ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼ ਅੱਜਕਲ ਆਪਣੀ ਆਉਣ ਫਿਲਮ 'ਰੇਸ 3' ਨੂੰ ਲੈ ਕੇ ਚਰਚਾ 'ਚ ਹੈ। ਪਿਛਲੇ 2-3 ਸਾਲ 'ਚ ਉਹ ਹਿੱਟ ਅਭਿਨੇਤਰੀਆਂ 'ਚ ਸ਼ਾਮਲ ਹੋ ਗਈ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਦੀ ਫਿਲਮ 'ਜੁੜਵਾ' ਹਿੱਟ ਰਹੀ ਸੀ। 'ਰੇਸ 3' ਤੋਂ ਪਹਿਲਾਂ ਜੈਕਲੀਨ ਨੇ ਸਲਮਾਨ ਨਾਲ 'ਕਿੱਕ' 'ਚ ਕੰਮ ਕੀਤਾ ਸੀ।
ਇਸ ਤੋਂ ਬਾਅਦ ਉਹ ਸਲਮਾਨ ਖਾਨ ਨੇ ਪਰਿਵਾਰ ਦੇ ਕਾਫੀ ਕਰੀਬ ਆ ਗਈ ਹੈ। ਮੁੰਬਈ 'ਚ ਜੇਕਰ ਉਨ੍ਹਾਂ ਨੂੰ ਕਿਸੇ ਗੱਲ ਦੀ ਪਰੇਸ਼ਾਨੀ ਹੁੰਦੀ ਹੈ ਤਾਂ ਉਹ ਖਾਨ ਪਰਿਵਾਰ ਕੋਲ ਜਾਂਦੀ ਹੈ। ਰਿਪੋਰਟ ਮੁਤਾਬਕ ਹਾਲ ਹੀ 'ਚ ਜੈਕਲੀਨ ਉਰਦੂ ਸਿੱਖਣਾ ਚਾਹੁੰਦੀ ਸੀ, ਜਿਸ ਲਈ ਉਹ ਸਲਮਾਨ ਖਾਨ ਦੇ ਪਿਤਾ ਸਲੀਮ ਖਾਨ ਕੋਲ੍ਹ ਪਹੁੰਚ ਗਈ।
ਜੈਕਲੀਨ ਨੇ ਸਲੀਮ ਖਾਨ ਨੂੰ ਕਿਹਾ ਕਿ ਉਹ ਉਰਦੂ ਸਿੱਖਣਾ ਚਾਹੁੰਦੀ ਹੈ। ਇਸ ਤੋਂ ਬਾਅਦ ਸਲੀਮ ਨੇ ਜੈਕਲੀਨ ਨੂੰ ਜੋ ਕਿਹਾ, ਉਸ ਨੂੰ ਸੁਣ ਸ਼ਾਇਦ ਤੁਸੀਂ ਵੀ ਆਪਣਾ ਹਾਸਾ ਰੋਕ ਨਾ ਸਕੋਗੇ। ਸਲੀਮ ਖਾਨ ਨੇ ਕਿਹਾ, ''ਤੁਸੀਂ ਪਹਿਲਾਂ ਹਿੰਦੀ ਤਾਂ ਢੰਗ ਨਾਲ ਸਿਖ ਲਓ, ਫਿਰ ਉਰਦੂ ਸਿਖ ਲਿਓ।'' ਸਲੀਮ ਖਾਨ ਹਮੇਸ਼ਾ ਤੋਂ ਆਪਣੇ ਮਨ ਦੀ ਗੱਲ ਕਹਿਣ ਲਈ ਜਾਣੇ ਜਾਂਦੇ ਹਨ।
ਉਹ ਸੱਚ ਕਹਿਣ ਤੋਂ ਕਦੇ ਨਹੀਂ ਹਿਚਕਚਾਉਂਦੇ। ਹਾਲਾਂਕਿ ਸਲੀਮ ਖਾਨ ਨੇ ਜੈਕਲੀਨ ਨੂੰ ਉਰਦੂ ਸਿਖਾਉਣੀ ਸ਼ੁਰੂ ਕਰ ਦਿੱਤੀ ਹੈ। ਜੈਕਲੀਨ ਨੇ ਦੱਸਿਆ, ''ਮੈਂ ਉਰਦੂ ਸਿੱਖਣੀ ਸ਼ੁਰੂ ਕਰ ਦਿੱਤੀ ਹੈ। ਮੈਨੂੰ ਉਮੀਦ ਹੈ ਕਿ ਮੈਂ ਜਲਦੀ ਸਿਖ ਜਾਵਾਂਗੀ। ਮੈਂ ਪਹਿਲਾਂ ਸਰਲ ਸ਼ਬਦ ਸਿਖ ਰਹੀ ਹਾਂ। ਬਾਅਦ 'ਚ ਔਖੇ ਸ਼ਬਦ ਸਿਖਾਂਗੀ।''