ਨਵੀਂ ਦਿੱਲੀ—ਚਾਹੇ ਬਾਲੀਵੁੱਡ ਹੋਵੇ ਜਾਂ ਹਾਲੀਵੁੱਡ, ਫੈਂਸ ਆਪਣੇ ਫੇਵਰੇਟ ਸਟਾਰਸ ਬਾਰੇ ਅਜਿਹੀਆਂ ਅਫਵਾਹਾਂ ਬਣਾ ਹੀ ਦਿੰਦੇ ਹਨ ਜਿਸ ਨਾਲ ਸਾਰੇ ਹੈਰਾਨ ਰਹਿ ਜਾਂਦੇ ਹਨ। ਇਸ ਵਾਰ ਖਬਰ ਹੈ ਕਿ ਜਸਟਿਨ ਬੀਬਰ ਅਤੇ ਹੈਲੀ ਬਾਲਡਵਿਨ ਦੀ। ਦੋਵਾਂ ਨੇ ਕੁਝ ਸਮਾਂ ਪਹਿਲਾਂ ਹੀ ਮੰਗਣੀ ਕੀਤੀ ਅਤੇ ਇਹ ਖੁਸ਼ਖਬਰੀ ਆਪਣੇ ਫੈਂਸਨ ਨੂੰ ਦਿੱਤੀ।
ਪਰ ਹੁਣ ਖਬਰ ਹੈ ਕਿ ਦੋਵਾਂ ਨੇ ਤਾਂ ਵਿਆਹ ਵੀ ਕਰ ਲਿਆ। ਆਖਿਰ ਕੀ ਹੈ ਪੂਰੀ ਗੱਲ? ਦਰਅਸਲ ਇਹ ਖਬਰਾਂ ਇਸ ਲਈ ਆ ਰਹੀਆਂ ਹਨ ਕਿਉਂਕਿ ਫੈਂਸ ਨੇ ਉਨ੍ਹਾਂ ਨੂੰ ਕੁਝ ਸਮੇਂ ਪਹਿਲਾਂ ਹੀ ਇਕ ਮੈਰਿਜ ਲਾਇਸੈਂਸ ਕੋਰਟ ਹਾਊਸ ਦੇ ਬਾਹਰ ਦੇਖਿਆ। ਇਸ ਤੋਂ ਫੈਂਸ ਇਹ ਅੰਦਾਜ਼ਾ ਲਗਾ ਰਹੇ ਹਨ ਕਿ ਕਿਤੇ ਜਸਟਿਨ ਅਤੇ ਹੈਲੀ ਨੇ ਚੋਰੀ ਵਿਆਹ ਤਾਂ ਨਹੀਂ ਕਰ ਲਿਆ।
ਇਕ ਸੂਤਰ ਵਲੋਂ ਮਿਲੀ ਜਾਣਕਾਰੀ ਮੁਤਾਬਕ ਹੈਲੀ ਅਤੇ ਜਸਟਿਨ ਨੂੰ ਕੋਰਟ ਦੇ ਬਾਹਰ ਦੇਖਿਆ ਗਿਆ। ਉਸ ਮੁਤਾਬਕ ਦੋਵਾਂ ਪਹਿਲਾਂ ਹੀ ਵਿਆਹ ਕਰ ਚੁੱਕੇ ਹਨ ਅਤੇ ਬਹੁਤ ਖੁਸ਼ ਹਨ। ਨਾਲ ਹੀ ਸੂਤਰ ਨੇ ਇਹ ਵੀ ਦੱਸਿਆ ਕਿ ਜਸਟਿਨ ਨੇ ਹੈਲੀ ਨੂੰ ਕਿਹਾ ਕਿ ਉਹ ਜਲਦ ਹੀ ਸਾਰਿਆਂ ਸਾਹਮਣੇ ਉਸ ਨਾਲ ਵਿਆਹ ਕਰਨਾ ਚਾਹੁੰਦੇ ਹਨ।
ਅਜਿਹਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਦੋਵਾਂ ਨੇ ਇੱਕਲੇ ਹੀ ਜਾ ਕੇ ਵਿਆਹ ਕਰ ਲਿਆ। ਜਸਟਿਨ ਅਤੇ ਹੈਲੀ ਨੇ ਕੋਰਟ 'ਚ ਜੱਜ ਸਾਹਮਣੇ ਵਿਆਹ ਕਰਨ ਦੀ ਗੱਲ ਕਹੀ।
ਅਜਿਹੇ 'ਚ ਅੰਦਾਜ਼ਾ ਵੀ ਲਗਾਇਆ ਜਾ ਰਿਹਾ ਹੈ ਕਿ ਉਹ ਸਿਰਫ ਇਸ ਦੇ ਲਈ ਲਾਈਸੈਂਸ ਲੈਣ ਨਹੀਂ ਸਗੋਂ ਵਿਆਹ ਹੀ ਕਰਵਾਉਣ ਗਏ ਸਨ। ਨਿਊਯਾਰਕ ਸੂਬਾ ਕਾਨੂੰਨ ਮੁਤਾਬਕ ਵਿਆਹ ਦਾ ਲਾਈਸੈਂਸ ਜਾਰੀ ਹੋਣ ਦੀ ਮਿਤੀ ਦੇ 60 ਦਿਨਾਂ ਤੱਕ ਵਿਆਹ ਕਰਵਾਉਣਾ ਜ਼ਰੂਰੀ ਹੁੰਦਾ ਹੈ।
ਇਸ ਲਈ ਲੱਗਦਾ ਹੈ ਕਿ ਜਸਟਿਨ ਅਤੇ ਹੈਲੀ ਇਸ ਸਾਲ ਦੇ ਆਖਿਰ ਤੱਕ ਆਫੀਸ਼ੀਅਲ ਕਰ ਦੇਣਗੇ। ਹਾਲਾਂਕਿ ਇਹ ਅਫਵਾਹਾਂ ਵੀ ਹੋ ਸਕਦੀਆਂ ਹਨ। ਫੈਂਸ ਨੂੰ ਇੰਤਜ਼ਾਰ ਕਰਨਾ ਹੋਵੇਗਾ।