ਜਲੰਧਰ (ਬਿਊਰੋ) : ਵੱਖ-ਵੱਖ ਗੀਤਾਂ ਨਾਲ ਲੋਕਾਂ ਦੇ ਦਿਲਾਂ ਨੂੰ ਲੁੱਟਣ ਵਾਲੇ ਪੰਜਾਬੀ ਗਾਇਕ ਜੱਸ ਮਾਣਕ ਨੇ ਕੁਝ ਹੀ ਸਮਾਂ ਖਾਸ ਰੁਤਬਾ ਹਾਸਲ ਕਰ ਲਿਆ ਹੈ। ਦੱਸ ਦੇਈਏ ਕਿ ਕਰਨ ਰੰਧਾਵਾ ਤੇ ਜੱਸ ਮਾਣਕ ਬੇਹੱਦ ਵਧੀਆ ਦੋਸਤ ਹਨ। ਹਾਲ ਹੀ 'ਚ ਜੱਸ ਮਾਣਕ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਜੱਸ ਮਾਣਕ ਆਪਣੇ ਦੋਸਤ ਕਰਨ ਦੇ ਮੂੰਹ 'ਤੇ ਕੇਕ ਮਲ ਰਹੇ ਹਨ। ਦਰਅਸਲ ਅੱਜ ਕਰਨ ਰੰਧਾਵਾ ਦਾ ਜਨਮਦਿਨ ਹੈ।
ਦੱਸ ਦਈਏ ਕਰਨ ਰੰਧਾਵਾ ਦਾ ਕੁਝ ਦਿਨ ਪਹਿਲਾਂ ਹੀ 'ਵੇਟ' ਗੀਤ ਰਿਲੀਜ਼ ਹੋਇਆ, ਜਿਸ ਨੂੰ ਲੋਕਾਂ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਜੱਸ ਮਾਣਕ ਅਤੇ ਉਨ੍ਹਾਂ ਦੇ ਦੋਸਤਾਂ ਨੇ ਕਰਨ ਰੰਧਾਵਾ ਦਾ ਜਨਮਦਿਨ ਮਨਾਉਂਦੇ ਹੋਏ ਇਹ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਸਾਰੇ ਦੋਸਤ ਖੂਬ ਮਸਤੀ ਕਰ ਰਹੇ ਹਨ। 'ਪਰਾਡਾ' ਗੀਤ ਨਾਲ ਪ੍ਰਸਿੱਧੀ ਹਾਸਲ ਕਰਨ ਵਾਲੇ ਜੱਸ ਮਾਣਕ ਅੱਜ ਲੱਖਾਂ ਦਿਲਾਂ ਦੀ ਧੜਕਣ ਬਣ ਚੁੱਕੇ ਹਨ ਅਤੇ ਕਰਨ ਰੰਧਾਵਾ ਦਾ ਨਾਂ ਵੀ ਹੁਣ ਪੰਜਾਬੀ ਨੌਜਵਾਨ ਗਾਇਕਾਂ 'ਚ ਸ਼ੁਮਾਰ ਹੋ ਚੁੱਕਿਆ ਹੈ।