ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਖਾਨ ਦੀ ਖੂਬਸੂਰਤੀ ਤੇ ਫਿਟਨੈੱਸ ਨੂੰ ਦੇਖ ਕੇ ਕੋਈ ਨਹੀਂ ਆਖ ਸਕਦਾ ਕਿ ਉਸ ਦੀ ਉਮਰ 38 ਸਾਲ ਹੈ।
ਆਪਣੀ ਇਸੇ ਖੁਬਸੂਰਤੀ ਤੇ ਮਸਤ ਅੰਦਾਜ਼ ਕਾਰਨ ਬੇਬੋ ਹਮੇਸ਼ਾ ਫੈਨਜ਼ ਦੀ ਪਹਿਲੀ ਪਸੰਦ ਬਣੀ ਰਹੀ ਹੈ। ਦੱਸ ਦੇਈਏ ਕਿ ਇਸ ਸਾਲ 'ਵੀਰੇ ਦੀ ਵੈਡਿੰਗ' ਨਾਲ ਕਰੀਨਾ ਨੇ ਦੋ ਸਾਲ ਬਾਅਦ ਆਪਣਾ ਧਮਾਕੇਦਾਰ ਕਮਬੈਕ ਕੀਤਾ ਸੀ।
'ਵੀਰੇ ਦੀ ਵੈਡਿੰਗ' ਫਿਲਮ ਬਾਕਸ ਆਫਿਸ 'ਤੇ ਹਿੱਟ ਰਹੀ ਅਤੇ ਕਰੀਨਾ ਨੂੰ ਕਈ ਫਿਲਮਾਂ ਵੀ ਦੇ ਗਈ।
ਹੁਣ ਹਾਲ ਹੀ 'ਚ ਸੋਸ਼ਲ ਮੀਡੀਆ 'ਤੇ ਕਰੀਨਾ ਦੀਆਂ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ, ਜੋ ਉਸ ਦੀ ਖੂਬਸੂਰਤੀ, ਹੌਟਨੈੱਸ ਤੇ ਗਲੈਮਰ ਨੂੰ ਬਿਆਨ ਕਰ ਰਹੀਆਂ ਹਨ।
ਜ਼ਿਕਰਯੋਗ ਹੈ ਕਿ ਕਰੀਨਾ ਜਲਦ ਹੀ 'ਤਖਤ' ਤੇ 'ਗੁੱਡ ਨਿਊਜ਼' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆਉਣ ਵਾਲੀ ਹੈ।
'ਤਖਤ' 'ਚ ਕਰੀਨਾ ਰਣਵੀਰ ਸਿੰਘ ਦੀ ਭੈਣ ਦਾ ਕਿਰਦਾਰ ਕਰੇਗੀ ਜਦਕਿ 'ਗੂਡ ਨਿਊਜ਼' 'ਚ ਕਰੀਨਾ 9 ਸਾਲ ਬਾਅਦ ਅਕਸ਼ੈ ਕੁਮਾਰ ਨਾਲ ਰੋਮਾਂਸ ਕਰਦੀ ਨਜ਼ਰ ਆਵੇਗੀ।
