ਮੁੰਬਈ (ਬਿਊਰੋ)— ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਜੋ ਹਾਲ ਹੀ 'ਚ ਮੁੰਬਈ ਏਅਰਪੋਰਟ 'ਤੇ ਨਜ਼ਰ ਆਏ ਸਨ। ਉਹ ਅੱਜਕਲ ਆਪਣੀ ਗਰਲਫਰੈਂਡ ਗਿੰਨੀ ਨਾਲ ਗ੍ਰੀਸ 'ਚ ਛੁੱਟੀਆ ਮਨਾ ਰਹੇ ਹਨ। ਕੁਝ ਦਿਨ ਪਹਿਲਾਂ ਜਦੋਂ ਉਹ ਮੁੰਬਈ ਏਅਰਪੋਰਟ 'ਤੇ ਦਿਖਾਈ ਦਿੱਤੇ ਸਨ ਤਾਂ ਉਨ੍ਹਾਂ ਦਾ ਭਾਰ ਕਾਫੀ ਵਧਿਆ ਨਜ਼ਰ ਆ ਰਿਹਾ ਸੀ। ਉਂਝ ਆਪਣੇ ਭਾਰ ਬਾਰੇ ਕਪਿਲ ਨੇ ਸੋਸ਼ਲ ਮੀਡੀਆ ਰਾਹੀਂ ਪ੍ਰਸ਼ੰਸਕਾ ਨੂੰ ਦੱਸਿਆ ਸੀ ਕਿ ਉਹ ਆਪਣੀ ਲਾਈਫਸਟਾਈਲ ਬਦਲਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਪਰ ਫਿਲਹਾਲ ਉਹ ਗ੍ਰੀਸ 'ਚ ਹਨ। ਸੂਤਰਾਂ ਮੁਤਾਬਕ ਉਹ ਕੁਝ ਹਫਤੇ ਉੱਥੇ ਹੀ ਰਹਿਣਗੇ। ਦੋ ਮਹੀਨਿਆ ਦੇ ਬ੍ਰੇਕ ਤੋਂ ਬਾਅਦ ਕਪਿਲ ਸੋਸ਼ਲ ਮੀਡੀਆ 'ਤੇ ਵਾਪਿਸ ਆ ਗਏ ਹਨ। ਪਿੱਛਲੇ ਇਕ ਸਾਲ ਤੋਂ ਕਪਿਲ ਵਿਵਾਦਾਂ 'ਚ ਫੰਸੇ ਹੋਏ ਹਨ। ਪਿਛਲੇ ਸਾਲ ਹੀ ਉਨ੍ਹਾਂ ਨੇ ਗਿੰਨੀ ਨੂੰ ਸਾਰਿਆਂ ਸਾਹਮਣੇ ਆਪਣੀ ਗਰਲਫਰੈਂਡ ਦੇ ਰੂਪ 'ਚ ਜਾਣ-ਪਛਾਣ ਕਰਵਾਈ ਸੀ। ਇਸ ਸਾਲ ਕਪਿਲ ਦਾ ਨਵਾਂ ਸ਼ੋਅ 'ਫੈਮਿਲੀ ਟਾਈਮ ਵਿਦ ਕਪਿਲ ਸ਼ਰਮਾ' ਸ਼ੁਰੂ ਹੋਇਆ ਸੀ, ਪਰ ਕੁਝ ਐਪੀਸੋਡ ਤੋਂ ਬਾਅਦ ਉਹ ਬੰਦ ਹੋ ਗਿਆ।