ਜਲੰਧਰ(ਬਿਊਰੋ)— ਪਾਲੀਵੁੱਡ ਇੰਡਸਟਰੀ 'ਚ ਖਾਸ ਸ਼ੌਹਰਤ ਹਾਸਲ ਕਰਨ ਵਾਲੇ ਪੰਜਾਬੀ ਗਾਇਕ ਜੇ ਸਟਾਰ ਅੱਜ ਆਪਣਾ 29ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ। ਜੇ ਸਟਾਰ ਦਾ ਜਨਮ 1 ਅਗਸਤ 1990 'ਚ ਹੋਇਆ। ਦੱਸ ਦੇਈਏ ਕਿ ਜੇ ਸਟਾਰ ਦਾ 'ਮੈਂ ਤੇਰਾ ਬੁਆਏਫ੍ਰੈਂਡ' ਗੀਤ ਬਾਲੀਵੁੱਡ ਫਿਲਮ 'ਰਾਬਤਾ' 'ਚ ਵੀ ਲਿਆ ਗਿਆ ਸੀ।
ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਜੇ ਸਟਾਰ ਦਾ ਅਸਲੀ ਨਾਮ ਜਸਦੀਪ ਸਿੰਘ ਹੈ। ਗਾਇਕ ਜੇ ਸਟਾਰ ਨੇ 'ਰਾਬਤਾ' ਫਿਲਮ 'ਤੇ ਗੀਤ ਚੋਰੀ ਕਰਨ ਦਾ ਦੋਸ਼ ਲਾਇਆ ਸੀ ਹਾਲਾਂਕਿ ਬਾਅਦ 'ਚ ਇਸ ਗੀਤ ਨੂੰ ਯੂਟਿਊਬ ਤੋਂ ਹਟਾ ਦਿੱਤਾ ਗਿਆ ਸੀ।
ਦੱਸਣਯੋਗ ਹੈ ਕਿ ਜੇ ਸਟਾਰ ਅਜਿਹਾ ਪੰਜਾਬੀ ਗਾਇਕ ਹੈ, ਜਿਸ ਨੇ ਥੋੜ੍ਹੇ ਸਮੇਂ 'ਚ ਖਾਸ ਪਛਾਣ ਕਾਇਮ ਕੀਤੀ।
ਹੁਣ ਤੱਕ ਉਸ ਨੇ 'ਨਾ ਨਾ ਨਾ ਨਾ', 'ਡਰੀਮ ਗਰਲ', 'ਗੱਬਰੂ', 'ਹੁਲਾਰਾ','ਬਿੱਲੋ', 'ਗੱਬਰੂ 2' ਵਰਗੇ ਗੀਤ ਦਰਸ਼ਕਾਂ ਦੀ ਝੋਲੀ ਪਾਏ।
ਦੱਸ ਦੇਈਏ ਕਿ ਜੇ ਸਟਾਰ ਦੇ ਗੀਤਾਂ ਨੂੰ ਨਵੀਂ ਪੀੜ੍ਹੀ ਵਲੋਂ ਕਾਫੀ ਪਸੰਦ ਕੀਤੇ ਜਾਂਦੇ ਹਨ। ਉਸ ਦੇ ਗੀਤ ਅਕਸਰ ਹੀ ਵਿਆਹ-ਪਾਰਟੀਆਂ ਦੀ ਰੋਣਕ ਬਣਦੇ ਹਨ।