ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਕਾਜੋਲ ਦੇ ਜਨਮਦਿਨ ਮੌਕੇ ਉਸ ਦੀ ਫਿਲਮ 'ਹੈਲੀਕਾਪਟਰ ਈਲਾ' ਦਾ ਟਰੇਲਰ ਰਿਲੀਜ਼ ਕੀਤਾ ਗਿਆ।
ਇਸ ਮੌਕੇ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਸਨ, ਜਿਨ੍ਹਾਂ 'ਚ ਐਕਟਰ ਰਿੱਦੀ ਸੇਨ, ਅਜੇ ਦੇਵਗਨ ਅਤੇ ਨੇਹਾ ਧੂਪੀਆ, ਕਾਜੋਲ ਦਾ ਕੇਕ ਕੱਟ ਕਰਵਾਉਂਗੇ ਦਿਖਾਈ ਦੇ ਰਹੇ ਹਨ।
ਜਾਣਕਾਰੀ ਮੁਤਾਬਕ ਇਹ ਫਿਲਮ ਅਜੇ ਦੇਵਗਨ ਅਤੇ ਧਵਨ ਜਯੰਤਲਾਲ ਨੇ ਮਿਲ ਕੇ ਪ੍ਰੋਡਿਊਸ ਕੀਤੀ ਗਈ, ਜਦਕਿ ਫਿਲਮ ਦਾ ਨਿਰਦੇਸ਼ਨ ਪ੍ਰਦੀਪ ਸਰਕਾਰ ਵਲੋਂ ਕੀਤਾ ਗਿਆ ਹੈ।
ਇਹ ਫਿਲਮ 7 ਸਤੰਬਰ ਨੂੰ ਰਿਲੀਜ਼ ਹੋਵੇਗੀ। ਆਨੰਦ ਕੁਮਾਰ ਦੇ ਗੁਜਰਾਤੀ ਨਾਟਕ 'ਬੇਟਾ ਕਗਾਡੋ' 'ਤੇ ਬਣੀ ਇਹ ਫਿਲਮ ਇਕ ਸਿੰਗਲ ਮਦਰ 'ਈਲਾ' ਦੇ ਜੀਵਨ 'ਤੇ ਆਧਾਰਿਤ ਹੈ।
ਫਿਲਮ ਦੇ ਟਰੇਲਰ 'ਚ ਕਾਜੋਲ ਆਪਣੇ ਬੇਟੇ ਨਾਲ ਪੂਰੀ ਜ਼ਿੰਦਗੀ ਬਤੀਤ ਕਰਦੀ ਨਜ਼ਰ ਆ ਰਹੀ ਹੈ।
ਦੱਸ ਦੇਈਏ ਕਿ ਫਿਲਮ 'ਚ ਕਾਜੋਲ ਇਕ ਗਾਇਕਾ ਦਾ ਕਿਰਦਾਰ ਨਿਭਾਅ ਰਹੀ ਹੈ।
ਉਹ ਆਪਣੇ ਬੇਟੇ ਲਈ ਆਪਣੇ ਸੁਪਨਿਆਂ ਨੂੰ ਛੱਡ ਦਿੰਦੀ ਪਰ ਮਾਂ ਦੇ ਪਿਆਰ ਨੂੰ ਨਾ ਸਮਝਨ ਵਾਲਾ ਬੇਟਾ ਘਰ ਛੱਡ ਕੇ ਚਲਿਆ ਜਾਂਦਾ ਹੈ ਤਾਂ ਈਲਾ ਦੀ ਜ਼ਿੰਦਗੀ ਬਦਲ ਜਾਂਦੀ ਹੈ।
ਇਸ ਤੋਂ ਬਾਅਦ ਇਕ ਵਾਰ ਫਿਰ ਈਲਾ ਆਪਣੀ ਜ਼ਿੰਦਗੀ ਨੂੰ ਜਿੱਤ ਕੇ ਨਵੀਂ ਮੰਜ਼ਿਲ 'ਤੇ ਪਹੁੰਚਣ ਦੀ ਕੋਸ਼ਿਸ਼ ਕਰਦੀ ਹੈ।
ਇਸ ਪੂਰੇ ਸਫਰ ਨੂੰ ਫਿਲਮ 'ਚ ਕਾਜੋਲ ਨੇ ਬਾਖੂਬੀ ਨਿਭਾਇਆ ਹੈ।
ਕਾਜੋਲ ਦੀ ਬੇਮਿਸਾਲ ਅਦਾਕਾਰੀ ਇਕ ਵਾਰ ਫਿਰ ਫੈਨਜ਼ ਲਈ ਉਸ ਦੇ ਜਨਮਦਿਨ 'ਤੇ ਸਰਪ੍ਰਾਈਜ਼ ਹੈ।
ਇਸ ਫਿਲਮ 'ਚ ਕਾਜੋਲ ਨਾਲ ਉਸ ਦੇ ਬੇਟੇ ਦਾ ਕਿਰਦਾਰ ਰਿੱਦੀ ਸੇਨ ਨਿਭਾਅ ਰਹੇ ਹਨ।
ਫਿਲਮ 'ਚ ਨੇਹਾ ਧੂਪੀਆ ਵੀ ਅਹਿਮ ਭੂਮਿਕਾ 'ਚ ਨਜ਼ਰ ਆਵੇਗੀ।
