ਜਲੰਧਰ(ਬਿਊਰੋ) : ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਤੇ ਗਿੰਨੀ ਚਤਰਥ ਦੇ ਵਿਆਹ ਦਾ ਜਲੰਧਰ ਤੇ ਅੰਮ੍ਰਿਤਸਰ 'ਚ ਫੈਨਜ਼ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। 12 ਦਸੰਬਰ ਨੂੰ ਗਿੰਨੀ-ਕਪਿਲ ਹਮੇਸ਼ਾ ਲਈ ਇਕ-ਦੂਜੇ ਦੇ ਹੋ ਜਾਣਗੇ। ਦੱਸ ਦੇਈਏ ਕਿ ਗਿੰਨੀ ਚਤਰਥ ਦੇ ਘਰ ਸ਼ੁੱਕਰਵਾਰ ਨੂੰ 'ਸ੍ਰੀ ਅਖੰਡ ਪਾਠ ਸਾਹਿਬ' ਦਾ ਪਾਠ ਰੱਖਿਆ ਗਿਆ ਹੈ। ਗਿੰਨੀ ਦੇ ਘਰ ਨੂੰ ਦੁਲਹਨ ਵਾਂਗ ਸ਼ਿੰਗਾਰਿਆਂ ਗਿਆ ਹੈ। ਘਰ ਨੂੰ ਰੰਗ ਬਰੰਗੀਆਂ ਲਾਈਟਾਂ ਨਾਲ ਸਜਾਇਆ ਗਿਆ ਹੈ। ਜੋ ਤੁਸੀਂ ਵੀਡੀਓ 'ਚ ਦੇਖ ਸਕਦੇ ਹੋ।
ਦੱਸਣਯੋਗ ਹੈ ਕਿ ਗਿੰਨੀ ਚਤਰਥ ਦੇ ਘਰਵਾਲਿਆਂ ਨੇ ਸੁਰੱਖਿਆ ਦੇ ਪੁਖਤਾ ਇੰਤਜ਼ਾਮ ਕੀਤੇ ਹਨ। 10 ਬਾਊਂਸਰ ਘਰ ਦੀ ਪਿਛਲੀ-ਅਗਲੀ ਗਲੀ 'ਚ ਤਾਇਨਾਤ ਕੀਤੇ ਹਨ, ਜੋ ਹਰ ਆਉਣ-ਜਾਣ ਵਾਲੇ ਆਦਮੀ ਤੋਂ ਪੁੱਛਗਿੱਛ ਕਰ ਰਹੇ ਹਨ। ਕਪਿਲ ਸ਼ਰਮਾ ਤੇ ਗਿੰਨੀ ਚਤਰਥ ਦੇ ਵਿਆਹ ਨੂੰ ਲੈ ਕੇ ਸਿਕਓਰਿਟੀ ਪੂਰੀ ਤਰ੍ਹਾਂ ਟਾਈਟ ਰੱਖੀ ਗਈ ਹੈ। ਰਿਸ਼ਤੇਦਾਰਾਂ ਤੇ ਦੋਸਤਾਂ ਨੂੰ ਹੀ ਵਿਆਹ ਕਾਰਡ ਦਿੱਤਾ ਗਿਆ ਹੈ। ਕਪਿਲ ਸ਼ਰਮਾ ਦੁਆਰਾ ਭੇਜੇ ਗਏ ਕਾਰਡ 'ਤੇ ਬਾਰ ਕੋਰਡ ਹੈ। ਐਂਟਰੀ ਗੇਟ 'ਤੇ ਬਾਰ ਕੋਰਡ ਸਕੈਨ ਹੋਵੇਗਾ। ਗਿੰਨੀ ਚਤਰਥ ਦੇ ਪਰਿਵਾਰ ਦੇ ਕਾਰਡ 'ਤੇ ਕੋਈ ਬਾਰ ਕੋਰਡ ਨਹੀਂ ਹੈ।
ਖਬਰਾਂ ਹਨ ਕਿ ਗਿੰਨੀ ਚਤਰਥ ਤੇ ਕਪਿਲ ਸ਼ਰਮਾ ਦੇ ਵਿਆਹ 'ਚ ਪੰਜਾਬੀ ਸਿੰਗਰਾਂ ਦਾ ਅਖਾੜਾ ਲੱਗੇਗਾ। 12 ਦਸੰਬਰ ਨੂੰ ਪੰਜਾਬੀ ਗਾਇਕ ਗੁਰਦਾਸ ਮਾਨ ਆਪਣੇ ਸੁਪਰਹਿੱਟ ਗੀਤਾਂ ਦੀ ਪੇਸ਼ਕਾਰੀ ਦੇਣਗੇ। ਇਸ ਤੋਂ ਇਲਾਵਾ ਗਾਇਕਾ ਰਿੱਚਾ ਸ਼ਰਮਾ ਵੀ ਪਰਫਾਰਮੈਂਸ ਕਰੇਗੀ। ਹਾਲਾਂਕਿ ਵਿਆਹ ਤੋਂ ਬਾਅਦ 14 ਦਸੰਬਰ ਨੂੰ ਹੋਣ ਵਾਲੇ ਰਿਸੈਪਸ਼ਨ 'ਚ ਦਲੇਰ ਮਹਿੰਦੀ ਆਪਣੇ ਹਿੱਟ ਨੰਬਰ ਨਾਲ ਮਹਿਮਾਨਾਂ ਦਾ ਸਵਾਗਤ ਕਰਨਗੇ।