ਮੁੰਬਈ(ਬਿਊਰੋ)- ਇਨ੍ਹੀਂ ਦਿਨੀਂ ਬਾਲੀਵੁੱਡ ਅਦਾਕਾਰਾ ਜਾਨਹਵੀ ਕਪੂਰ ਕਾਫੀ ਸੁਰਖੀਆਂ ਵਟੋਰ ਰਹੀ ਹੈ । ਜਾਨਹਵੀ ਵਧੀਆ ਅਦਾਕਾਰਾ ਦੇ ਨਾਲ-ਨਾਲ ਆਪਣੇ ਫੈਸ਼ਨ ਲਈ ਵੀ ਜਾਣੀ ਜਾਂਦੀ ਹੈ । ਹਾਲ ਹੀ ਵਿਚ ਉਸ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ’ਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਜਾਨਹਵੀ ਨੇ ਜੋ ਕੀਤਾ ਉਸ ਨੂੰ ਦੇਖ ਕੇ ਤੁਸੀਂ ਵੀ ਉਸ ’ਤੇ ਮਾਣ ਮਹਿਸੂਸ ਕਰੋਗੇ । ਦਰਅਸਲ ਜਾਨਹਵੀ ਇਕ ਰੈਸਟੋਰੈਂਟ ’ਚ ਗਈ ਸੀ । ਜਾਨਹਵੀ ਜਦੋਂ ਹੀ ਬਾਹਰ ਨਿਕਲੀ ਤਾ ਇਕ ਗਰੀਬ ਬੱਚੀ ਨੇ ਉਸ ਕੋਲੋਂ ਕੁਝ ਖਾਣ ਲਈ ਪੈਸੇ ਮੰਗੇ। ਬੱਚੀ ਨੂੰ ਦੇਖ ਕੇ ਜਾਨਹਵੀ ਨੇ ਮੂੰਹ ਨਹੀਂ ਫੇਰਿਆ, ਸਗੋਂ ਬੱਚੀ ਦੀ ਮਦਦ ਕੀਤੀ।
ਇਸ ਦੌਰਾਨ ਕੁਝ ਪੱਤਰਕਾਰ ਨੇ ਉਸ ਦੀਆਂ ਤਸਵੀਰਾਂ ਕਲਿੱਕ ਕਰ ਰਹੇ ਸਨ ਪਰ ਜਾਨਹਵੀ ਨੇ ਉਨ੍ਹਾਂ ਨੂੰ ਅਜਿਹਾ ਨਾ ਕਰਨ ਲਈ ਕਿਹਾ। ਪੱਤਰਕਾਰਾਂ ਨੇ ਕੈਮਰੇ ਦੀ ਫਲੈਸ਼ ਤਾਂ ਬੰਦ ਕਰ ਦਿੱਤੀ ਪਰ ਰਿਕਾਰਡਿੰਗ ਚੱਲਦੀ ਰਹੀ। ਇਸ ਦੌਰਾਨ ਜਾਨਹਵੀ ਆਪਣੀ ਕਾਰ ਵੱਲ ਗਈ ਤੇ ਉਸ ਨੇ ਬੱਚੀ ਨੂੰ ਖਾਣਾ ਖਾਣ ਲਈ ਪੈਸੇ ਦਿੱਤੇ। ਇਹ ਵੀਡੀਓ ਹੁਣ ਸੋਸ਼ਲ ਮੀਡੀਆ ’ਤੇ ਖੂਬ ਵਾਇਰਲ ਹੋ ਰਿਹਾ ਹੈ ਤੇ ਲੋਕ ਕੁਮੈਂਟ ਕਰ ਰਹੇ ਹਨ।
ਦੱਸ ਦੇਈਏ ਕਿ ਇਹ ਪਹਿਲਾਂ ਮੌਕਾ ਨਹੀਂ ਜਦੋਂ ਜਾਨਹਵੀ ਨੇ ਕਿਸੇ ਦੀ ਮਦਦ ਕੀਤੀ ਹੋਵੇ । ਉਸ ਦੀਆਂ ਇਸ ਤਰ੍ਹਾਂ ਦੀਆਂ ਬਹੁਤ ਵੀਡੀਓਜ਼ ਸਾਹਮਣੇ ਆ ਚੁੱਕੀਆਂ ਹਨ। ਜਿਨ੍ਹਾਂ ਵਿਚ ਉਹ ਗਰੀਬ ਬੱਚਿਆਂ ਦੀ ਮਦਦ ਕਰਦੀ ਹੋਈ ਨਜ਼ਰ ਆਉਂਦੀ ਹੈ।