ਜਲੰਧਰ(ਬਿਊਰੋ)- 22 ਮਾਰਚ, ਜਨਤਾ ਕਰਫਿਊ ਅਤੇ ਸ਼ਾਮ 5 ਵਜੇ ਦਾ ਉਹ ਨਜ਼ਾਰਾ, ਜਿਸ ਦੇ ਲਈ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਭਰ ਦੇ ਲੋਕਾਂ ਨੂੰ ਅਪੀਲ ਕੀਤੀ ਸੀ, ਉਹ ਸਹੀ ਵਿਚ ਇਤਿਹਾਸਿਕ ਰਿਹਾ। ਮੌਕਾ ਸੀ ਕੋਰੋਨਾ ਵਾਇਰਸ ਦੇ ਖਤਰੇ ਵਿਚਕਾਰ ਵੀ ਮੈਦਾਨ ਵਿਚ ਡਟੇ ਉਨ੍ਹਾਂ ਫਰੰਟ ਵਾਰੀਅਰਜ਼ ਦਾ ਧੰਨਵਾਦ ਜਤਾਉਣ ਦਾ। ਇਸ ਦੌਰਾਨ ਪੂਰੇ ਭਾਰਤ ਦੇ ਲੋਕਾਂ ਨੇ ਇੱਥੇ ਏਕਤਾ ਬਣਾਈ ਰੱਖੀ। ਸਿਰਫ ਆਮ ਪਬਲਿਕ ਹੀ ਨਹੀਂ ਸਗੋਂ ਬਾਲੀਵੁੱਡ ਸੈਲੀਬ੍ਰਿਟੀਜ਼ ਵੀ ਜਨਤਾ ਕਰਫਿਊ ਦੌਰਾਨ ਸ਼ਾਮ 5 ਵਜੇ ਤਾੜੀਆਂ ਵਜਾਈਆਂ। ਸਾਰੇ ਸਿਤਾਰਿਆਂ ਨੇ ਆਪਣਾ-ਆਪਣਾ ਵੀਡੀਓ ਸੋਸ਼ਲ ਮੀਡੀਆ ਅਕਾਊਂਟ ’ਤੇ ਸ਼ੇਅਰ ਵੀ ਕੀਤਾ। ਮਸ਼ਹੂਰ ਪੰਜਾਬੀ ਸਿੰਗਰ ਗੁਰਦਾਸ ਮਾਨ ਵੀ ਇਸ ਈਵੈਂਟ ਵਿਚ ਸ਼ਾਮਿਲ ਹੋਏ ਅਤੇ ਉਨ੍ਹਾਂ ਨੇ ਡਫਲੀ ਵਜਾ ਕੇ ਧੰਨਵਾਦ ਅਦਾ ਕੀਤਾ।
ਗੁਰਦਾਸ ਮਾਨ ਦਾ ਇਹ ਵੀਡੀਓ ਇੰਟਰਨੈੱਟ ’ਤੇ ਖੂਬ ਨਜ਼ਰ ਆ ਰਿਹਾ ਹੈ, ਜਿਸ ਨੂੰ ਲੋਕ ਕਾਫ਼ੀ ਪਸੰਦ ਕਰ ਰਹੇ ਹਨ। ਗੁਰਦਾਸ ਮਾਨ ਆਪਣੀ ਬਿਲਡਿੰਗ ਦੀ ਛੱਤ ’ਤੇ ਡਫਲੀ ਵਜਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, ‘‘ਤਹੇ ਦਿਲ ਤੋਂ ਉਨ੍ਹਾਂ ਡਾਕਟਰਾਂ, ਨਰਸਾਂ, ਫੌਜੀਆਂ, ਪੁਲਸ ਅਫਸਰਾਂ, ਏਅਰਲਾਈਨ ਵਾਲਿਆਂ ਨੂੰ, ਟਰਾਂਸਪੋਰਟ ਵਾਲਿਆਂ ਨੂੰ, ਕੈਮਿਸਟ ਦੁਕਾਨ ਵਾਲਿਆਂ ਦਾ ਧੰਨਵਾਦ, ਜੋ ਇਸ ਸਮੇਂ ਵਿਚ ਆਪਣੇ ਬਾਰੇ ਵਿਚ ਨਾ ਸੋਚ ਕੇ ਦੂਜਿਆਂ ਦੇ ਬਾਰੇ ਵਿਚ ਸੋਚ ਰਹੇ ਹਨ। ਭਗਵਾਨ ਤੁਹਾਡੀ ਅਤੇ ਸਾਰੀ ਦੁਨੀਆ ਦੀ ਰੱਖਿਆ ਕਰੇ।’’
ਗੁਦਾਸ ਮਾਨ ਤੋਂ ਇਲਾਵਾ ਪੰਜਾਬੀ ਫਿਲਮ ਇੰਡਸਟਰੀ ਦੇ ਸੁਪਰਸਟਾਰ ਅਤੇ ਗਾਇਕ ਦਿਲਜੀਤ ਦੋਸਾਂਝ, ਸੁਨੰਦਾ ਸ਼ਰਮਾ, ਹਿਮਾਂਸ਼ੀ ਖੁਰਾਨਾ ਨੇ ਵੀ ਇਸ ਈਵੈਂਟ ਵਿਚ ਹਿੱਸਾ ਲਿਆ। ਉਨ੍ਹਾਂ ਨੇ ਵੀ ਇਸ ਮੌਕੇ ਦਾ ਵੀਡੀਓ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ’ਤੇ ਸ਼ੇਅਰ ਕੀਤਾ ਹੈ।