੁੰਬਈ ਨੂੰ ਰੌਸ਼ਨ ਕਰ ਰਹੀ ਹੈ।
