ਮੁੰਬਈ(ਬਿਊਰੋ)— 25 ਜਨਵਰੀ ਨੂੰ ਕੰਗਨਾ ਰਣੌਤ ਦੀ ਪੀਰੀਅਡ ਡਰਾਮਾ ਫਿਲਮ 'ਮਣੀਕਰਣਿਕਾ' ਰਿਲੀਜ਼ ਹੋਵੇਗੀ। ਫਿਲਮ ਦਾ ਜਦੋਂ ਤੋ ਐਲਾਨ ਹੋਇਆ ਹੈ ਉਦੋਂ ਤੋਂ ਚਰਚਾਂ 'ਚ ਬਣੀ ਹੋਈ ਹੈ। ਇਸ ਨੂੰ ਕੰਗਨਾ ਅਤੇ ਕ੍ਰਿਸ਼ ਨੇ ਮਿਲ ਕੇ ਡਾਇਰੈਕਟ ਕੀਤਾ ਹੈ। ਰਾਣੀ ਲਕਸ਼ਮੀ ਬਾਈ ਦੀ ਜ਼ਿੰਦਗੀ 'ਤੇ ਆਧਾਰਿਤ ਮੂਵੀ ਦੇ ਕੰਟੈਂਟ 'ਤੇ ਵਿਵਾਦ ਹੋ ਰਿਹਾ ਹੈ। ਕਰਣੀ ਫੌਜ ਦਾ ਦੋਸ਼ ਹੈ ਕਿ ਫਿਲਮ ਰਾਹੀਂ ਲਕਸ਼ਮੀ ਬਾਈ ਦੀ ਛਵੀ ਖਰਾਬ ਕੀਤੀ ਗਈ ਹੈ। ਦਾਅਵਾ ਹੈ ਕਿ ਇਸ 'ਚ ਲਕਸ਼ਮੀ ਬਾਈ ਨੂੰ ਇਕ ਗੀਤ 'ਤੇ ਡਾਂਸ ਕਰਦੇ ਦਿਖਾਇਆ ਗਿਆ ਹੈ, ਜੋ ਰਾਜਪੂਤਾਂ ਦੀ ਸਭਿਅਤਾ ਦੇ ਖਿਲਾਫ ਹੈ। ਨਾਲ ਹੀ ਅੰਗ੍ਰੇਜ ਅਫਸਰ ਨਾਲ ਰਾਣੀ ਦਾ ਪ੍ਰੇਮ ਦਿਖਾਇਆ ਗਿਆ ਹੈ। ਸਾਵਧਾਨੀ ਵਰਤਦੇ ਹੋਏ ਕੰਗਨਾ ਨੇ ਆਪਣੇ ਮੁੰਬਈ ਘਰ ਦੇ ਬਾਹਰ ਸਿਕਊਰਿਟੀ ਵਧਾ ਦਿੱਤੀ ਹੈ।
ਦਰਅਸਲ, ਰਾਸ਼ਟਰੀ ਰਾਜਪੂਤ ਕਰਣੀ ਫੌਜ ਨੇ ਕੰਗਨਾ ਦੇ ਮੁੰਬਈ ਘਰ ਨੂੰ ਘੇਰਣ ਦੀ ਧਮਕੀ ਦਿੱਤੀ ਹੈ। ਇਸ ਲਈ ਕਿਸੇ ਵੀ ਘਟਨਾ ਤੋਂ ਬਚਨ ਲਈ ਕੜੀ ਸੁਰੱਖਿਆ ਦਾ ਇੰਤਜ਼ਾਮ ਕੀਤਾ ਗਿਆ ਹੈ। ਹਾਲਾਂਕਿ ਕੰਗਨਾ ਨੇ ਕਰਣੀ ਫੌਜ ਦੀ ਧਮਕੀ ਦਾ ਕਰਾਰਾ ਜਵਾਬ ਦਿੱਤਾ ਸੀ। ਉਨ੍ਹਾਂ ਨੇ ਕਿਹਾ, ''ਉਹ ਕਿਸੇ ਤੋਂ ਡਰੀ ਨਹੀਂ ਹੈ ਅਤੇ ਬਿਨਾਂ ਲੜੇ ਹਿੰਮਤ ਨਹੀਂ ਹਾਰਾਗੀ। ਜੇਕਰ ਉਹ ਨਾ ਰੁੱਕੇ ਤਾਂ ਉਨ੍ਹਾਂ ਨੂੰ ਵੀ ਪਤਾ ਹੋਣਾ ਚਾਹੀਦਾ ਹੈ ਕਿ ਮੈਂ ਵੀ ਰਾਜਪੂਤ ਹਾਂ ਅਤੇ ਉਨ੍ਹਾਂ 'ਚੋਂ ਇਕ-ਇਕ ਨੂੰ ਨਸ਼ਟ ਕਰ ਦੇਵਾਂਗੀ।''
ਉਨ੍ਹਾਂ ਨੇ ਕਿਹਾ,'' ਉਹ ਫਿਲਮ 4 ਇਤਿਹਾਸਕਾਰਾਂ ਨੂੰ 'ਮਣੀਕਰਣਿਕਾ' ਦਿਖਾ ਚੁੱਕੀ ਹੈ ਅਤੇ ਸੈਂਸਰ ਨੇ ਵੀ ਫਿਲਮ ਨੂੰ ਪਾਸ ਕੀਤਾ ਹੈ। ਜੇਕਰ ਕਰਣੀ ਫੌਜ ਇਸ ਤੋਂ ਬਾਅਦ ਵੀ ਪਰੇਸ਼ਾਨ ਕਰਦੀ ਹੈ ਤਾਂ ਰਾਜਪੂਤ ਹੋਣ ਦੇ ਨਾਤੇ ਉਹ ਵੀ ਕਰਣੀ ਫੌਜ ਦੇ ਮੈਬਰਾਂ ਨੂੰ ਸਬਕ ਸਿਖਾਏਗੀ।''
ਬਾਕਸ ਆਫਿਸ 'ਤੇ 'ਮਣੀਕਰਣਿਕਾ' ਦੀ ਟੱਕਰ ਬਾਲ ਠਾਕਰੇ ਦੀ ਬਾਓਪਿਕ ਤੋਂ ਹੈ। ਦੋਵੇਂ ਫਿਲਮਾਂ ਆਪਣੇ ਵੱਖ-ਵੱਖ ਕੰਟੈਂਟ ਕਾਰਨ ਸੁਰਖੀਆਂ ਬਟੋਰ ਰਹੀ ਹੈ। ਕੰਗਨਾ ਨੇ ਠਾਕਰੇ ਦੇ ਨਾਲ ਬਾਕਸ ਆਫਿਸ ਕਲੈਸ਼ 'ਤੇ ਕਿਹਾ ਸੀ,''ਅਸੀਂ ਕਿਸੇ ਤਰ੍ਹਾਂ ਦਾ ਦਵਾਬ ਮਹਿਸੂਸ ਨਹੀਂ ਕਰ ਰਹੇ ਹਾਂ ਹਾਲਾਂਕਿ ਇਹ ਫਿਲਮਾਂ ਫੈਸਟੀਵਲ ਰਿਲੀਜ਼ ਹਨ ਤਾਂ ਅਸੀਂ ਖੁਸ਼ ਹਾਂ ਕਿ ਦੋਵੇਂ ਹੀ ਫਿਲਮਾਂ ਨੂੰ ਬਿਹਤਰ ਪ੍ਰਦਰਸ਼ਨ ਲਈ ਸਪੇਸ ਮਿਲ ਸਕੇਗਾ।''
ਰਿਪੋਰਟ ਮੁਤਾਬਕ ਕੰਗਨਾ ਦੀ 'ਮਣੀਕਰਣਿਕਾ' ਪਹਿਲੇ ਦਿਨ 15 ਕਰੋੜ ਦੇ ਕਰੀਬ ਕਮਾਈ ਕਰ ਸਕਦੀ ਹੈ। ਇਸ ਫਿਲਮ ਦਾ ਹਿੱਟ ਹੋਣਾ ਅਦਾਕਾਰਾ ਦੇ ਕਰੀਅਰ ਲਈ ਬਹੁਤ ਜਰੂਰੀ ਹੈ। ਮੂਵੀ ਦਾ ਬਜਟ 75 ਕਰੋੜ ਦੱਸਿਆ ਜਾ ਰਿਹਾ ਹੈ।