ਮੁੰਬਈ(ਬਿਊਰੋ)— 'ਕਾਨਸ 2018' 'ਚ ਐਸ਼ਵਰਿਆ ਰਾਏ, ਦੀਪਿਕਾ ਪਾਦੂਕੋਣ, ਸੋਨਮ ਕਪੂਰ ਤੋਂ ਇਲਾਵਾ ਕੰਗਨਾ ਰਣੌਤ ਦੇ ਗਲੈਮਰਸ ਲੁਕਸ ਦੇਖਣ ਨੂੰ ਮਿਲੇ। ਇਨ੍ਹਾਂ ਸਾਰੀਆਂ ਅਭਿਨੇਤਰੀਆਂ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਅਜੇ ਵੀ ਛਾਈਆਂ ਹੋਈਆਂ ਹਨ। ਕਾਨਸ ਤੋਂ ਕੰਗਨਾ ਦੀ ਇਕ ਵੀਡੀਓ ਸਾਹਮਣੇ ਆਈ ਸੀ, ਜਿਸ 'ਚ ਉਹ ਮਸਤ ਡਾਂਸ ਕਰਦੀ ਦਿਖ ਰਹੀ ਸੀ। ਸੋਸ਼ਲ ਮੀਡੀਆ 'ਤੇ ਕੰਗਨਾ ਦੀ ਇਹ ਵੀਡੀਓ ਕਾਫੀ ਵਾਇਰਲ ਹੋਈ ਸੀ।
ਹੁਣ ਕੰਗਨਾ ਦੀ ਉਸ ਵੀਡੀਓ 'ਚ ਪਾਈ ਡਰੈੱਸ ਕਾਫੀ ਚਰਚਾ 'ਚ ਹੈ। ਅਸਲ 'ਚ ਕੰਗਨਾ ਦੀ ਇਹ ਡਰੈੱਸ ਉਸ ਦੀ ਕੀਮਤ ਕਾਰਨ ਚਰਚਾ 'ਚ ਹੈ। ਕੰਗਨਾ ਦੀ ਇਹ ਵੀਡੀਓ ਕਿਸੇ ਨਾਈਟ ਕਲੱਬ ਦੀ ਹੈ, ਜਿੱਥੇ ਉਹ ਪਾਰਟੀ ਕਰਨ ਪੁੱਜੀ ਹੈ। ਕੰਗਨਾ ਪਾਰਟੀ 'ਚ ਫਨੀ ਡਾਂਸ ਮੂਵਸ ਕਰਦੀ ਦਿਖ ਰਹੀ ਹੈ। ਵਾਇਰਲ ਹੋ ਰਹੀ ਇਸ ਵੀਡੀਓ 'ਚ ਉਹ ਡਿਸਕੋ ਲੁੱਕ 'ਚ ਦਿਖ ਰਹੀ ਹੈ। ਪਾਰਟੀ 'ਚ ਕੰਗਨਾ ਰਣੌਤ ਨੇ halpern studio ਦੀ ਪਾਰਟੀ ਕਲੈਕਸ਼ਨ ਦੀ ਡਰੈੱਸ ਪਾਈ ਹੋਈ ਹੈ।
ਉਂਝ ਕੰਗਨਾ ਦੀ ਇਹ ਡਰੈੱਸ ਉਨ੍ਹਾਂ ਦੀ ਕਾਨਸ ਪੇਸ਼ਕਾਰੀ ਦੇ ਅੱਗੇ ਕੁਝ ਖਾਸ ਨਹੀਂ ਹੈ ਪਰ ਇਸ ਦੀ ਕੀਮਤ ਕਾਰਨ ਇਹ ਚਰਚਾ 'ਚ ਬਣੀ ਹੋਈ ਹੈ। halpern studio ਨੇ ਇਸ ਡਰੈੱਸ ਨੂੰ ਇੰਸਟਾਗਰਾਮ 'ਤੇ ਵੀ ਦਿਖਾਇਆ ਹੈ। ਰਿਪੋਰਟਸ ਮੁਤਾਬਕ ਕੰਗਨਾ ਨੇ ਇਸ ਡਿਸਕੋ ਡਰੈੱਸ ਲਈ ਡੇਢ ਲੱਖ ਰੁਪਏ ਤੋਂ ਵੀ ਵੱਧ ਰੁਪਏ ਖਰਚ ਕੀਤੇ ਹਨ। ਇਸ ਡਰੈੱਸ ਦੀ ਕੀਮਤ 1,89,160 ਰੁਪਏ ਦੱਸੀ ਜਾ ਰਹੀ ਹੈ।