ਮੁੰਬਈ(ਬਿਊਰੋ)— ਭਾਰਤ ਦੇ ਸਭ ਤੋਂ ਅਮੀਰ ਵਿਅਕਤੀ ਮੁਕੇਸ਼ ਅੰਬਾਨੀ ਦੀ ਧੀ ਈਸ਼ਾ ਅੰਬਾਨੀ ਦੀ ਮੰਗਣੀ ਦਾ ਫੰਕਸ਼ਨ ਇਟਲੀ 'ਚ ਤਿੰਨ ਦਿਨ ਲਈ ਸ਼ੁਰੂ ਹੋਇਆ ਸੀ, ਜਿਸ 'ਚ ਬਾਲੀਵੁੱਡ ਦੇ ਕਈ ਸਿਤਾਰੇ ਸ਼ਾਮਲ ਹੋਏ। ਇਸ ਮੰਗਣੀ ਦੇ ਸਮਾਗਮ 'ਚ ਪ੍ਰਿਅੰਕਾ ਚਪੋੜਾ ਆਪਣੇ ਮੰਗੇਤਰ ਨਿਕ ਜੋਨਸ ਨਾਲ ਨਜ਼ਰ ਆਈ ਹੈ, ਜਿੱਥੇ ਪੀਸੀ ਨੈਟ ਦੀ ਖੂਬਸੂਰਤ ਸਾੜ੍ਹੀ 'ਚ ਨਜ਼ਰ ਆਈ।
ਦੇਸੀ ਗਰਲ ਦੀ ਇਸ ਸਾੜ੍ਹੀ ਨੂੰ ਮਸ਼ਹੂਰ ਡਿਜ਼ਾਈਨਰ ਮਨੀਸ਼ ਮਲਹੋਤਰਾ ਨੇ ਡਿਜ਼ਾਈਨ ਕੀਤਾ ਹੈ। ਦੇਸੀ ਗਰਲ ਜਿੱਥੇ ਵੀ ਜਾਂਦੀ ਹੈ ਆਪਣੇ ਸਟਾਈਲਿਸ਼ ਅੰਦਾਜ਼ ਨਾਲ ਸਾਰਿਆਂ ਨੂੰ ਆਪਣਾ ਦੀਵਾਨਾ ਬਣਾ ਹੀ ਲੈਂਦੀ ਹੈ।
ਹੁਣ ਦੇਸੀ ਗਰਲ ਦਾ ਇਹ ਅੰਦਾਜ਼ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ ਅਤੇ ਫੈਨਸ ਨੂੰ ਖੂਬ ਪਸੰਦ ਵੀ ਆ ਰਿਹਾ ਹੈ।
ਦੇਸੀ ਗਰਲ ਪ੍ਰਿਅੰਕਾ ਨਾਲ ਨਿਕ ਇੱਥੇ ਬਲੈਕ ਸ਼ੇਰਵਾਨੀ ਅਤੇ ਪੇਸਟਲ ਕਲਰ ਦੇ ਕੁੜਤੇ 'ਚ ਨਜ਼ਰ ਆਏ। ਇਨ੍ਹਾਂ ਹੀ ਨਹੀਂ ਇਸ ਖੂਬਸੂਰਤ ਕੱਪਲ ਦੇ ਨਾਲ ਇੱਥੇ ਫੈਸ਼ਨ ਡਿਜ਼ਾਇਨਰ ਮਨੀਸ਼ ਮਲਹੋਤਰਾ ਵੀ ਨਜ਼ਰ ਆ ਰਹੇ ਹਨ।
ਇਸ ਤੋਂ ਬਾਅਦ ਇਸ ਈਵੈਂਟ ਦਾ ਹਿੱਸਾ ਬਣਨ ਲਈ 'ਧੜਕ' ਫੇਮ ਜਾਹਨਵੀ ਕਪੂਰ ਵੀ ਪਹੁੰਚੀ। ਉਸ ਨੇ ਬਲੈਕ ਕਲਰ ਦਾ ਗਾਊਨ ਪਾਇਆ ਸੀ।
ਇਸ ਤੋਂ ਆਮਿਰ ਖਾਨ, ਆਨਿਲ ਕਪੂਰ, ਸੋਨਮ ਕਪੂਰ ਪਤਨੀ ਆਨੰਦ ਆਹੂਜਾ ਸਮੇਤ ਕਈ ਹਸਤੀਆਂ ਪਹੁੰਚੀਆਂ।