ਮੁੰਬਈ(ਬਿਊਰੋ)— ਪੰਜਾਬੀ ਗਾਇਕ ਤੋਂ ਅਦਾਕਾਰ ਬਣੇ ਜੱਸੀ ਗਿੱਲ ਅਤੇ ਨੇਹਾ ਕੱਕੜ ਦੇ ਗੀਤ 'ਨਿਕਲੇ ਕਰੰਟ' ਨੇ ਬਾਲੀਵੁੱਡ ਇੰਡਸਟਰੀ ਤੱਕ ਧੂਮ ਮਚਾਈ ਹੋਈ ਹੈ। ਇਹ ਗੀਤ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੂੰ ਵੀ ਪਸੰਦ ਆ ਰਿਹਾ ਹੈ। ਜੱਸੀ ਗਿੱਲ ਦਾ ਇਹ ਗੀਤ ਖਾਸ ਕਰਕੇ ਬਾਲੀਵੁੱਡ ਕੁਈਨ ਕੰਗਨਾ ਰਣੌਤ ਨੂੰ ਪਸੰਦ ਆ ਰਿਹਾ ਹੈ। ਬਾਲੀਵੁੱਡ ਦੀ ਕੁਈਨ ਕੰਗਨਾ ਨੂੰ ਇਹ ਗੀਤ ਇੰਨਾ ਪਸੰਦ ਆਇਆ ਹੈ ਕਿ ਉਸ ਨੇ ਜੱਸੀ ਗਿੱਲ ਨੂੰ ਇਸ ਲਈ 'ਫਲਾਇੰਗ ਕਿੱਸ' ਵੀ ਕਰ ਦਿੱਤੀ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ।
ਦੱਸ ਦੇਈਏ ਕਿ ਇਹ ਵੀਡੀਓ ਜੱਸੀ ਗਿੱਲ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ 'ਚ ਕੰਗਨਾ ਜਿਮ 'ਚ ਕਸਰਤ ਕਰ ਰਹੀ ਹੈ ਤੇ ਸਾਹਮਣੇ ਜੱਸੀ ਗਿੱਲ ਦਾ ਗੀਤ ਚੱਲ ਰਿਹਾ ਹੈ। ਇਸੇ ਦੌਰਾਨ ਕੋਈ ਕੰਗਨਾ ਨੂੰ ਪੁੱਛਦਾ ਹੈ ਕਿ ਤੁਹਾਨੂੰ ਇਹ ਗੀਤ ਕਿਸ ਤਰ੍ਹਾਂ ਦਾ ਲੱਗਦਾ ਹੈ ਤਾਂ ਕੰਗਨਾ ਨੇ ਕਿਹਾ, ਮੈਨੂੰ ਇਹ ਪਸੰਦ ਹੈ। ਇਸ ਦੇ ਨਾਲ ਉਹ 'ਫਲਾਇੰਗ ਕਿੱਸ' ਕਰਨ ਲੱਗ ਜਾਂਦੀ ਹੈ।