ਜਲੰਧਰ (ਵੈੱਬ ਡੈਸਕ) - ਬਾਲੀਵੁੱਡ ਗਾਇਕਾ ਕਨਿਕਾ ਕਪੂਰ ਲਖਨਊ ਦੇ ਪੀ.ਜੀ.ਆਈ ਹਸਪਤਾਲ ਵਿਚ 20 ਮਾਰਚ ਤੋਂ ਭਾਰਤੀ ਹੈ ਪਰ ਹੁਣ ਤਕ ਉਸਨੂੰ 'ਕੋਰੋਨਾ' ਵਰਗੀ ਗੰਭੀਰ ਬਿਮਾਰੀ ਤੋਂ ਛੁਟਕਾਰਾ ਨਹੀਂ ਮਿਲਿਆ ਹੈ। ਇਸੇ ਦੌਰਾਨ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ ਕਿ ਕਨਿਕਾ ਦੇ ਕੋਰੋਨਾ ਦੀ ਪੰਜਵੀਂ ਰਿਪੋਰਟ ਵੀ ਪਾਜ਼ੀਟਿਵ ਆਈ ਹੈ ਪਰ ਫੈਨਜ਼ ਨੂੰ ਘਬਰਾਉਣ ਦੀ ਲੋੜ ਨਹੀਂ ਹੈ। ਪੀ.ਜੀ.ਆਈ ਦੇ ਡਾਇਰੈਕਟਰ ਆਰ.ਕੇ. ਧੀਮਾਨ ਦਾ ਕਹਿਣਾ ਹੈ ਕਿ ਕਨਿਕਾ ਦੀ ਸਿਹਤ ਵਿਚ ਕਾਫੀ ਸੁਧਾਰ ਹੈ। ਉਸ ਵਿਚ ਬਿਮਾਰੀ ਦੇ ਗੰਭੀਰ ਲੱਛਣ ਨਹੀਂ ਦਿਸ ਰਹੇ। ਕਨਿਕਾ ਨੌਰਮਲ ਹੈ ਹਾਲਾਂਕਿ ਉਸਦਾ ਟੈਸਟ ਹਾਲੇ ਤੱਕ ਪਾਜ਼ੀਟਿਵ ਹੈ।
ਦੱਸਣਯੋਗ ਹੈ ਕਿ ਕਨਿਕਾ ਕਪੂਰ ਕਈ ਦਿਨਾਂ ਤੋਂ ਹਸਪਤਾਲ ਵਿਚ ਭਾਰਤੀ ਹੈ ਅਤੇ ਹੁਣ ਉਸ ਨੂੰ ਆਪਣੇ ਬੱਚਿਆਂ ਤੇ ਪਰਿਵਾਰ ਦੀ ਯਾਦ ਸਤਾ ਰਹੀ ਹੈ। ਕੁਝ ਸਮੇਂ ਪਹਿਲਾਂ ਹੀ ਕਨਿਕਾ ਨੇ ਇਕ ਪੋਸਟ ਸਾਂਝੀ ਕੀਤੀ ਸੀ, ਜਿਸ ਵਿਚ ਉਸਨੇ ਲਿਖਿਆ ਸੀ ਕਿ, ''ਸੌਣ ਜਾ ਰਹੀ ਹਾਂ। ਤੁਹਾਨੂੰ ਸਭ ਨੂੰ ਆਪਣਾ ਪਿਆਰ ਭੇਜ ਰਹੀ ਹਾਂ। ਸੇਫ ਰਿਹਾ। ਤੁਹਾਡਾ ਸਭ ਦਾ ਮੇਰੀ ਚਿੰਤਾ ਕਰਨ ਲਈ ਧੰਨਵਾਦ ਪਰ ਮੈਂ ਆਈ.ਸੀ.ਯੂ. ਵਿਚ ਨਹੀਂ ਹਾਂ। ਆਪਣੇ ਬੱਚਿਆਂ ਅਤੇ ਪਰਿਵਾਰ ਕੋਲ ਆਉਣ ਦਾ ਇੰਤਜ਼ਾਰ ਹੈ। ਮੈਂ ਉਨ੍ਹਾਂ ਨੂੰ ਬਹੁਤ ਯਾਦ ਕਰ ਰਹੀ ਹਾਂ।''