ਨਵੀਂ ਦਿੱਲੀ— ਭਾਰਤੀ ਕਾਮੇਡੀਅਨ ਕਪਿਲ ਸ਼ਰਮਾ ਲਈ ਇਕ ਹੋਰ ਮਾੜੀ ਖਬਰ ਸਾਹਮਣੇ ਆਈ ਹੈ। ਸੂਤਰਾਂ ਅਨੁਸਾਰ ਚੈਨਲ 'ਦਿ ਕਪਿਲ ਸ਼ਰਮਾ ਸ਼ੋਅ' ਨੂੰ ਬੰਦ ਕਰਨ ਵਾਲਾ ਹੈ। ਸੋਨੀ ਟੀ. ਵੀ. ਨੇ ਹਾਲ ਹੀ 'ਚ ਪਹਿਰੇਦਾਰ ਪੀਆ ਕੀ' ਨੂੰ ਅਚਾਨਕ ਬੰਦ ਕਰ ਦਿੱਤਾ ਹੈ। ਚੈਨਲ ਸਤੰਬਰ ਦੇ ਅਖੀਰ ਤਕ ਸੁਪਰਹਿੱਟ ਰਿਐਲਿਟੀ ਸ਼ੋਅ 'ਸੁਪਰ ਡਾਂਸਰਜ਼-2' ਵੀ ਲਿਆਉਣ ਵਾਲਾ ਹੈ। ਇਸ ਸ਼ੋਅ ਦੇ ਆਉਣ ਤੋਂ ਬਾਅਦ ਚੈਨਲ ਕੁਝ ਸਮੇਂ ਲਈ ਦਿ ਕਪਿਲ ਸ਼ਰਮਾ ਸ਼ੋਅ ਬੰਦ ਕਰ ਦੇਵੇਗਾ। ਚੈਨਲ ਕਪਿਲ ਨੂੰ ਉਸ ਦੇ ਸ਼ੋਅ 'ਚ ਤਬਦੀਲੀ ਕਰਨ ਤੇ ਆਪਣੀ ਸਿਹਤ ਨੂੰ ਠੀਕ ਕਰਨ ਲਈ ਸਮਾਂ ਦੇਣਾ ਚਾਹੁੰਦਾ ਹੈ।
ਇਕ ਸੂਤਰ ਨੇ ਦੱਸਿਆ ਕਿ 8 ਵਜੇ 'ਦਿ ਡਰਾਮਾ ਕੰਪਨੀ' ਦੀ ਜਗ੍ਹਾ 'ਸੁਪਰ ਡਾਂਸਰਜ਼' ਆਏਗਾ ਤੇ 9 ਵਜੇ 'ਦਿ ਡਰਾਮਾ ਕੰਪਨੀ' ਆਏਗਾ। ਜਦ ਕਪਿਲ ਠੀਕ ਹੋ ਕੇ ਵਾਪਸ ਆਏਗਾ ਤਾਂ ਉਨ੍ਹਾਂ ਦੇ ਸ਼ੋਅ ਨੂੰ 10 ਵਜੇ ਦਾ ਟਾਈਮ ਦਿੱਤਾ ਜਾਵੇਗਾ। ਚੈਨਲ ਦਾ ਕਹਿਣਾ ਹੈ ਕਿ ਉਹ ਕਪਿਲ ਤੋਂ ਪਿੱਛਾ ਨਹੀਂ ਛੁਡਵਾ ਰਹੇ, ਸਗੋਂ ਉਸ ਨੂੰ ਠੀਕ ਹੋਣ ਦਾ ਸਮਾਂ ਦੇ ਰਹੇ ਹਨ।
ਦੱਸਣਯੋਗ ਹੈ ਕਿ ਪਿਛਲੇ ਕੁਝ ਦਿਨਾਂ ਤੋਂ ਕਪਿਲ ਦਾ ਸ਼ੋਅ ਲਗਾਤਾਰ ਵਿਵਾਦਾਂ 'ਚ ਬਣਿਆ ਰਿਹਾ। ਇਸ ਸ਼ੋਅ ਤੋਂ ਕਈ ਬਾਲੀਵੁੱਡ ਸਿਤਾਰਿਆਂ ਨੇ ਦੂਰੀ ਬਣਾ ਲਈ। ਹਰ ਵਾਰ ਕਪਿਲ ਦੇ ਸ਼ੋਅ 'ਚ ਆਏ ਬਾਲੀਵੁੱਡ ਸਿਤਾਰਿਆਂ ਨੂੰ ਖਾਲੀ ਹੱਥ ਹੀ ਵਾਪਸ ਪਰਤਨਾ ਪਿਆ।