ਮੁੰਬਈ(ਬਿਊਰੋ)— ਗੁਜ਼ਰੇ ਜ਼ਮਾਨੇ ਦੇ ਐਕਟਰ ਸ਼ਸ਼ੀ ਕਪੂਰ ਦਾ ਬੀਤੇ ਦਿਨੀਂ ਲੰਬੀ ਬੀਮਾਰੀ ਤੋਂ ਬਾਅਦ ਦਿਹਾਂਤ ਹੋ ਗਿਆ। ਉਹ 79 ਸਾਲ ਦੇ ਸਨ। ਉਂਝ ਤਾਂ ਕਪੂਰ ਖਾਨਦਾਨ ਦੇ ਬਾਰੇ 'ਚ ਸਾਰੇ ਲੋਕ ਜਾਣਦੇ ਹਨ ਤੇ ਇਨ੍ਹਾਂ ਦੇ ਕਈ ਮੈਂਬਰਜ਼ ਨੂੰ ਦੇਖਿਆ ਵੀ ਹੈ ਪਰ ਇਨ੍ਹਾਂ 'ਚੋਂ ਕੁਝ ਅਜਿਹੇ ਵੀ ਹਨ, ਜਿਨ੍ਹਾਂ ਨੂੰ ਘੱਟ ਹੀ ਲੋਕਾਂ ਨੇ ਦੇਖਿਆ ਹੈ। ਅੱਜ ਤੁਹਾਨੂੰ ਇਸ ਪੈਕੇਜ ਰਾਹੀਂ ਕਪੂਰ ਖਾਨਦਾਨ ਦੀਆਂ ਨੂੰਹਾਂ ਦੀਆਂ ਤਸਵੀਰਾਂ ਦਿਖਾਉਣ ਜਾ ਰਹੇ ਹਾਂ।
ਪ੍ਰਿਥਵੀਰਾਜ ਕਪੂਰ ਤੇ ਰਾਮਸਰਨੀ
ਪ੍ਰਿਥਵੀਰਾਜ ਕਪੂਰ ਖਾਨਦਾਨ ਦੇ ਅਜਿਹੇ ਪਹਿਲੇ ਵਿਅਕਤੀ ਹਨ, ਜਿਸ ਨੇ ਐਕਟਿੰਗ ਦੀ ਫੀਲਡ 'ਚ ਕਦਮ ਰੱਖਿਆ। ਪ੍ਰਿਥਵੀਰਾਜ ਕਪੂਰ ਨੇ 1929 'ਚ ਹਿੰਦੀ ਸਿਨੇਮਾ 'ਚ ਕਦਮ ਰੱਖਿਆ ਸੀ। ਉਨ੍ਹਾਂ ਨੇ 1923 'ਚ ਰਾਮਸਰਨੀ ਮਹਿਰਾ ਨਾਲ ਵਿਆਹ ਕੀਤਾ ਸੀ। ਦੋਹਾਂ ਦੇ 4 ਬੱਚੇ ਸਨ— ਰਾਜ ਕਪੂਰ, ਸ਼ੰਮੀ ਕਪੂਰ, ਸ਼ਸ਼ੀ ਕਪੂਰ ਤੇ ਬੇਟੀ ਉਰਮੀ।
ਰਾਜ ਕਪੂਰ ਤੇ ਕ੍ਰਿਸ਼ਣਾ ਮਲਹੋਤਰਾ
ਰਾਜ ਕਪੂਰ ਦੀ ਪਤਨੀ ਹੈ ਕ੍ਰਿਸ਼ਣਾ ਮਲਹੋਤਰਾ। ਦੋਹਾਂ ਦਾ ਵਿਆਹ 1946 'ਚ ਹੋਇਆ ਸੀ। ਦੋਹਾਂ ਦੇ ਪੰਜ ਬੱਚੇ ਹਨ ਰਣਧੀਰ ਕਪੂਰ, ਰਿਸ਼ੀ ਕਪੂਰ, ਰਾਜੀਵ ਕਪੂਰ, ਰੀਮਾ ਤੇ ਰਿਤੂ। ਰਾਜ ਕਪੂਰ ਦੀ ਪਤਨੀ ਫਿਲਮਾਂ ਤੋਂ ਦੂਰ ਹੀ ਰਹੀ ਸੀ। ਉੱਥੇ ਉਨ੍ਹਾਂ ਦੇ ਤਿੰਨਾਂ ਬੇਟਿਆਂ ਨੇ ਐਕਟਿੰਗ 'ਚ ਕਰੀਅਰ ਬਣਾਇਆ।
ਸ਼ੰਮੀ ਕਪੂਰ, ਗੀਤਾ ਬਾਲੀ ਤੇ ਨੀਲਾ ਦੇਵੀ
ਸ਼ੰਮੀ ਕਪੂਰ ਦੀ ਪਤਨੀ ਦਾ ਨਾਂ ਹੈ ਗੀਤਾ ਬਾਲੀ। ਇਨ੍ਹਾਂ ਦਾ ਵਿਆਹ 1955 'ਚ ਹੋਈ ਸੀ। ਹਾਲਾਂਕਿ ਗੀਤਾ ਬਾਲੀ ਦੀ ਮੌਤ ਤੋਂ ਬਾਅਦ ਉਨ੍ਹਾਂ ਨੇ ਨੀਲਾ ਦੇਵੀ ਨਾਲ ਵਿਆਹ ਕੀਤਾ ਸੀ। ਸ਼ੰਮੀ-ਗੀਤਾ ਦੇ ਦੋ ਬੱਚੇ ਸਨ ਆਦਿੱਤਿਆ ਰਾਜ ਕਪੂਰ ਤੇ ਕੰਚਨ।
ਸ਼ਸ਼ੀ ਕਪੂਰ ਤੇ ਜੈਨੀਫਰ ਕੇਂਡਲ
ਸ਼ਸ਼ੀ ਕਪੂਰ ਤੇ ਜੈਨੀਫਰ ਨੇ 1958 'ਚ ਵਿਆਹ ਕੀਤਾ ਸੀ। ਦੋਹਾਂ ਦੇ ਤਿੰਨ ਬੱਚੇ ਹਨ— ਕਰਨ ਕਪੂਰ, ਕੁਣਾਲ ਕਪੂਰ ਤੇ ਸੰਜਨਾ ਕਪੂਰ। ਸ਼ਸ਼ੀ ਕਪੂਰ ਤੇ ਜੈਨੀਫਰ ਨੇ ਕੁਝ ਫਿਲਮਾਂ 'ਚ ਇੱਕਠੇ ਕੰਮ ਕੀਤਾ। ਹਾਲਾਂਕਿ ਇਨ੍ਹਾਂ ਦੇ ਬੱਚੇ ਫਿਮਲਾਂ 'ਚ ਨਾਂ ਨਹੀਂ ਕਮਾ ਪਾਏ।
ਰਣਧੀਰ ਕਪੂਰ ਤੇ ਬਬੀਤਾ
ਰਣਧੀਰ ਕਪੂਰ ਤੇ ਬਬੀਤਾ ਨੇ 1971 'ਚ ਵਿਆਹ ਕੀਤਾ ਸੀ। ਦੋਹਾਂ ਦੀਆਂ 2 ਬੇਟੀਆਂ ਹਨ ਕਰਿਸ਼ਮਾ ਕਪੂਰ ਤੇ ਕਰੀਨਾ ਕਪੂਰ। ਉਨ੍ਹਾਂ ਦੀਆਂ ਦੋ ਬੇਟੀਆਂ ਨੇ ਫਿਲਮਾਂ 'ਚ ਖੂਬ ਨਾਂ ਕਮਾਇਆ। ਹਾਲਾਂਕਿ ਰਣਧੀਰ ਤੇ ਬਬੀਤਾ ਫਿਲਮਾਂ 'ਚ ਉਨੇ ਮਸ਼ਹੂਰ ਨਹੀਂ ਹੋਏ। ਭਾਵੇਂ ਰਣਧੀਰ ਤੇ ਬਬੀਤਾ ਵੱਖ ਹੋ ਚੁੱਕੇ ਹਨ ਪਰ ਉਨ੍ਹਾਂ ਨੇ ਤਲਾਕ ਨਹੀਂ ਲਿਆ ਹੈ।
ਰਿਸ਼ੀ ਕਪੂਰ ਤੇ ਨੀਤੂ ਸਿੰਘ
ਰਿਸ਼ੀ-ਨੀਤੂ ਨੇ 1980 'ਚ ਵਿਆਹ ਕੀਤਾ ਸੀ। ਦੋਹਾਂ ਦੇ ਦੋ ਬੱਚੇ ਰਣਬੀਰ ਕਪੂਰ ਤੇ ਰਿਧੀਮਾ ਕਪੂਰ ਹੈ। ਰਣਬੀਰ ਤਾਂ ਫਿਮਲਾਂ 'ਚ ਐਕਟਿਵ ਹੈ ਪਰ ਰਿਧੀਮਾ ਨੇ ਕਦੇ ਵੀ ਫਿਲਮਾਂ 'ਚ ਰੁਚੀ ਨਹੀਂ ਦਿਖਾਈ।
ਰਾਜੀਵ ਤੇ ਆਰਤੀ ਸਬਰਵਾਲ
ਰਾਜੀਵ ਕਪੂਰ ਤੇ ਆਰਤੀ ਸਬਰਵਾਲ ਦਾ ਵਿਆਹ 2001 'ਚ ਹੋਇਆ ਸੀ। ਹਾਲਾਂਕਿ ਦੋਹਾਂ ਦਾ ਤਲਾਕ ਹੋ ਚੁੱਕਾ ਹੈ। ਆਰਤੀ ਆਰਕੀਟੈਕਟ ਹੈ।
ਆਦਿੱਤਿਆ ਰਾਜ ਕਪੂਰ ਤੇ ਪ੍ਰੀਤੀ
ਸ਼ੰਮੀ ਕਪੂਰ ਦੇ ਬੇਟੇ ਆਦਿੱਤਿਆ ਰਾਜ ਕਪੂਰ ਨੇ ਪ੍ਰੀਤੀ ਤੋਂ 1982 'ਚ ਵਿਆਹ ਕੀਤਾ ਸੀ। ਉਨ੍ਹਾਂ ਦਾ ਵਿਆਹ ਉਨ੍ਹਾਂ ਦੇ ਅਧਿਆਤਮਕ ਗੁਰੂ ਹੈਜਰਾਬਾਦ ਬਾਬਾ ਨੇ ਕਰਵਾਇਆ ਸੀ। ਪ੍ਰੀਤੀ ਲਾਈਮਲਾਈਟ ਤੋਂ ਇਕਦਮ ਦੂਰ ਰਹਿੰਦੀ ਹੈ। ਦੋਹਾਂ ਦੇ ਦੋ ਬੱਚੇ ਵਿਸ਼ਵ ਪ੍ਰਤਾਪ ਕਪੂਰ, ਤੁਲਸੀ ਕਪੂਰ ਹੈ। ਆਦਿੱਤਿਆ ਨੇ 'ਡੌਂਟ ਸਟਾਪ ਡ੍ਰੀਮਿੰਗ ' (2007), 'ਸਾਂਬਰ ਸਾਲਸਾ' (2007) ਫਿਲਮਾਂ 'ਚ ਕੰਮ ਕੀਤਾ ਹੈ।
ਕਰਨ ਕਪੂਰ ਤੇ ਲੋਰਨਾ ਕਪੂਰ
ਕਰਨ ਕਪੂਰ ਦੀ ਪਤਨੀ ਦਾ ਨਾਂ ਹੈ ਲੋਰਨਾ। ਦੋਹਾਂ ਦੇ ਦੋ ਬੱਚੇ ਹਨ ਆਲੀਆ ਕਪੂਰ ਤੇ ਜਾਰਚ ਕਪੂਰ। ਕਰਨ-ਲੋਰਨਾ ਲੰਡਨ 'ਚ ਰਹਿੰਦੇ ਹਨ ਤੇ ਬਿਜ਼ਨੈੱਸ ਕਰਦੇ ਹਨ।
ਕੁਣਾਲ ਕਪੂਰ ਤੇ ਸ਼ੀਨਾ ਸਿੱਪੀ
ਕੁਣਾਲ ਕਪੂਰ ਦੀ ਪਤਨੀ ਦਾ ਨਾਂ ਹੈ ਸ਼ੀਨਾ ਸਿੱਪੀ, ਜੋ ਫਿਲਮਕਾਰ ਰਮੇਸ਼ ਸਿੱਪੀ ਦੇ ਬੇਟੀ ਹੈ। ਕੁਣਾਲ ਤੇ ਸ਼ੀਨਾ ਦੇ ਦੋ ਬੱਚੇ ਹਨ- ਜਾਹਨ ਤੇ ਸਾਇਰਾ। ਹਾਲਾਂਕਿ ਦੋਹਾਂ ਦਾ ਤਲਾਕ ਹੋ ਚੁੱਕਾ ਹੈ।