ਮੁੰਬਈ (ਬਿਊਰੋ)— ਸੁਨੀਲ ਗਰੋਵਰ ਨਾਲ ਲੜਾਈ ਤੋਂ ਬਾਅਦ ਕਪਿਲ ਸ਼ਰਮਾ ਲਗਾਤਾਰ ਕਿਸੇ ਨਾ ਕਿਸੇ ਵਿਵਾਦ ਕਾਰਨ ਸੁਰਖੀਆਂ 'ਚ ਆ ਹੀ ਜਾਂਦੇ ਹਨ ਪਰ ਹੁਣ ਉਨ੍ਹਾਂ ਦੇ ਸੁਰਖੀਆਂ 'ਚ ਆਉਣ ਦੀ ਵਜ੍ਹਾ ਕੋਈ ਵਿਵਾਦ ਨਹੀਂ ਸਗੋਂ ਉਨਾਂ ਦਾ ਕੰਮ ਹੈ। ਕਪਿਲ ਦੇ ਫੈਨਜ਼ ਲਈ ਇੱਕ ਬੁਰੀ ਖਬਰ ਹੈ ਕਿ ਕਪਿਲ ਇਸ ਸਾਲ ਦੇ ਅਖੀਰ ਤੱਕ ਟੀ. ਵੀ. 'ਤੇ ਵਾਪਸੀ ਨਹੀਂ ਕਰ ਸਕਦੇ।
ਸੋਨੀ ਟੀ. ਵੀ. 'ਤੇ ਪਹਿਲਾਂ ਹੀ ਕਾਫੀ ਰਿਐਲਿਟੀ ਸ਼ੋਅ ਸ਼ੁਰੂ ਹੋਣ ਵਾਲੇ ਹਨ। ਇਨ੍ਹਾਂ 'ਚੋਂ ਸਭ ਤੋਂ ਵੱਧ ਇੰਤਜ਼ਾਰ ਸਲਮਾਨ ਦੇ 'ਦਸ ਕਾ ਦਮ' ਦੇ ਤੀਜੇ ਸੀਜ਼ਨ ਦਾ ਹੈ। ਇਸ ਤੋਂ ਇਲਾਵਾ 'ਇੰਡੀਅਨ ਆਈਡਲ', 'ਕੌਣ ਬਨੇਗਾ ਕਰੋੜਪਤੀ' ਤੇ 'ਕਾਮੇਡੀ ਸਰਕਸ' ਜਿਹੇ ਸ਼ੋਅ ਸੋਨੀ 'ਤੇ ਜਲਦੀ ਹੀ ਸ਼ੁਰੂ ਹੋਣ ਵਾਲੇ ਹਨ। ਸੋਨੀ ਨੇ ਆਉਣ ਵਾਲੇ 6 ਮਹੀਨਿਆਂ ਦੇ ਸ਼ੋਅਜ਼ ਦਾ ਸਲੌਟ ਪਹਿਲਾਂ ਹੀ ਤਿਆਰ ਕਰ ਲਿਆ ਹੈ।
ਸਿਰਫ ਇਹੀ ਨਹੀਂ ਸੋਨੀ ਆਪਣੇ ਡਾਂਸ ਰਿਐਲਿਟੀ ਸ਼ੋਅ 'ਸੁਪਰ ਡਾਂਸਰ' ਦੀ ਲੋਕਪ੍ਰਿਯਤਾ ਨੂੰ ਦੇਖਦੇ ਹੋਏ ਇਸ ਦਾ ਅਗਲਾ ਸੀਜ਼ਨ ਵੀ ਜਲਦੀ ਹੀ ਲੈ ਕੇ ਆਉਣ ਦੀ ਤਿਆਰੀ ਕਰ ਰਿਹਾ ਹੈ। ਅਜਿਹੇ 'ਚ ਕਪਿਲ ਦੇ ਸ਼ੌਅ ਲਈ ਸਲੌਟ ਕੱਢਣਾ ਚੈਨਲ ਲਈ ਥੋੜ੍ਹਾ ਔਖਾ ਹੋ ਸਕਦਾ ਹੈ। ਕਪਿਲ ਨੂੰ ਹੁਣ 2019 ਦਾ ਇੰਤਜ਼ਾਰ ਨਾ ਚਾਹੁੰਦੇ ਹੋਏ ਵੀ ਕਰਨਾ ਹੀ ਪਵੇਗਾ।
ਜ਼ਿਕਰਯੋਗ ਹੈ ਕਿ ਕਪਿਲ ਦਾ ਕਮਬੈਕ ਸ਼ੋਅ 'ਫੈਮਿਲੀ ਟਾਈਮ ਵਿਦ ਕਪਿਲ ਸ਼ਰਮਾ' ਫਸਟ ਐਪੀਸੋਡ ਤੋਂ ਹੀ ਦਰਸ਼ਕਾਂ ਤੇ ਚੈਨਲ ਦੋਹਾਂ ਦੀਆਂ ਉਮੀਦਾਂ ਨੂੰ ਪੂਰਾ ਨਹੀਂ ਕਰ ਸਕਿਆ। ਇਸ ਕਰਕੇ ਸ਼ੋਅ ਲਈ ਕਪਿਲ ਦਾ ਕਾਨਟ੍ਰੈਕਟ ਰਿਨਿਊ ਨਹੀਂ ਕੀਤਾ ਗਿਆ। ਹਾਲ ਹੀ 'ਚ ਚੈਨਲ ਦੇ ਬਿਜ਼ਨੈੱਸ ਹੈੱਡ ਦਾਨਿਸ਼ ਖਾਨ ਨੇ ਮੀਡੀਆ ਵੱਲੋਂ ਸਵਾਲ ਕਰਨ 'ਤੇ ਕਿਹਾ, ''ਕਪਿਲ ਦਾ ਸਿਹਤ ਖਰਾਬ ਹੋਣੀ ਬੇਹੱਦ ਅਫਸੋਸ ਦੀ ਗੱਲ ਹੈ।
ਇਸ ਕਰਕੇ ਕਪਿਲ ਨੂੰ ਬ੍ਰੇਕ ਲੈਣੀ ਪਈ। ਕਪਿਲ ਪਹਿਲਾਂ ਫਿਜ਼ੀਕਲੀ ਤੇ ਮੈਂਟਲੀ ਠੀਕ ਹੋ ਜਾਣ। ਚੈਨਲ ਨੂੰ ਉਨ੍ਹਾਂ ਨਾਲ ਕੰਮ ਕਰਕੇ ਖੁਸ਼ੀ ਹੀ ਹੋਵੇਗੀ ਪਰ ਚੈਨਲ ਅਜੇ ਮਾਰਚ 2019 ਤੱਕ ਕਪਿਲ ਦਾ ਕਾਨਟ੍ਰੈਕਟ ਰਿਨਿਊ ਕਰਨ ਦੇ ਮੂਡ 'ਚ ਨਹੀਂ।