ਮੁੰਬਈ(ਬਿਊਰੋ)— ਪ੍ਰਿਅੰਕਾ ਚੋਪੜਾ ਦੇ ਜੇਠ ਅਤੇ ਨਿੱਕ ਜੋਨਸ ਦੇ ਵੱਡੇ ਭਰਾ ਜੋ ਜੋਨਸ ਨੇ ਕੁਝ ਸਮਾਂ ਪਹਿਲਾਂ 'ਗੇਮ ਆਫ ਥਰੋਂਸ' ਫੇਮ ਅਦਾਕਾਰਾ ਸੋਫੀ ਟਰਨਰ ਨਾਲ ਵਿਆਹ ਕੀਤਾ ਸੀ। ਵਿਆਹ ਤੋਂ ਪਹਿਲਾਂ ਜੋ ਜੋਨਸ ਦੀ ਬੈਚਲਰਸ ਪਾਰਟੀ 'ਚ ਕੁਝ ਅਜਿਹਾ ਹੋਇਆ ਸੀ, ਜਿਸ ਦੇ ਚਲਦੇ ਉੱਥੇ 3 ਵਾਰ ਪੁਲਸ ਆ ਗਈ ਸੀ। ਹਾਲ ਹੀ 'ਚ ਜੋਨਸ ਬ੍ਰਦਰਸ ਇਕ ਚੈਟ ਸ਼ੋਅ 'ਚ ਪਹੁੰਚੇ ਸਨ। ਇੱਥੇ ਉਨ੍ਹਾਂ ਨਾਲ "Know Your Bro"ਗੇਮ ਖੇਡੀ ਗਈ। ਇਸ ਦੌਰਾਨ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਜੋ ਜੋਨਸ ਦੀ ਬੈਚਲਰਸ ਪਾਰਟੀ 'ਚ ਸਭ ਤੋਂ ਵਾਇਲਡ ਚੀਜ਼ ਕੀ ਹੋਈ ਸੀ? ਇਸ ਦੇ ਜਵਾਬ 'ਚ ਨਿੱਕ ਜੋਨਸ ਨੇ ਕਿਹਾ,''ਜੋ ਦੀ ਬੈਚਲਰਸ ਪਾਰਟੀ 'ਚ ਪਹਿਲੀ ਰਾਤ ਨੂੰ ਪੁਲਸ ਆਈ ਸੀ, ਅਜਿਹਾ ਤਿੰਨ ਵਾਰ ਹੋਇਆ ਸੀ। ਇਹ ਆਪਣੇ ਆਪ 'ਚ ਬਹੁਤ ਅਜੀਬ ਚੀਜ਼ ਹੈ ਪਰ ਉਸ ਸਮੇਂ ਅਸੀਂ ਕਿੱਥੇ ਸੀ ਇਹ ਹੋਰ ਵੀ ਜ਼ਿਆਦਾ ਖਰਾਬ ਹੈ।'' ਨਿੱਕ ਜੋਨਸ ਨੇ ਅੱਗੇ ਦੱਸਿਆ,''ਪਾਰਟੀ 'ਚ ਸਭ ਇੰਝ ਮਸਤ ਸਨ ਕਿ ਜੋ ਨੇ ਆਪਣੀ ਸ਼ਰਟ ਤੱਕ ਪਾੜ ਦਿੱਤੀ ਸੀ। ਇੰਨਾ ਹੀ ਨਹੀਂ ਜੋ ਨੇ ਆਪਣੇ ਦੋਸਤਾਂ ਦੀ ਸ਼ਰਟ ਵੀ ਪਾੜ ਦਿੱਤੀ ਸੀ, ਇਸ ਤੋਂ ਬਾਅਦ ਉਹ ਅਜੀਬ-ਅਜੀਬ ਹਰਕਤਾਂ ਕਰਨ ਲੱਗੇ ਸਨ। ਦੱਸ ਦੇਈਏ ਕਿ ਜੋ ਜੋਨਸ ਅਤੇ ਸੋਫੀ ਟਰਨਰ ਨੇ ਆਪਣੇ ਵਿਆਹ ਦੀ ਕੋਈ ਘੋਸ਼ਣਾ ਨਹੀਂ ਕੀਤੀ ਸੀ। ਵਿਆਹ ਦੀ ਗੱਲ ਉਸ ਸਮੇਂ ਪਤਾ ਲੱਗੀ, ਜਦੋਂ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ। ਇਸ ਵੀਡੀਓ ਤੋਂ ਬਾਅਦ ਹੀ ਜੋ ਅਤੇ ਸੋਫੀ ਨੇ ਵਿਆਹ ਦੀ ਗੱਲ ਮੀਡੀਆ ਸਾਹਮਣੇ ਮੰਨੀ ਸੀ।