ਮੁੰਬਈ— ਬਾਲੀਵੁੱਡ ਮਸ਼ਹੂਰ ਅਦਾਕਾਰਾ ਅਤੇ ਸਾਬਕਾ ਮਿਸ ਸ਼੍ਰੀਲੰਕਾ ਜੈਕਲੀਨ ਫਰਨਾਂਡੀਜ਼ ਦਾ ਕਹਿਣਾ ਹੈ ਕਿ ਉਹ 'ਜੁੜਵਾ 2' ਦੀ ਸ਼ੂਟਿੰਗ ਸ਼ੁਰੂ ਹੋਣ ਤੋਂ ਪਹਿਲਾਂ ਨਿਰਦੇਸ਼ਕ ਡੇਵਿਡ ਧਵਨ ਤੋਂ ਬੇਹੱਦ ਡਰਦੀ ਸੀ। ਡੇਵਿਡ ਆਪਣੀ ਸੁਪਰਹਿੱਟ ਫਿਲਮ 'ਜੁੜਵਾ' ਦਾ ਸੀਕਵਲ 'ਜੁੜਵਾ 2' ਬਣਾ ਰਹੇ ਹਨ। ਫਿਲਮ ਵਿਚ ਵਰੁਣ ਧਵਨ, ਤਾਪਸੀ ਪੰਨੂ ਅਤੇ ਜੈਕਲੀਨ ਫਰਨਾਂਡੀਜ਼ ਦੀ ਅਹਿਮ ਭੂਮਿਕਾ ਹੈ।
ਜੈਕਲੀਨ ਨੇ ਹਾਲ ਹੀ ਵਿਚ 'ਜੁੜਵਾ 2' ਦੇ ਟ੍ਰੇਲਰ ਲਾਂਚ ਮੌਕੇ ਕਿਹਾ ਕਿ ਉਸ ਨੂੰ ਇਸ ਫਿਲਮ ਦੀ ਸ਼ੂਟਿੰਗ ਕਰਨ ਦੌਰਾਨ ਸਭ ਤੋਂ ਵੱਧ ਡਰ ਡੇਵਿਡ ਧਵਨ ਤੋਂ ਲੱਗਿਆ ਕਿਉਂਕਿ ਉਨ੍ਹਾਂ ਵਰਗੀਆਂ ਕਾਮੇਡੀ ਫਿਲਮਾਂ ਕੋਈ ਨਹੀਂ ਬਣਾਉਂਦਾ।
ਉਸਨੇ ਵਰੁਣ ਅਤੇ ਪਿਤਾ ਡੇਵਿਡ ਦੇ ਵਿਚਾਲੇ ਦੀ ਕੈਮਿਸਟਰੀ ਬਾਰੇ ਵੀ ਦੱਸਿਆ, ਦੋਹਾਂ ਵਿਚਾਲੇ ਕੈਮਿਸਟਰੀ ਲਾਜਵਾਬ ਹੈ। ਦੋਵਾਂ ਨੂੰ ਸੈੱਟ 'ਤੇ ਇਕ-ਇਕ ਸੀਨ ਲਈ ਬਹਿਸ ਕਰਦੇ ਦੇਖਣ ਵਿਚ ਬਹੁਤ ਹੀ ਮਜ਼ਾ ਆਉਂਦਾ ਸੀ।