ਮੁੰਬਈ(ਬਿਊਰੋ)— ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਦੀ ਖਾਸ ਦੋਸਤ ਯੂਲੀਆ ਵੰਤੂਰ ਨੇ ਹਾਲ ਹੀ 'ਚ 'ਸੈਲਫਿਸ਼' ਗੀਤ ਨਾਲ ਆਪਣੀ ਕਾਬਲੀਅਤ ਜ਼ਾਹਿਰ ਕੀਤੀ ਹੈ। ਇਸ ਦੇ ਨਾਲ ਹੀ ਉਹ ਮਿਊਜ਼ਿਕ ਕੰਪੋਜ਼ਰ ਹਿਮੇਸ਼ ਰੇਸ਼ਮੀਆ ਦੀ ਐਲਬਮ 'ਚ ਵੀ ਗੀਤ ਗਾ ਚੁੱਕੀ ਹੈ। ਹੁਣ ਖਬਰਾਂ ਆ ਰਹੀਆਂ ਹਨ ਕਿ ਯੂਲੀਆ ਇਸ ਦੇ ਨਾਲ-ਨਾਲ ਐਕਟਿੰਗ 'ਤੇ ਵੀ ਫੋਕਸ ਕਰ ਰਹੀ ਹੈ।
ਜੀ ਹਾਂ, ਯੂਲੀਆ ਜਲਦ ਹੀ ਬਾਲੀਵੁੱਡ 'ਚ ਆਪਣੀ ਐਕਟਿੰਗ ਕਰਦੀ ਨਜ਼ਰ ਆ ਸਕਦੀ ਹੈ। ਖਬਰ ਤਾਂ ਇਹ ਵੀ ਹੈ ਕਿ ਯੂਲੀਆ ਨੂੰ ਪ੍ਰੇਮ ਸੋਨੀ ਨੇ ਐਕਟਿੰਗ ਲਈ ਅਪ੍ਰੋਚ ਕੀਤਾ ਹੈ।
ਪ੍ਰੇਮ ਸੋਨੀ ਪ੍ਰੀਤੀ ਜਿੰਟਾ ਦੀ ਫਿਲਮ 'ਇਸ਼ਕ ਇੰਨ ਪੈਰਿਸ' ਵੀ ਡਾਇਰੈਕਟ ਕਰ ਚੁੱਕੇ ਹਨ।
ਇਸ ਤੋਂ ਇਲਾਵਾ ਉਹ ਫਿਲਮ 'ਮੈਂ ਔਰ ਮਿਸੇਜ ਖੰਨਾ' ਨੂੰ ਵੀ ਡਾਇਰੈਕਟ ਕਰ ਚੁੱਕੇ ਹਨ। ਇਹ ਫਿਲਮ ਵੀ ਕੁਝ ਖਾਸ ਕਮਾਲ ਨਹੀਂ ਕਰ ਸਕੀ।
ਹੁਣ ਪ੍ਰੇਮ ਸੋਨੀ ਆਪਣੀ ਅਗਲੀ ਫਿਲਮ ਦੀ ਤਿਆਰੀ 'ਚ ਹਨ, ਜਿਸ 'ਚ ਲੀਡ ਕਿਰਦਾਰ ਲਈ ਉਨ੍ਹਾਂ ਨੇ ਯੂਲੀਆ ਨੂੰ ਅਪ੍ਰੋਚ ਕੀਤਾ ਹੈ।
ਖਬਰਾਂ ਨੇ ਕਿ ਇਹ ਫਿਲਮ ਗੋਆ 'ਤੇ ਆਧਾਰਿਤ ਹੋਵੇਗੀ, ਜਿਸ 'ਚ ਯੂਲੀਆ ਦੇ ਨਾਲ ਰਣਦੀਪ ਹੁੱਡਾ ਨੂੰ ਕਾਸਟ ਕੀਤਾ ਜਾ ਸਕਦਾ ਹੈ।
ਫਿਲਮ ਨੂੰ ਸਲਮਾਨ ਖਾਨ ਦੇ ਪ੍ਰੋਡਕਸ਼ਨ ਬੈਨਰ ਹੇਠ ਬਣਾਇਆ ਜਾਵੇਗਾ। ਯੂਲੀਆ ਦੀ ਪਹਿਲੀ ਫਿਲਮ ਨੂੰ ਸਲਮਾਨ ਪ੍ਰੋਡਿਊਸ ਕਰਨਗੇ। ਇਸ ਦੀ ਆਫੀਸ਼ੀਅਲ ਅਨਾਊਂਸਮੈਂਟ ਹੋਣੀ ਅਜੇ ਬਾਕੀ ਹੈ, ਜਿਸ ਦਾ ਇੰਤਜ਼ਾਰ ਸਾਰਿਆਂ ਨੂੰ ਹੈ।