ਜਲੰਧਰ(ਬਿਊਰੋ)— ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਹਰ ਦਿਨ ਨਵੇਂ ਟੈਲੇਂਟ ਨੂੰ ਜਨਮ ਦੇ ਰਹੀ ਹੈ। ਪੰਜਾਬੀ ਗਾਇਕ ਤੋਂ ਐਕਟਰ ਬਣੇ ਜੋਰਡਨ ਸੰਧੂ ਵੀ ਪੰਜਾਬੀ ਮਿਊਜ਼ਿਕ ਤੇ ਸੰਗੀਤ ਇੰਡਸਟਰੀ ਨੂੰ ਵੱਖਰੀ ਸੇਧ ਦੇ ਰਹੇ ਹਨ। ਜੋਰਡਨ ਸੰਧੂ ਸੰਗੀਤ ਜਗਤ ਦੇ ਉੱਭਰਦੇ ਹੋਏ ਕਲਾਕਾਰਾਂ 'ਚੋਂ ਇਕ ਹੈ।
ਦੱਸ ਦੇਈਏ ਕਿ ਜੋਰਡਨ ਸੰਧੂ ਨੇ ਹਾਲ ਹੀ 'ਚ ਇਕ ਨਵੀਂ ਲਗਜ਼ਰੀ ਕਾਰ ਖਰੀਦੀ ਹੈ, ਜਿਸ ਦੀਆਂ ਕੁਝ ਤਸਵੀਰਾਂ ਬੰਟੀ ਬੈਂਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸਟੋਰੀ 'ਚ ਪਾਈਆਂ ਸਨ। ਹਾਲਾਂਕਿ ਜੋਰਡਨ ਸੰਧੂ ਨੇ ਵੀ ਆਪਣੀ ਗੱਡੀ ਦੀ ਤਸਵੀਰ ਸਟੋਰੀ 'ਚ ਪਾਈ ਸੀ। ਉਨ੍ਹਾਂ ਨੇ ਤਸਵੀਰਾਂ ਸ਼ੇਅਰ ਕਰਦਆਿਂ ਵਾਹਿਗੁਰੂ ਪ੍ਰਮਾਤਮਾ ਦਾ ਸ਼ੁਕਰਾਨਾ ਵੀ ਕੀਤਾ।
ਦੱਸਣਯੋਗ ਹੈ ਕਿ ਹਾਲ ਹੀ 'ਚ ਅਮਰਿੰਦਰ ਗਿੱਲ ਦੀ ਰਿਲੀਜ਼ ਹੋਈ ਫਿਲਮ 'ਅਸ਼ਕੇ' 'ਚ ਜੌਰਡਨ ਸੰਧੂ ਨੇ ਹੈਂਡਸਮ ਜੱਟਾਂ' ਗੀਤ ਗਾਇਆ ਸੀ, ਜਿਸ ਨੂੰ ਲੋਕਾਂ ਵਲੋਂ ਕਾਫੀ ਪਸੰਦ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ ਜੋਰਡਨ ਸੰਧੂ ਨੇ ਗਿੱਪੀ ਗਰੇਵਾਲ ਦੀ ਫਿਲਮ 'ਸੂਬੇਦਾਰ ਜੋਗਿੰਦਰ ਸਿੰਘ' 'ਚ ਇਕ ਛੋਟਾ ਜਿਹਾ ਕਿਰਦਾਰ ਨਿਭਾਇਆ ਸੀ। ਇਸ ਤੋਂ ਇਲਾਵਾ ਜੋਰਡਨ ਸੰਧੂ 'ਡੈੱਕ ਸਵਰਾਜ', 'ਅੰਬਰਸਰ ਵਾਲਾ', 'ਮੋਹਾਲੀ ਵਾਲੀਏ' ਵਰਗੇ ਗੀਤ ਦਰਸ਼ਕਾਂ ਦੀ ਝੋਲੀ 'ਚ ਪਾ ਚੁੱਕੇ ਹਨ।