ਜਲੰਧਰ (ਬਿਊਰੋ)— ਜੈਕਲੀਨ ਫਰਨਾਂਡੀਜ਼ ਦੇ ਡਾਂਸਿੰਗ ਮੂਵਸ ਦੀ ਜਿੰਨੀ ਤਾਰੀਫ ਕੀਤੀ ਜਾਵੇ ਘੱਟ ਹੈ। 'ਲਤ ਲਗ ਗਈ', 'ਸੂਰਜ ਡੂਬਾ ਹੈ', 'ਜੁੰਮੇ ਕੀ ਰਾਤ' ਤੇ 'ਚਲਤੀ ਹੈ ਕਯਾ 9 ਸੇ 12' ਵਰਗੇ ਗੀਤ ਉਸ ਦੇ ਪ੍ਰਸਿੱਧ ਡਾਂਸਿੰਗ ਨੰਬਰਸ ਰਹੇ ਹਨ। ਇਸ ਵਾਰ ਉਸ ਨੇ ਆਪਣੇ ਸੁਪਰਹਿੱਟ ਪਾਰਟੀ ਨੰਬਰ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ ਹੈ। ਉਸ ਦਾ ਹਰ ਗੀਤ ਪਾਰਟੀ ਸੌਂਗਸ ਦੀ ਲਿਸਟ ਦੀ ਜਾਨ ਬਣਦਾ ਹੈ। ਸ਼ਾਇਦ ਇਸ ਲਈ ਜੈਕਲੀਨ ਨੂੰ ਚਾਰਟਬਸਟਰਸ ਦੀ ਰਾਣੀ ਕਿਹਾ ਜਾਣ ਲੱਗਾ ਹੈ। ਹਾਲ ਹੀ 'ਚ ਉਸ ਨੇ ਇਕ ਪੰਜਾਬੀ ਮਿਊਜ਼ਿਕ ਵੀਡੀਓ ਲਈ ਅਪ੍ਰੋਚ ਕੀਤਾ ਗਿਆ ਹੈ, ਜਿਸ ਲਈ ਉਸ ਨੂੰ ਬਹੁਤ ਵੱਡੀ ਰਾਸ਼ੀ ਆਫਰ ਕੀਤੀ ਗਈ ਹੈ। ਸੂਤਰਾਂ ਮੁਤਾਬਕ ਪੰਜਾਬ ਦੀ ਇਕ ਨਾਮੀ ਪ੍ਰੋਡਕਸ਼ਨ ਕੰਪਨੀ ਉਸ ਨੂੰ ਆਪਣੇ ਇਕ ਮਿਊਜ਼ਿਕ ਵੀਡੀਓ 'ਚ ਲੈਣਾ ਚਾਹੁੰਦੀ ਹੈ। ਇਸ ਦੀ ਵਜ੍ਹਾ ਦਰਸ਼ਕਾਂ ਵਿਚਾਲੇ ਉਸ ਦੀ ਲੋਕਪ੍ਰਿਯਤਾ ਵੀ ਹੈ, ਜਿਸ 'ਚ ਪੰਜਾਬੀ ਦਰਸ਼ਕ ਸਭ ਤੋਂ ਜ਼ਿਆਦਾ ਹਨ। ਇਸ ਲਈ ਜੈਕਲੀਨ ਨੂੰ ਪੰਜਾਬੀ ਮਿਊਜ਼ਿਕ ਵੀਡੀਓ 'ਚ ਲੈਣ ਲਈ ਸੰਪਰਕ ਕੀਤਾ ਗਿਆ ਹੈ। ਇਸ ਖਾਸ ਵੀਡੀਓ 'ਚ ਆਉਣ ਲਈ ਜੈਕਲੀਨ ਨੂੰ ਲਗਭਗ 5 ਕਰੋੜ ਰੁਪਏ ਦਾ ਆਫਰ ਦਿੱਤਾ ਗਿਆ ਹੈ।