ਮੁੰਬਈ(ਬਿਊਰੋ)— ਬਾਲੀਵੁੱਡ ਕੁਈਨ ਕੰਗਨਾ ਰਣੌਤ ਲਈ ਬੁਰੀ ਖਬਰ ਹੈ। ਕੰਗਨਾ ਰਣੌਤ ਦੇ ਹੇਅਰ ਸਟਾਈਲਿਸਟ ਬ੍ਰੈਡਨ ਏਲਿਸਟਰ ਡਿੱਗੀ ਨੂੰ ਮੁੰਬਈ ਪੁਲਸ ਨੇ ਗ੍ਰਿਫਤਾਰ ਕੀਤਾ ਹੈ। ਖਬਰਾਂ ਹਨ ਕਿ ਬ੍ਰੈਡਨ 'ਤੇ ਇਕ ਮੁੰਡੇ ਦਾ ਸਰੀਰਕ ਸੋਸ਼ਣ ਕਰਨ ਦੇ ਦੋਸ਼ ਲੱਗੇ ਹਨ। ਇਸ ਵਜ੍ਹਾ ਕਰਕੇ ਉਸ ਦੇ ਖਿਲਾਫ ਮਾਮਲਾ ਦਰਜ ਹੋਇਆ ਹੈ। 42 ਸਾਲ ਦਾ ਬ੍ਰੈਂਡਨ 'ਤੇ ਨਾਬਾਲਗ ਨਾਲ ਬਦਫੈਲੀ ਕਰਨ ਦੇ ਇਲਜ਼ਾਮ ਲੱਗੇ ਹਨ। ਬ੍ਰੈਂਡਨ ਖਿਲਾਫ ਪੌਕਸੋ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਉਸ ਦੀ ਗ੍ਰਿਫਤਾਰੀ ਵੀ ਉਦੋਂ ਹੋਈ ਜਦੋਂ ਉਹ ਕੰਗਨਾ ਦੀ ਅਗਲੀ ਫਿਲਮ 'ਮਣੀਕਰਨੀਕਾ' ਲਈ ਕੰਮ ਕਰ ਰਿਹਾ ਸੀ।
ਖਬਰਾਂ ਹਨ ਕਿ ਮੁੰਡਾ ਬ੍ਰੈਂਡਨ ਨੂੰ ਇਕ ਡੇਟਿੰਗ ਐਪ ਰਾਹੀਂ ਮਿਲੀਆ ਸੀ। ਪੀੜਤ ਨੇ ਐਪ 'ਤੇ ਲਿਖੀਆ ਸੀ ਕਿ ਉਸ ਦੀ ਉਮਰ 16 ਸਾਲ ਹੈ ਅਤੇ ਉਹ ਗੇਅ ਹੈ, ਜਿਸ ਤੋਂ ਬਾਅਦ ਮੁਲਜ਼ਮ ਬ੍ਰੈਂਡਨ ਏਲਿਸਟਰ ਨੇ ਮੁੰਡੇ ਨਾਲ ਦੋਸਤੀ ਕੀਤੀ ਅਤੇ ਉਸ ਨਾਲ ਸੰਬੰਧ ਬਣਾਏ। ਇਕ ਰਾਤ ਪੀੜਤ ਦੀ ਮਾਂ ਨੇ ਉਸ ਨੂੰ ਰੰਗੇ ਹੱਥੀ ਫੜ੍ਹ ਲਿਆ ਅਤੇ ਮਾਮਲਾ ਪੁਲਸ ਕੋਲ ਪਹੁੰਚ ਗਿਆ।
ਇਸ ਤੋਂ ਬਾਅਦ ਪੁਲਸ ਨੇ ਬ੍ਰੈਂਡਨ ਨੂੰ ਕੋਰਟ 'ਚ ਪੇਸ਼ ਕੀਤਾ ਸੀ, ਜਿੱਥੇ ਉਸ ਨੂੰ 3 ਅਕਤੂਬਰ ਤੱਕ ਪੁਲਸ ਹਿਰਾਸਤ 'ਚ ਰੱਖਣ ਨੂੰ ਕਿਹਾ ਗਿਆ। ਪੁਲਸ ਨੇ ਬ੍ਰੈਂਡਨ ਸਾਰੇ ਜ਼ਰੂਰੀ ਕਾਗਜ਼ਾਤ ਵੀ ਜ਼ਬਤ ਕਰ ਲਏ ਹਨ। ਡਿੱਗੀ ਸਾਉਥ ਅਫਰੀਕਾ ਦਾ ਰਹਿਣ ਵਾਲਾ ਹੈ। ਬ੍ਰੈਂਡਨ ਕਈ ਫੈਸ਼ਨ ਸ਼ੋਅ 'ਚ ਕੰਮ ਕਰ ਚੁੱਕਿਆ ਹੈ।