ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼ ਇਨ੍ਹੀਂ ਦਿਨੀਂ ਨੈਨੀਤਾਲ 'ਚ ਵੈੱਬ ਫਿਲਮ ਦੀ ਸ਼ੂਟਿੰਗ ਕਰ ਰਹੀ ਹੈ। ਹਾਲ ਹੀ 'ਚ ਜੈਕਲੀਨ ਨੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ 'ਚ ਉਹ ਆਪਣੇ ਦੋਸਤਾਂ ਨਾਲ ਮੋਮੋਜ ਖਾਣ ਲਈ ਜਾਂਦੀ ਦਿਖਾਈ ਦੇ ਰਹੀ ਹੈ। ਵੀਡੀਓ 'ਚ ਜੈਕਲੀਨ ਨੇ ਸਕਾਰਫ ਨਾਲ ਆਪਣਾ ਫੇਸ ਲੁਕਾਇਆ ਹੈ ਅਤੇ ਆਪਣੇ ਦੋਸਤਾਂ ਨਾਲ ਨੈਨੀਤਾਲ ਦੀ ਮਾਰਕਿਟ ਘੁੰਮ ਰਹੀ ਹੈ।
ਦਰਅਸਲ, ਬਾਜ਼ਾਰ 'ਚ ਟੂਰਿਸਟ ਦੀ ਕਾਫੀ ਭੀੜ ਸੀ। ਅਜਿਹੇ 'ਚ ਜੈਕਲੀਨ ਨੂੰ ਕੋਈ ਪਛਾਣ ਨਾ ਲਵੇ, ਇਸ ਲਈ ਜੈਕਲੀਨ ਨੇ ਆਪਣਾ ਫੇਸ ਕਵਰ ਕੀਤਾ ਹੋਇਆ ਸੀ। ਇਸ ਵੀਡੀਓ ਨਾਲ ਜੈਕਲੀਨ ਨੇ ਕੈਪਸ਼ਨ ਵੀ ਦਿੱਤਾ,''ਤਿੱਬਤੀ ਬਾਜ਼ਾਰ 'ਚ ਮੋਮ''...'ਏ ਲਿਟਿਲ ਮੋਮੋ ਐਡਵੇਂਚਰ ਇਨ ਨੈਨੀਤਾਲ'।
ਇਸ ਦੇ ਨਾਲ ਹੀ ਅਦਾਕਾਰਾ ਓਰਵਸ਼ੀ ਰੌਤੇਲਾ ਨੇ ਵੀਡੀਓ ਦੇਖਣ ਤੋਂ ਬਾਅਦ ਕੁਮੈਂਟ ਕਰਕੇ ਲਿਖਿਆ,''ਇਹ ਮੇਰੀ ਮਨਪਸੰਦੀ ਜਗ੍ਹਾ ਹੈ, ਮੋਮੋ, ਨੂਡਲਸ ਮੇਰੇ ਲਈ ਵੀ ਲੈ ਆਈਓ।''
ਓਰਵਸ਼ੀ ਨੇ ਅੱਗੇ ਲਿਖਿਆ,''ਸੋਨੂ ਫਾਸਟ ਫੂਡ, ਆਪਣੀ ਸ਼ਾਪ ਮੁੰਬਈ 'ਚ ਵੀ ਖੋਲ੍ਹੋ, ਫਿਰ ਅਸੀਂ ਉਸ ਨੂੰ ਆਪਣਾ ਅੱਡਾ ਬਣਾ ਲਵਾਂਗੇ।''
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਜੈਕਲੀਨ ਜਲਦ ਹੀ ਫਿਲਮ 'ਡ੍ਰਾਈਵ' 'ਚ ਦਿਖਾਈ ਦੇਵੇਗੀ। ਇਸ ਫਿਲਮ 'ਚ ਉਨ੍ਹਾਂ ਨਾਲ ਸੂਸ਼ਾਂਤ ਸਿੰਘ ਰਾਜਪੂਤ ਵੀ ਹਨ।