ਮੁੰਬਈ (ਬਿਊਰੋ)— ਕੰਗਨਾ ਰਣੌਤ ਨੇ ਹਾਲ ਹੀ 'ਚ ਆਪਣਾ 31ਵਾਂ ਜਨਮਦਿਨ ਮਨਾਇਆ। ਇਸ ਦੌਰਾਨ ਉਹ ਆਪਣੇ ਮਨਾਲੀ ਸਥਿਤ ਨਵੇਂ ਘਰ ਵਿਚ ਪਰਿਵਾਰ ਨਾਲ ਦਿਖਾਈ ਦਿੱਤੀ। ਇਸ ਖਾਸ ਮੌਕੇ 'ਤੇ ਕੰਗਨਾ ਲਈ ਉਨ੍ਹਾਂ ਦੇ ਨਵੇਂ ਘਰ ਦੇ ਸਟਾਫ ਨੇ ਇਕ ਸਰਪ੍ਰਾਇਜ਼ ਪਲਾਨ ਕੀਤਾ ਸੀ। ਦੱਸ ਦਈਏ ਕਿ ਕੁਝ ਦਿਨ ਪਹਿਲਾਂ ਹੀ ਕੰਗਨਾ ਆਪਣੇ ਨਵੇਂ ਘਰ ਵਿਚ ਸ਼ਿਫਟ ਹੋਈ ਹੈ। ਕੰਗਨਾ ਦੇ ਇਸ ਨਵੇਂ ਘਰ ਦੇ ਸਟਾਫ ਮੈਂਬਰ ਨੇ ਉਨ੍ਹਾਂ ਨੂੰ ਘਰ ਦੇ ਆਕਾਰ ਦਾ ਕੇਕ ਗਿਫਟ ਕੀਤਾ। ਕੰਗਨਾ ਦੀ ਟਵਿਟਰ ਹੈਂਡੇਲ ਟੀਮ ਨੇ ਉਨ੍ਹਾਂ ਦੀ ਕੇਕ ਕੱਟ ਦੇ ਹੋਏ ਫੋਟੋ ਸਾਂਝੀ ਕੀਤੀ ਹੈ।
ਹਾਲ ਹੀ ਵਿਚ ਉਨ੍ਹਾਂ ਦੀ ਭੈਣ ਨੇ ਆਪਣੇ ਟਵਿਟਰ ਹੈਂਡੇਲ 'ਤੇ ਕੰਗਨਾ ਦੀ ਫੋਟੋ ਪਾਈ ਸੀ ਜਿਸ ਵਿਚ ਉਹ ਦਰੱਖਤ ਲਗਾਉਂਦੀ ਹੋਈ ਨਜ਼ਰ ਆ ਰਹੀ ਸੀ। ਕੰਗਨਾ ਨੇ ਆਪਣੇ 31ਵੇਂ ਜਨਮਦਿਨ 'ਤੇ 31 ਦਰੱਖਤ ਲਗਾਏ ਹਨ। ਇਸ ਤੋਂ ਇਲਾਵਾ ਕੰਗਨਾ ਨੇ ਖੁਦ ਨੂੰ ਇਕ ਪਿਯਾਓ ਵੀ ਗਿਫਟ ਕੀਤਾ ਹੈ। ਦੱਸ ਦਈਏ ਕਿ ਕੰਗਨਾ ਕਲਾਸੀਕਲ ਮਿਊਜ਼ਿਕ ਦੀ ਸ਼ੌਕੀਨ ਹੈ। ਕੰਗਨਾ ਨੇ ਆਪਣੇ ਜਨਮਦਿਨ ਦੇ ਮੌਕੇ 'ਤੇ ਇਕ ਇੰਟਰਵਿਓ ਦੌਰਾਨ ਕਿਹਾ,''ਜਦੋਂ ਤੁਸੀਂ 30 ਸਾਲ ਤੋਂ ਜ਼ਿਆਦਾ ਦੇ ਹੋ ਜਾਂਦੇ ਹੋ ਤਾਂ ਤੁਹਾਡੇ ਸੁਭਾਅ ਵਿਚ ਤਬਦੀਲੀ ਆਉਣ ਲੱਗਦੀ ਹੈ। ਪ੍ਰੋਫੈਸ਼ਨਲ ਦੇ ਨਾਲ-ਨਾਲ ਮੈਨੂੰ ਆਪਣੇ ਪਰਸਨਲ ਲਾਈਫ ਵਿਚ ਵੀ ਹੁਣ ਅੱਗੇ ਵਧਣ ਦੀ ਜ਼ਰੂਰਤ ਹੈ। ਮੈਂ ਆਪਣੇ ਅਕਸ 'ਤੇ ਕੰਮ ਕਰਨਾ ਚਾਹੁੰਦੀ ਹਾਂ ਅਤੇ ਕਾਫ਼ੀ ਚੀਜ਼ਾਂ ਜ਼ਿੰਦਗੀ 'ਚ ਸੀਖਣਾ ਚਾਹੁੰਦੀ ਹਾਂ।'' ਕੰਗਨਾ ਦੇ ਨਵੇਂ ਘਰ ਦੀ ਗੱਲ ਕਰੀਏ ਤਾਂ ਇਹ ਇਕ ਆਲੀਸ਼ਾਨ ਬੰਗਲਾ ਹੈ। ਇਸ ਵਿਚ ਅੱਠ ਬੈਡਰੂਮ ਹਨ ਅਤੇ ਹਰ ਕਮਰੇ ਦੇ ਦਰੀਚੋਂ ਨਾਲ ਪਹਾੜ ਦਾ ਸੁੰਦਰ ਨਜ਼ਾਰਾ ਲਿਆ ਜਾ ਸਕਦਾ ਹੈ। ਹਾਲ ਹੀ ਵਿਚ ਕੰਗਨਾ ਨੇ ਆਪਣੇ ਨਵੇਂ ਘਰ ਦਾ ਗ੍ਰਹਿਪ੍ਰਵੇਸ਼ ਕੀਤਾ ਸੀ।