ਮੁੰਬਈ (ਬਿਊਰੋ)— ਹਾਲੀਵੁੱਡ ਅਭਿਨੇਤਰੀ ਤੇ ਵਿਸ਼ਵ ਪ੍ਰਸਿੱਧ ਗਾਇਕਾ ਜੈਨੀਫਰ ਲੋਪੇਜ਼ ਨਵੇਂ-ਨਵੇਂ ਧਮਾਕੇ ਕਰਨ ਲਈ ਪਛਾਣੀ ਜਾਂਦੀ ਹੈ। ਕੁਝ ਦਿਨ ਪਹਿਲਾਂ ਆਪਣਾ 49ਵਾਂ ਜਨਮਦਿਨ ਮਨਾਉਣ ਵਾਲੀ ਜੈਨੀਫਰ ਲੋਪੇਜ਼ ਦਾ ਸਟਾਈਲ ਤੇ ਸਵੈਗ ਦੇਖ ਕੇ ਉਸ ਦੀ ਉਮਰ ਦਾ ਅੰਦਾਜ਼ਾ ਹੀ ਨਹੀਂ ਲੱਗਦਾ ਪਰ ਹਾਲ ਹੀ 'ਚ ਉਸ ਨੇ ਨਿਊਯਾਰਕ ਦੀਆਂ ਸੜਕਾਂ 'ਤੇ ਉਸ ਸਮੇਂ ਤਹਿਲਕਾ ਮਚਾ ਦਿੱਤਾ, ਜਦੋਂ ਉਸ ਨੇ ਅਨੋਖੇ ਕਿਸਮ ਦੇ ਬੂਟ ਪਹਿਨੇ। ਜੈਨੀਫਰ ਲੋਪੇਜ਼ ਦੇ ਇਹ ਡੈਨਿਮ ਬੂਟ ਇੰਨੇ ਅਨੋਖੇ ਸਨ ਕਿ ਹਰ ਕੋਈ ਇਨ੍ਹਾਂ ਨੂੰ ਦੇਖਦਾ ਹੀ ਰਹਿ ਗਿਆ। ਹਾਲੀਵੁੱਡ ਅਭਿਨੇਤਰੀ ਜੈਨੀਫਰ ਲੋਪੇਜ਼ ਦੇ ਇਹ ਬੂਟ ਸਿਰ ਨੂੰ ਚੱਕਰ ਦੇਣ ਵਾਲੇ ਸਨ। ਇਹ ਵਰਸਾਚੇ ਬ੍ਰੈਂਡ ਦੇ ਲੌਂਗ ਡੈਨਿਮ ਬੂਟ ਹਨ। ਇਨ੍ਹਾਂ 'ਤੇ ਪੁਲਸ ਦਾ ਬੈਜ ਵੀ ਲੱਗਾ ਹੈ। ਸੋਸ਼ਲ ਮੀਡੀਆ 'ਤੇ ਜੈਨੀਫਰ ਲੋਪੇਜ਼ ਦੇ ਇਹ ਬੂਟ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ ਤੇ ਇਸ ਨੂੰ ਲੈ ਕੇ ਉਸ ਦਾ ਕਈ ਤਰੀਕਿਆਂ ਨਾਲ ਮਜ਼ਾਕ ਵੀ ਬਣਾਇਆ ਜਾ ਰਿਹਾ ਹੈ ਪਰ ਜੈਨੀਫਰ ਲੋਪੇਜ਼ ਤਾਂ ਆਪਣੇ ਖਾਸ ਤਰ੍ਹਾਂ ਦੇ ਫੈਸ਼ਨ ਲਈ ਪਛਾਣੀ ਜਾਂਦੀ ਹੈ, ਉਸ ਨੂੰ ਕਿਸੇ ਦੀ ਪਰਵਾਹ ਕਿਥੇ। ਵਾਕਈ ਇਹ ਬੂਟ ਤਾਂ ਕੁਝ ਅਜਿਹੇ ਅੰਦਾਜ਼ ਦੇ ਹਨ ਕਿ ਇਨ੍ਹਾਂ ਨੂੰ ਪਹਿਨਣ ਤੋਂ ਬਾਅਦ ਪੈਂਟ ਦੀ ਜ਼ਰੂਰਤ ਹੀ ਨਹੀਂ। ਜੈਨੀਫਰ ਲੋਪੇਜ਼ ਨੇ ਵੀ ਕੁਝ ਅਜਿਹਾ ਹੀ ਕੀਤਾ ਹੈ।