ਮੁੰਬਈ(ਬਿਊਰੋ)— ਇਹ ਸੱਚ ਹੈ ਕਿ ਉਮਰ ਦੇ ਨਾਲ-ਨਾਲ ਸਰੀਰ ਤੇ ਚਿਹਰੇ 'ਤੇ ਕਈ ਤਰ੍ਹਾਂ ਦੇ ਬਦਲਾਅ ਦੇਖਣ ਨੂੰ ਮਿਲਦੇ ਹਨ ਪਰ ਕਦੇ-ਕਦੇ ਖੁਦ ਦੀ ਕੀਤੀ ਗਲਤੀ ਨਾਲ ਮੂੰਹ 'ਤੇ ਰਿਏਕਸ਼ਨ/ਇਨਫੈਕਸ਼ਨ ਹੋ ਜਾਂਦੇ ਹਨ। ਅਜਿਹਾ ਹੀ ਕੁਝ ਬਾਲੀਵੁੱਡ ਅਦਾਕਾਰਾ ਜੂਹੀ ਚਾਵਲਾ ਨਾਲ ਵੀ ਹੋਇਆ।
ਹਾਲ ਹੀ 'ਚ ਉਸ ਨੇ ਆਸਟਰੀਆ ਤੋਂ ਇਕ ਤਸਵੀਰ ਆਪਣੇ ਟਵਿਟਰ ਹੈਂਡਲ 'ਤੇ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ 'ਚ ਜੂਹੀ ਬਿਨਾਂ ਮੇਕਅੱਪ ਦੇ ਨਜ਼ਰ ਆ ਰਹੀ ਹੈ ਤੇ ਉਸ ਨੂੰ ਪਛਾਣਨਾ ਕਾਫੀ ਔਖਾ ਹੋ ਰਿਹਾ ਹੈ।
ਇੰਨਾਂ ਹੀ ਨਹੀਂ ਉਸ ਨੇ ਆਪਣੇ ਟਵਿਟਰ ਹੈਂਡਲ 'ਤੇ ਆਪਣੇ ਹੇਅਰ ਫਾਲ ਤੇ ਸਕਿਨ/ਚਮੜੀ ਦੀ ਸਮੱਸਿਆ ਨੂੰ ਲੈ ਕੇ ਲਿਖਿਆ, ''I suffered the most frightening chemical reaction on my scalp/face and learnt a harsh lesson .. so TODAY trashing the chemicals and embracing the BEST beauty kit ever !!!!।''
ਬਦਲਾਅ ਲੱਗ ਰਿਹਾ ਹੈ ਚਿਹਰੇ 'ਚ
ਜੂਹੀ ਦੁਆਰਾ ਸ਼ੇਅਰ ਕੀਤੀ ਗਈ ਤਸਵੀਰ 'ਚ ਉਸ ਦੇ ਚਿਹਰੇ 'ਚ ਕਾਫੀ ਬਦਲਾਅ ਨਜ਼ਰ ਆ ਰਿਹਾ ਹੈ। ਜੂਹੀ 50 ਸਾਲ ਦੀ ਹੈ ਤੇ ਉਸ ਨੇ ਦੱਖਣੀ ਫਿਲਮ ਇੰਡਸਟਰੀ ਨਾਲ ਕਈ ਵੈੱਬ ਸੀਰੀਜ਼ 'ਚ ਕੈਮਿਓ ਕੀਤਾ ਹੈ। ਉਸ ਦੀ ਆਉਣ ਵਾਲੀ ਫਿਲਮ 'ਜ਼ੀਰੋ' ਹੈ, ਜਿਸ 'ਚ ਉਹ ਕੈਮਿਓ ਕਰਦੀ ਨਜ਼ਰ ਆਵੇਗੀ।
ਕੁਝ ਮਹੀਨੇ ਪਹਿਲਾਂ ਜੂਹੀ ਨੇ 'ਗੁਲਾਬ ਗੈਂਗ' 'ਚ ਆਪਣੇ ਵਿਲੇਨ ਦੇ ਕਿਰਦਾਰ ਬਾਰੇ ਕਿਹਾ ਸੀ, ''ਇਸ ਫਿਲਮ ਤੋਂ ਬਾਅਦ ਪਤਾ ਲੱਗਾ ਕਿ ਸਭ ਤੋਂ ਚੰਗੀ ਵਿਲੇਨ ਹਾਂ। ਹਾਲਾਂਕਿ 'ਗੁਲਾਬ ਗੈਂਗ' ਤੋਂ ਬਾਅਦ ਹੁਣ ਤੱਕ ਅਜਿਹਾ ਕਿਰਦਾਰ ਆਫਰ ਨਹੀਂ ਹੋਇਆ।''
ਇਨ੍ਹਾਂ ਫਿਲਮਾਂ 'ਚ ਕੀਤਾ ਜੂਹੀ ਨੇ ਕੰਮ
ਜੂਲੀ ਚਾਵਲਾ ਨੇ 'ਕਿਆਮਤ ਸੇ ਕਿਆਮਤ ਤੱਕ', 'ਸਵਰਗ', 'ਸ਼ਾਨਦਾਰ', 'ਬੋਲ ਰਾਧਾ ਬੋਲ', 'ਇੱਜ਼ਤ ਕੀ ਰੋਟੀ', 'ਅੰਦਾਜ਼', 'ਸਾਜਨ ਕਾ ਘਰ', 'ਫਿਰ ਭੀ ਦਿਲ ਹੈ ਹਿੰਦੁਸਤਾਨੀ' ਤੇ 'ਭੂਤਨਾਥ' ਵਰਗੀਆਂ ਕਈ ਫਿਲਮਾਂ 'ਚ ਕੰਮ ਕੀਤਾ।