ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਕੰਗਨਾ ਰਣੌਤ ਦੇ ਡਰੀਮ ਪ੍ਰੋਜੈਕਟ ਫਿਲਮ 'ਮਣੀਕਰਣਿਕਾ' ਦਾ ਟਰੇਲਰ ਰਿਲੀਜ਼ ਹੋ ਚੁੱਕਿਆ ਹੈ। ਟਰੇਲਰ ਲਾਂਚ ਲਈ ਮੁੰਬਈ ਦੇ ਵਡਾਲਾ 'ਚ ਸ਼ਾਨਦਾਰ ਤਿਆਰੀਆਂ ਕੀਤੀਆਂ ਗਈਆਂ। ਟਰੇਲਰ ਲਾਂਚ ਦੇ ਮੌਕੇ 'ਤੇ ਕੰਗਨਾ ਨੇ ਓਰੇਂਜ ਟ੍ਰੈਡਸ਼ੀਨਲ ਸਾੜ੍ਹੀ ਪਾ ਕੇ ਐਂਟਰੀ ਕੀਤੀ। ਟਰੇਲਰ ਲਾਂਚ ਦੇ ਮੌਕੇ 'ਤੇ ਫਿਲਮ ਦੀ ਸਟਾਰਕਾਸਟ ਵੀ ਨਜ਼ਰ ਆਈ। ਫਿਲਮ 'ਚ ਕੰਗਨਾ ਰਣੌਤ 'ਝਾਂਸੀ ਦੀ ਰਾਣੀ' ਦਾ ਕਿਰਦਾਰ ਨਿਭਾ ਰਹੀ ਹੈ। ਟਰੇਲਰ ਲਾਂਚ ਲਈ ਇਵੈਂਟ ਵੈਨਿਊ ਨੂੰ ਕਿਲੇ ਦੀ ਤਰ੍ਹਾਂ ਸਜਾਇਆ ਗਿਆ। ਕੰਗਨਾ ਨਾਲ ਉਨ੍ਹਾਂ ਦੀ ਫੌਜ ਵੀ ਇਵੈਂਟ 'ਚ ਪਹੁੰਚੀ। ਕੰਗਨਾ ਰਣੌਤ ਦੀ ਫਿਲਮ 'ਮਣੀਕਰਣਿਕਾ' ਦਾ ਟੀਜਰ ਪਹਿਲਾਂ ਹੀ ਰਿਲੀਜ਼ ਹੋ ਚੁੱਕਿਆ ਹੈ।2 ਮਿੰਟ ਦੇ ਟੀਜਰ 'ਚ ਕੰਗਨਾ ਦਾ ਜ਼ਬਰਦਸਤ ਐਕਸ਼ਨ ਕਰਦੀ ਨਜ਼ਰ ਆਈ ਸੀ।