ਮੁੰਬਈ (ਬਿਊਰੋ) — 'Grazia Millennial Awards 2019' ਦਾ ਮੁੰਬਈ 'ਚ ਆਯੋਜਨ ਕੀਤਾ ਗਿਆ ਸੀ, ਜਿਸ 'ਚ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਸ਼ਿਰਕਤ ਕੀਤੀ ਸੀ। ਇਸ ਦੌਰਾਨ 'ਧੜਕ' ਗਰਲ ਜਾਨਹਵੀ ਕਪੂਰ ਨੇ ਪਿੰਕ ਪੈਂਟਸੂਟ 'ਚ ਸ਼ਿਰਕਤ ਕੀਤੀ, ਜਿਸ 'ਚ ਉਹ ਬੇਹੱਦ ਹੌਟ ਤੇ ਬੋਲਡ ਲੱਗ ਰਹੀ ਸੀ।
ਉਸ ਦੀ ਇਹ ਲੁੱਕ ਫੈਨਜ਼ ਵਲੋਂ ਵੀ ਕਾਫੀ ਪਸੰਦ ਕੀਤੀ ਗਈ। ਹਾਲਾਂਕਿ ਇਸ ਐਵਾਰਡਜ਼ ਸ਼ੋਅ 'ਚ ਦੀਪਿਕਾ, ਕਰਨ ਜੌਹਰ, ਵਿੱਕੀ ਕੌਸਲ, ਅਨੰਨਿਆ ਪਾਂਡੇ, ਸੋਨਾਲ ਚੌਹਾਨ, ਕ੍ਰਿਤੀ ਖਰਬੰਦਾ ਵਰਗੇ ਸਿਤਾਰੇ 'Grazia Millennial Awards 2019' ਦੀ ਰੈੱਡ ਕਾਰਪੇੱਟ 'ਤੇ ਨਜ਼ਰ ਆਏ।
ਦੱਸ ਦਈਏ ਕਿ 'ਧੜਕ' ਫਿਲਮ ਨਾਲ ਬਾਲੀਵੁੱਡ ਪਾਰੀ ਦੀ ਸ਼ੁਰੂਆਤ ਕਰਨ ਵਾਲੀ ਅਦਾਕਾਰਾ ਜਾਨਹਵੀ ਕਪੂਰ ਜਦਲ ਹੀ ਫਿਲਮ 'ਰੂਹਅਫਜ਼ਾ' 'ਚ ਨਜ਼ਰ ਆਵੇਗੀ। ਉਹ ਆਪਣੀ ਆਉਣ ਵਾਲੀ ਫਿਲਮ ਲਈ ਕਾਫੀ ਐਕਸਾਈਟਿਡ ਹੈ।
ਦੱਸ ਦਈਏ ਕਿ ਇਸ ਦੌਰਾਨ ਫਿਲਮ ਬਾਰੇ ਗੱਲ ਕਰਦੇ ਹੋਏ ਜਨਹਵੀ ਨੇ ਕਿਹਾ, ''ਮੈਂ ਫਿਲਮ ਬਾਰੇ ਜ਼ਿਆਦਾ ਗੱਲ ਨਹੀਂ ਕਰਾਂਗੀ। ਫਿਲਮ ਦਾ ਹਿੱਸਾ ਬਣ ਕੇ ਤੇ ਇਸ 'ਚ ਸ਼ਾਮਲ ਲੋਕਾਂ ਨਾਲ ਕੰਮ ਕਰਕੇ ਮੈਂ ਖੁਦ ਨੂੰ ਖੁਸ਼ਕਿਸਮਤ ਮੰਨਦੀ ਹਾਂ।''
ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਹੀ ਉਸ ਨੇ 'ਰੂਹਅਫਜ਼ਾ' ਬਾਰੇ ਸੋਸ਼ਲ ਮੀਡੀਆ 'ਤੇ ਜਾਣਕਾਰੀ ਦਿੱਤੀ ਸੀ। ਫਿਲਮ 'ਚ ਉਸ ਨਾਲ ਰਾਜਕੁਮਾਰ ਰਾਓ ਵੀ ਨਜ਼ਰ ਆਉਣਗੇ। ਇਸ ਨੂੰ ਦਿਨੇਸ਼ ਵਿਜਨ ਤੇ ਮ੍ਰਿਗਦੀਪ ਸਿੰਘ ਲਾਂਬਾ ਪ੍ਰੋਡਿਊਸ ਕਰ ਰਹੇ ਹਨ। ਫਿਲਮ ਦਾ ਡਾਇਰੈਕਸ਼ਨ ਹਾਰਦਿਕ ਮਹਿਤਾ ਕਰ ਰਹੇ ਹਨ। ਫਿਲਮ 20 ਮਾਰਚ, 2020 ਨੂੰ ਰਿਲੀਜ਼ ਹੋਣੀ ਹੈ।
