ਮੁੰਬਈ— ਅਭਿਨੇਤਾ ਤੇ ਕਾਮੇਡੀਅਨ ਜਾਵੇਦ ਜਾਫਰੀ ਇਨ੍ਹੀਂ ਦਿਨੀਂ ਆਪਣੀ ਬਾਡੀ ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਕੁਝ ਦਿਨ ਪਹਿਲਾਂ ਹੀ ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਸੀ, ਜਿਸ 'ਚ ਉਹ ਐਬਸ ਦਿਖਾਉਂਦੇ ਨਜ਼ਰ ਆ ਰਹੇ ਹਨ। ਉਂਝ ਗੱਲ ਜੇਕਰ ਸੋਸ਼ਲ ਮੀਡੀਆ 'ਤੇ ਤਸਵੀਰਾਂ ਸ਼ੇਅਰ ਕਰਨ ਦੀ ਹੋਵੇ ਤਾਂ ਜਾਵੇਦ ਦੀ ਬੇਟੀ ਅਲਾਵੀਆ ਵੀ ਇਸ ਮਾਮਲੇ 'ਚ ਪਿੱਛੇ ਨਹੀਂ ਹੈ। ਲਾਈਮਲਾਈਟ ਤੋਂ ਦੂਰ ਅਲਾਵੀਆ ਅਕਸਰ ਇੰਸਟਾਗ੍ਰਾਮ 'ਤੇ ਆਪਣੀਆਂ ਸਟਾਈਲਿਸ਼ ਤਸਵੀਰਾਂ ਪੋਸਟ ਕਰਦੀ ਰਹਿੰਦੀ ਹੈ। ਦੱਸਣਯੋਗ ਹੈ ਕਿ ਜਾਵੇਦ ਦੀ ਸਟਾਈਲਿਸ਼ ਬੇਟੀ ਅਲਾਵੀਆ ਨੂੰ ਇੰਸਟਾਗ੍ਰਾਮ 'ਤੇ 1 ਲੱਖ ਤੋਂ ਵੱਧ ਲੋਕ ਫਾਲੋਅ ਕਰਦੇ ਹਨ। ਜਾਵੇਦ ਦੇ ਤਿੰਨ ਬੱਚਿਆਂ 'ਚੋਂ ਅਲਾਵੀਆ ਸਭ ਤੋਂ ਵੱਡੀ ਹੈ। ਮੁੰਬਈ 'ਚ ਜੰਮੀ-ਪਲੀ ਅਲਾਵੀਆ ਨੇ ਧੀਰੂ ਭਾਈ ਅੰਬਾਨੀ ਸਕੂਲ ਤੋਂ ਪੜ੍ਹਾਈ ਕੀਤੀ ਹੈ, ਨਾਲ ਹੀ ਉਸ ਨੇ ਨਿਊਯਾਰਕ ਤੋਂ ਵੀ ਅੱਗੇ ਦੀ ਪੜ੍ਹਾਈ ਕੀਤੀ ਹੈ। ਅਲਾਵੀਆ ਬਾਰੇ ਘੱਟ ਲੋਕ ਹੀ ਜਾਣਦੇ ਹਨ ਪਰ ਉਹ ਸ਼੍ਰੀਦੇਵੀ ਦੀ ਵੱਡੀ ਬੇਟੀ ਜਾਹਨਵੀ ਕਪੂਰ ਦੀ ਬੈਸਟ ਫਰੈਂਡ ਹੈ। ਦੋਵਾਂ ਹੀ ਸਟਾਰ ਕਿੱਡਸ ਨੂੰ ਅਕਸਰ ਇਕ-ਦੂਜੇ ਨਾਲ ਪਾਰਟੀ ਕਰਦੇ ਤੇ ਤਸਵੀਰਾਂ ਸ਼ੇਅਰ ਕਰਦੇ ਦੇਖਿਆ ਜਾਂਦਾ ਹੈ।