ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਅਮਿਤਾਭ ਬੱਚਨ ਦੀ ਇਕ ਤਸਵੀਰ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਇਸ ਤਸਵੀਰ 'ਚ ਬਿੱਗ ਬੀ ਨਾਲ ਉਨ੍ਹਾਂ ਦੀ ਪਤਨੀ ਜਯਾ ਬੱਚਨ ਨਜ਼ਰ ਆ ਰਹੀ ਹੈ। ਤਸਵੀਰ 'ਚ ਜਯਾ ਅਮਿਤਾਭ ਬੱਚਨ ਦੇ ਮੋਢੇ 'ਤੇ ਸਿਰ ਰੱਖ ਕੇ ਉਨ੍ਹਾਂ ਦਾ ਹੱਥ ਫੜ੍ਹੇ ਦਿਖਾਈ ਦੇ ਰਹੀ ਹੈ। ਤਸਵੀਰ 'ਚ ਇਸ ਜੋੜੀ ਦਾ ਰੋਮਾਂਟਿਕ ਅੰਦਾਜ਼ ਦੇਖਣ ਨੂੰ ਮਿਲ ਰਿਹਾ ਹੈ ਪਰ ਇਸ ਤਸਵੀਰ ਨੂੰ ਲੈ ਕੇ ਜਯਾ ਬੱਚਨ ਟਰੋਲ ਹੋ ਗਈ ਹੈ।
ਦਰਅਸਲ, ਜਯਾ ਨੂੰ ਤਸਵੀਰਾਂ ਖਿਚਵਾਉਣ ਦਾ ਬਿਲਕੁੱਲ ਵੀ ਸ਼ੌਕ ਨਹੀਂ ਹੈ। ਮੀਡੀਆ 'ਚ ਜਯਾ ਬੱਚਨ ਆਪਣੇ ਗੁੱਸੇ ਕਾਰਨ ਕਈ ਵਾਰ ਸੁਰਖੀਆਂ ਬਟੋਰ ਚੁੱਕੀ ਹੈ। ਤਸਵੀਰ 'ਤੇ ਕੁਮੈਂਟ ਕਰਦੇ ਹੋਏ ਇਕ ਯੂਜ਼ਰ ਨੇ ਕੁਮੈਂਟ ਕਰਦੇ ਹੋਏ ਲਿਖਿਆ,''ਆਖਿਰਕਾਰ ਜਯਾ ਬੱਚਨ ਨੇ ਤਸਵੀਰ ਖਿਚਵਾ ਹੀ ਲਈ।'' ਇਕ ਹੋਰ ਨੇ ਲਿਖਿਆ,''ਇਹ ਮਹਿਲਾ ਬਹੁਤ ਘਮੰਡੀ ਹੈ... ਮੈਂ ਇਸ ਨੂੰ ਪਸੰਦ ਨਹੀਂ ਕਰਦਾ।''
ਉੱਥੇ ਹੀ ਇਕ ਹੋਰ ਨੇ ਲਿਖਿਆ,''ਫਾਈਨਲੀ ਇਨ੍ਹਾਂ ਨੂੰ ਆਪਣੇ ਪਤੀ ਲਈ ਸਮਾਂ ਮਿਲ ਹੀ ਗਿਆ।'' ਇਸ ਦੇ ਨਾਲ ਹੀ ਕਈ ਹੋਰ ਯੂਜ਼ਰਸ ਨੇ ਕੁਮੈਂਟਸ ਕੀਤੇ। ਗੱਲ ਕਰੀਏ ਜੇਕਰ ਜਯਾ ਬੱਚਨ ਦੀ ਤਾਂ ਉਹ ਫਿਲਮਾਂ 'ਚ ਹੁਣ ਐਕਟਿਵ ਨਹੀਂ ਹੈ ਪਰ ਉੱਥੇ ਹੀ ਅਮਿਤਾਭ ਬੱਚਨ ਕੋਲ ਕਈ ਵੱਡੀਆਂ ਫਿਲਮਾਂ ਹਨ।