ਮੁੰਬਈ (ਬਿਊਰੋ)— ਬਾਲੀਵੁੱਡ ਸਟਾਰਜ਼ ਆਪਣੀ ਹੈਲਥ ਅਤੇ ਫਿੱਟਨੈੱਸ ਨੂੰ ਲੈ ਕੇ ਕਾਫੀ ਸੁਚੇਤ ਰਹਿੰਦੇ ਹਨ। ਰੋਜ਼ਾਨਾ ਜਿਨ ਜਾਣਾ ਅਤੇ ਕਸਰਤ ਕਰਨੀ ਇਹ ਸਟਾਰ ਕਦੇ ਨਹੀਂ ਭੁੱਲਦੇ। ਇਸੇ ਲਈ ਕਈ ਵਾਰ ਜਿਮ ਦੇ ਬਾਹਰ ਸਪਾਟ ਹੋ ਜਾਂਦੇ ਹਨ, ਜਿਨ੍ਹਾਂ ਦੀਆਂ ਤਸਵੀਰਾਂ ਕਈ ਵਾਰ ਵਾਇਰਲ ਹੋ ਜਾਂਦੀਆਂ ਹਨ।
ਅਜਿਹਾ ਹੀ ਕੁਝ ਬੀਤੇ ਦਿਨ ਹੋਇਆ। ਦਰਅਸਲ ਬੀਤੇ ਦਿਨ ਕੰਗਨਾ ਰਣੌਤ ਮੁੰਬਈ 'ਚ ਆਪਣਾ ਜਿਮ ਸੈਸ਼ਨ ਕੰਪਲੀਟ ਕਰਦੀ ਨਜ਼ਰ ਆਈ, ਜਿਸ ਦੀਆਂ ਕੁਝ ਤਸਵੀਰਾਂ ਮੀਡੀਆ ਨੇ ਆਪਣੇ ਕੈਮਰਿਆਂ 'ਚ ਕੈਦ ਕਰ ਲਈਆਂ।
ਇਸ ਦੌਰਾਨ ਕੰਗਨਾ ਬੇਹੱਦ ਸਟਾਈਲਿਸ਼ ਅਤੇ ਹੌਟ ਲੱਗ ਰਹੀ ਸੀ। ਦੱਸ ਦੇਈਏ ਕਿ ਮਸ਼ਹੂਰ ਨਿਰਦੇਸ਼ਕ ਅਸ਼ਵਿਨੀ ਅਈਅਰ ਤਿਵਾਰੀ ਨੇ ਆਪਣੀ ਅਗਲੀ ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ।
ਫਿਲਮ ਦਾ ਟਾਈਟਲ ਹੈ 'ਪੰਗਾ'। ਇਸ ਤੋਂ ਪਹਿਲਾਂ ਅਸ਼ਵਿਨੀ 'ਨੀਲ ਬੱਟੇ ਸੰਨਾਟਾ' ਤੇ 'ਬਰੇਲੀ ਕੀ ਬਰਫੀ' ਡਾਇਰੈਕਟ ਕਰ ਚੁੱਕੀ ਹੈ।
ਹੁਣ ਉਨ੍ਹਾਂ ਦੀ ਇਸ ਫਿਲਮ (ਪੰਗਾ) ਦਾ ਨਾਂ ਜਿੰਨਾ ਮਜ਼ੇਦਾਰ ਹੈ, ਓਨੀ ਹੀ ਮਜ਼ੇਦਾਰ ਫਿਲਮ ਦੀ ਸਟਾਰ ਕਾਸਟ ਵੀ ਹੈ। ਅਸ਼ਵਿਨੀ ਨੇ ਇਸ ਫਿਲਮ ਲਈ ਕੰਗਨਾ ਰਣੌਤ ਤੇ ਨੀਨਾ ਗੁਪਤਾ ਨੂੰ ਕਾਸਟ ਕੀਤਾ ਹੈ।
ਇਸ ਦੇ ਨਾਲ ਹੀ ਹਾਲ ਹੀ 'ਚ ਬਾਲੀਵੁੱਡ ਡੈਬਿਊ ਕਰਨ ਵਾਲੇ ਪਾਲੀਵੁੱਡ ਸਿੰਗਰ-ਐਕਟਰ ਜੱਸੀ ਗਿੱਲ ਨੂੰ ਵੀ ਇਸ ਫਿਲਮ ਲਈ ਅਪ੍ਰੋਚ ਕੀਤਾ ਗਿਆ ਹੈ।