ਮੁੰਬਈ (ਬਿਊਰੋ) — ਬਾਲੀਵੁੱਡ ਦੀ ਕਿਊਟ ਤੇ ਹੌਟ ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼ ਇਕ ਵਾਰ ਫਿਰ ਸੁਰਖੀਆਂ 'ਚ ਆ ਗਈ ਹੈ। ਸੋਸ਼ਲ ਮੀਡੀਆ 'ਤੇ ਉਸ ਦੀਆਂ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ, ਜਿਨ੍ਹਾਂ 'ਚ ਉਹ ਆਪਣਾ ਮੂੰਹ ਲੁਕਾਉਂਦੀ ਹੋਈ ਨਜ਼ਰ ਆ ਰਹੀ ਹੈ।
ਜੈਕਲੀਨ ਇਕ ਪਿੰਕ ਕਲਰ ਦੀ ਚੁੰਨੀ ਨਾਲ ਆਪਣੇ ਮੂੰਹ ਨੂੰ ਲੁਕਾ ਰਹੀ ਹੈ ਪਰ ਫਿਰ ਵੀ ਫੋਟੋਗ੍ਰਾਫਰਜ਼ ਨੇ ਉਸ ਨੂੰ ਪਛਾਣ ਲਿਆ। ਜੈਕਲੀਨ ਦੀਆਂ ਅਜਿਹੀਆਂ ਤਸਵੀਰਾਂ ਦੇਖ ਕੇ ਹਰ ਕੋਈ ਜਾਣਨਾ ਚਾਹੁੰਦਾ ਹੈ ਕਿ ਉਹ ਇੰਝ ਮੂੰਹ ਕਿਉਂ ਲੁਕਾ ਰਹੀ ਹੈ।
ਦਰਅਸਲ, ਜੈਕਲੀਨ ਇਕ ਵੱਡੇ ਹਾਦਸੇ ਦਾ ਸ਼ਿਕਾਰ ਹੁੰਦੇ-ਹੁੰਦੇ ਬਚੀ। ਇਕ ਫਿਲਮ ਦੀ ਸ਼ੂਟਿੰਗ ਦੌਰਾਨ ਜੈਕਲੀਨ ਦਾ ਵੀ. ਆਈ. ਪੀ. ਬੋਟ (ਕਿਸ਼ਤੀ) ਪਲਟ ਗਿਆ ਸੀ। ਇਸ ਹਾਦਸੇ ਕਾਰਨ ਜੈਕਲੀਨ ਨੂੰ ਪਬਲਿਕ ਬੋਟ (ਕਿਸ਼ਤੀ) 'ਚ ਸਫਰ ਕਰਨਾ ਪਿਆ।
ਜੈਕਲੀਨ ਨਹੀਂ ਚਾਹੁੰਦੀ ਸੀ ਕਿ ਲੋਕ ਉਸ ਨੂੰ ਪਛਾਣਨ, ਜਿਸ ਕਾਰਨ ਉਸ ਨੇ ਆਪਣੇ ਮੂੰਹ ਨੂੰ ਚੁੰਨ੍ਹੀ ਨਾਲ ਢੱਕ ਲਿਆ ਸੀ। ਹਾਲਾਂਕਿ ਜਦੋਂ ਉਹ ਮੁੰਬਈ ਦੇ ਵਰਸੋਵਾ ਪਹੁੰਚੀ ਤਾਂ ਚਿਹਰਾ ਕਵਰ ਕੀਤੇ ਹੋਣ ਦੇ ਬਾਵਜੂਦ ਕੈਮਰਿਆਂ ਨੇ ਪਛਾਣ ਲਿਆ। ਇਸ ਦੌਰਾਨ ਤੇਜ ਹਵਾ ਕਾਰਨ ਉਸ ਦੀ ਚੁੰਨੀ ਉੱਡ ਰਹੀ ਸੀ। ਉਸ ਨੇ ਕੈਮਰੇ ਸਾਹਮਣੇ ਕੋਈ ਪੋਜ਼ ਨਹੀਂ ਦਿੱਤਾ, ਸਗੋਂ ਸਿੱਧਾ ਜਾ ਕੇ ਆਪਣੀ ਗੱਡੀ 'ਚ ਬੈਠ ਗਈ।
ਦੱਸਣਯੋਗ ਹੈ ਕਿ ਜੈਕਲੀਨ ਇਨ੍ਹੀਂ ਦਿਨੀਂ ਸਿੰਘ ਰਾਜਪੂਤ ਨਾਲ ਇਕ ਫਿਲਮ ਦੇ ਸ਼ੂਟ 'ਚ ਰੁੱਝੀ ਹੋਈ ਹੈ। ਇਸ ਫਿਲਮ ਬਾਰੇ ਹਾਲੇ ਕੁਝ ਜ਼ਿਆਦਾ ਜਾਣਕਾਰੀ ਨਹੀਂ ਹੈ। ਉਥੇ ਹੀ ਅਜਿਹੀਆਂ ਖਬਰਾਂ ਵੀ ਆ ਰਹੀਆਂ ਹਨ ਕਿ ਉਹ ਸਲਮਾਨ ਖਾਨ ਨਾਲ ਫਿਲਮ 'ਕਿੱਕ 2' 'ਚ ਨਜ਼ਰ ਆ ਸਕਦੀ ਹੈ। ਹਾਲਾਂਕਿ ਇਸ ਦੀ ਆਫੀਸ਼ੀਅਲ ਅਨਾਊਂਮੈਂਟ ਹੋਣੀ ਬਾਕੀ ਹੈ।
