ਮੁੰਬਈ (ਬਿਊਰੋ)— 'ਬਿੱਗ ਬੌਸ 12' ਦੀ ਧਮਾਕੇਦਾਰ ਸ਼ੁਰੂਆਤ ਹੋ ਚੁੱਕੀ ਹੈ। ਲਾਂਚ ਦੌਰਾਨ ਇਕ ਅਜਿਹਾ ਖੁਲਾਸਾ ਹੋਇਆ, ਜਿਸ ਦੀ ਹਰ ਪਾਸੇ ਅੱਜ ਚਰਚਾ ਹੋ ਰਹੀ ਹੈ। ਭਜਨ ਸਮਰਾਟ ਅਨੂਪ ਜਲੋਟਾ ਨੇ ਦੱਸਿਆ ਕਿ ਉਹ ਸਿੰਗਰ ਜਸਲੀਨ ਮਥਾਰੂ ਨਾਲ ਰਿਲੇਸ਼ਨਸ਼ਿਪ 'ਚ ਹੈ।
ਦੋਹਾਂ ਦੀ ਉਮਰ 'ਚ 37 ਸਾਲ ਦਾ ਅੰਤਰ ਹੈ। ਇਸ ਵਜ੍ਹਾ ਕਰਕੇ ਇਹ ਦੋਵੇਂ ਚਰਚਾ 'ਚ ਬਣੇ ਹੋਏ ਹਨ। ਜਸਲੀਨ ਦੀਆਂ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਉਨ੍ਹਾਂ ਦੀਆਂ ਤਸਵੀਰਾਂ ਬੇਹੱਦ ਹੌਟ ਅਤੇ ਬੋਲਡ ਹਨ।
'ਬਿੱਗ ਬੌਸ' ਦੇ ਮੰਚ 'ਤੇ ਜਦੋਂ ਜਸਲੀਨ ਨੇ 'ਰਾਤ ਅਕੇਲੀ ਹੈਂ, ਬੁੱਝ ਗਏ ਦੀਏ' ਗੀਤ ਗਾਇਆ ਤਾਂ ਸਲਮਾਨ ਵੀ ਉਨ੍ਹਾਂ ਦੀ ਤਾਰੀਫ ਕਰਨ ਤੋਂ ਖੁਦ ਨੂੰ ਰੋਕ ਨਹੀਂ ਸਕੇ। ਜਸਲੀਨ ਦੀ ਜਿੰਨੀ ਸੋਹਣੀ ਆਵਾਜ਼ ਹੈ, ਉਹ ਉਨੀਂ ਖੂਬਸੂਰਤ ਵੀ ਹੈ। ਇਹ ਤਸਵੀਰਾਂ ਇਸ ਗੱਲ ਦਾ ਸਬੂਤ ਹਨ।
ਜਸਲੀਨ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਆਪਣੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ। ਜਸਲੀਨ ਦਾ ਸੋਸ਼ਲ ਮੀਡੀਆ ਉਨ੍ਹਾਂ ਦੀਆਂ ਬੋਲਡ ਤਸਵੀਰਾਂ ਨਾਲ ਭਰਿਆ ਹੋਇਆ ਹੈ।
ਜਸਲੀਨ ਪੰਜਾਬੀ ਪਰਿਵਾਰ ਨਾਲ ਸੰਬੰਧ ਰੱਖਦੀ ਹੈ। ਜਸਲੀਨ ਮਥਾਰੂ ਦੀ ਉਮਰ 28 ਸਾਲ ਹੈ। ਸਿੰਗਰ ਹੋਣ ਦੇ ਨਾਲ-ਨਾਲ ਜਸਲੀਨ ਚੰਗੀ ਡਾਂਸਰ ਵੀ ਹੈ। ਜਸਲੀਨ ਹੁਣ ਤੱਕ ਮੀਕਾ ਸਿੰਘ ਵਰਗੇ ਵੱਡੇ ਸਿੰਗਰਜ਼ ਨਾਲ ਲਾਈਵ ਪਰਫਾਰਮੈਂਸ ਦੇ ਚੁੱਕੀ ਹੈ।
16 ਸਾਲ ਦੀ ਉਮਰ 'ਚ ਪਹਿਲੀ ਵਾਰ ਜਸਲੀਨ ਨੇ ਸਕੂਲ 'ਚ ਬੈਸਟ ਫੀਮੇਲ ਸਿੰਗਰ ਦਾ ਪੁਰਸਕਾਰ ਜਿੱਤਿਆ ਸੀ। ਉਸੇ ਸਮੇਂ ਤੋਂ ਗਾਇਕੀ ਦਾ ਸਿਲਸਿਲਾ ਸ਼ੁਰੂ ਹੋਇਆ।
ਜਸਲੀਨ ਐਕਟਿੰਗ ਦੀ ਸ਼ੁਰੂਆਤ 'ਲਵ ਡੇ' ਮਿਊਜ਼ਿਕ ਐਲਬਮ ਨਾਲ ਕੀਤੀ ਸੀ ਪਰ ਇਹ ਐਲਬਮ ਕੁਝ ਖਾਸ ਕਮਾਲ ਨਾ ਦਿਖਾ ਸਕੀ।
ਇਸ ਤੋਂ ਇਲਾਵਾ ਉਹ 2013 'ਚ ਆਈ ਫਿਲਮ 'ਦਿ ਡਰਟੀ ਰਿਲੇਸ਼ਨ' 'ਚ ਵੀ ਐਕਟਿੰਗ ਕਰ ਚੁੱਕੀ ਹੈ। ਜਸਲੀਨ, ਕੇਸਰ ਮਥਾਰੂ ਦੀ ਬੇਟੀ ਹੈ।
ਉੱਥੇ ਉਨ੍ਹਾਂ ਦੇ ਭਰਾ ਕਮਲਜੀਤ ਸਿੰਘ ਮਥਾਰੂ ਵੀ ਐਕਟਰ ਅਤੇ ਨਿਰਮਾਤਾ ਹੈ। ਜਸਲੀਨ ਭਰਤ ਨਾਟਿਅਮ, ਬੈਲੀ ਡਾਂਸ, ਹਿੱਪ-ਹੌਟ, ਸਾਲਸਾ 'ਚ ਮਾਹਰ ਹੈ।