ਜਲੰਧਰ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਜਾਨਹਵੀ ਕਪੂਰ ਅੱਜ ਆਪਣਾ 22ਵਾਂ ਜਨਮਦਿਨ ਮਨਾ ਰਹੀ ਹੈ। ਫਿਲਮ 'ਧੜਕ' ਨਾਲ ਬਾਲੀਵੁੱਡ 'ਚ ਡੈਬਿਊ ਕਰਨ ਵਾਲੀ ਜਾਨਹਵੀ ਦੀ ਐਕਟਿੰਗ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਹੈ। ਅਕਸਰ ਲੋਕ ਉਨ੍ਹਾਂ ਦੀ ਐਕਟਿੰਗ ਦੀ ਤੁਲਨਾ ਮਾਂ ਸ਼੍ਰੀਦੇਵੀ ਨਾਲ ਕਰਦੇ ਹਨ।
ਇਨ੍ਹੀਂ ਦਿਨੀਂ ਜਾਨਹਵੀ ਆਪਣੇ ਸਟਾਈਲ ਦੇ ਮਾਮਲੇ 'ਚ ਮਸ਼ਹੂਰ ਅਭਿਨੇਤਰੀਆਂ ਨੂੰ ਪਿੱਛੇ ਛੱਡ ਚੁੱਕੀ ਹੈ। ਉੱਥੇ ਹੀ 22 ਦੀ ਉਮਰ 'ਚ ਗਲੈਮਰਸ ਅਤੇ ਹੌਟ ਦਿਖਾਈ ਦੇਣ ਵਾਲੀ ਸ਼੍ਰੀਦੇਵੀ ਦੀ ਧੀ ਜਾਨਹਵੀ ਬਚਪਨ 'ਚ ਕਾਫੀ ਕਿਊਟ ਅਤੇ ਗੋਲ-ਮਟੋਲ ਦਿਖਾਈ ਦਿੰੰਦੀ ਸੀ।
ਬਚਪਨ ਤੋਂ ਲੈ ਕੇ ਹੁਣ ਤੱਕ ਉਸ ਦੇ ਲੁੱਕ 'ਚ ਕਾਫੀ ਫਰਕ ਆਇਆ ਹੈ। ਕਿਹਾ ਜਾਂਦਾ ਹੈ ਕਿ ਜਾਨਹਵੀ ਬਚਪਨ 'ਚ ਪੇਟਿੰਗ ਦੀ ਸ਼ੌਕੀਨ ਸੀ। ਧੀ ਨੂੰ ਇਹ ਸ਼ੌਕ ਸ਼੍ਰੀਦੇਵੀ ਕਾਰਨ ਹੋਇਆ ਸੀ ਕਿਉਂਕਿ ਸ਼੍ਰੀਦੇਵੀ ਪੇਟਿੰਗ ਕਰਦੀ ਸੀ।
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਜਾਨਹਵੀ ਦੀ ਫਿਲਮ ਪਿੱਛਲੇ ਸਾਲ 20 ਜੁਲਾਈ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ। ਫਿਲਮ 'ਚ ਉਨ੍ਹਾਂ ਦੀ ਐਕਟਿੰਗ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ।
ਇਸ ਫਿਲਮ 'ਚ ਉਨ੍ਹਾਂ ਨਾਲ ਈਸ਼ਾਨ ਖੱਟਰ ਵੀ ਨਜ਼ਰ ਆਏ ਸਨ। ਜਾਨਹਵੀ ਹੁਣ ਜਲਦ ਹੀ ਕਰਨ ਜੌਹਰ ਦੀ ਫਿਲਮ 'ਤਖਤ' 'ਚ ਨਜ਼ਰ ਆਵੇਗੀ।