ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਕਮਲ ਹਸਨ ਅੱਜ ਆਪਣਾ 62ਵਾਂ ਜਨਮਦਿਨ ਮਨਾ ਰਹੇ ਹਨ। ਕਮਲ ਦੀ ਗਿਣਤੀ ਭਾਰਤੀ ਸਿਨੇਮਾ ਦੇ ਦਿੱਗਜ ਕਲਾਕਾਰਾਂ 'ਚ ਕੀਤੀ ਜਾਂਦੀ ਹੈ। ਕਮਲ ਨੇ ਦੋ ਵਿਆਹ ਕੀਤੇ ਸਨ। ਵਾਨੀ ਗਣਪਤੀ ਨਾਲ ਉਨ੍ਹਾਂ ਦਾ ਪਹਿਲਾ ਵਿਆਹ ਹੋਇਆ। ਗਣਪਤੀ ਨਾਲ ਤਲਾਕ ਤੋਂ ਬਾਅਦ ਉਨ੍ਹਾਂ ਨੇ ਅਭਿਨੇਤਰੀ ਸਾਰਿਕਾ ਨਾਲ ਦੂਜਾ ਵਿਆਹ ਕੀਤਾ। ਇਸ ਵਿਆਹ ਤੋਂ ਉਨ੍ਹਾਂ ਦੀਆਂ 2 ਬੇਟੀਆਂ ਹਨ।
ਕਮਲ ਦੀਆਂ ਦੋਵੇਂ ਬੇਟੀਆਂ ਸ਼ਰੂਤੀ ਤੇ ਅਕਸ਼ਰਾ ਅਭਿਨੇਤਰੀਆਂ ਹਨ। ਕਮਲ ਹਾਸਨ ਸਾਰਿਕਾ ਤੋਂ ਵੱਖ ਹੋਣ ਤੋਂ ਬਾਅਦ ਕਰੀਬ 13 ਸਾਲ ਤੱਕ ਲਿਵ ਇਨ ਰਿਲੇਸ਼ਨ 'ਚ ਵੀ ਰਹੇ। ਉਨ੍ਹਾਂ ਦੀ ਲਿਵ ਇਨ ਪਾਰਟਨਰ ਅਦਾਕਾਰਾ ਗੌਤਮੀ ਸੀ। ਗੌਤਮੀ ਨੇ ਖੁਦ ਬਲਾਗ 'ਚ ਕਮਲ ਨਾਲੋਂ ਵੱਖ ਹੋਣ ਦੀ ਗੱਲ ਦੱਸੀ।
ਗੌਤਮੀ ਨੇ ਆਪਣੇ ਬਲਾਗ ਜ਼ਿੰਦਗੀ ਤੇ ਫੈਸਲੇ 'ਚ ਲਿਖਿਆ ਸੀ, 13 ਸਾਲ ਇੱਕਠੇ ਰਹਿਣ ਤੋਂ ਬਾਅਦ ਇਹ ਫੈਸਲਾ ਲੈਣਾ ਮੇਰੇ ਲਈ ਬਹੁਤ ਔਖਾ ਸੀ। ਕਿਸੇ ਲਈ ਅਜਿਹਾ ਫੈਸਲਾ ਲੈਣਾ ਸੌਖਾ ਨਹੀਂ ਹੁੰਦਾ। ਜਾਂ ਤਾਂ ਤੁਸੀਂ ਰਿਸ਼ਤੇ 'ਚ ਰਹਿ ਕੇ ਆਪਣੇ ਸੁਪਨਿਆਂ ਨਾਲ ਸਮਝੌਤਾ ਕਰ ਲੈਂਦੇ ਹੋ ਜਾਂ ਫਿਰ ਸੱਚਾਈ ਨੂੰ ਸਵੀਕਾਰ ਕਰ ਕੇ ਅੱਗੇ ਵੱਧ ਜਾਂਦੇ ਹੋ।
ਗੌਤਮੀ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਨੂੰ ਕਿਸੇ ਦੀ ਹਮਦਰਦੀ ਨਹੀਂ ਚਾਹੀਦੀ ਤੇ ਨਾ ਹੀ ਉਹ ਕਿਸੇ ਨੂੰ ਦੋਸ਼ ਦੇਣਾ ਚਾਹੁੰਦੀ ਹੈ। ਗੌਤਮੀ ਨੇ ਤੇਲੁਗੂ, ਮਲਿਆਲਮ ਤੇ ਕੰਨੜ ਫਿਲਮਾਂ 'ਚ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਬਹੁਤ ਸਾਰੇ ਟੀ. ਵੀ. ਸ਼ੋਅਜ਼ ਹੋਸਟ ਤੇ ਜੱਜ ਕੀਤੇ ਹਨ। ਗੌਤਮੀ ਤੇ ਕਮਲ ਹਾਲ ਹੀ 'ਚ ਇਕ ਫਿਲਮ 'ਚ ਵੀ ਨਜ਼ਰ ਆਏ ਸਨ। ਗੌਤਮੀ ਨੇ ਲਿਖਿਆ, ਮੈਂ ਕਮਲ ਦੇ ਕੰਮ ਦੀ ਹਮੇਸ਼ਾ ਤੋਂ ਫੈਨ ਰਹੀ ਹਾਂ ਤੇ ਅੱਗੇ ਵੀ ਰਹਾਂਗੀ।''