ਮੁੰਬਈ(ਬਿਊਰੋ)— ਤੈਮੂਰ ਅਲੀ ਖਾਨ ਦੇ ਜਨਮ ਤੋਂ ਬਾਅਦ ਕਰੀਨਾ ਕਪੂਰ ਖਾਨ ਨੇ ਫਿਲਮ 'ਵੀਰੇ ਦੀ ਵੈਡਿੰਗ' ਨਾਲ ਕਮਬੈਕ ਕੀਤਾ ਹੈ। ਫਿਲਮ ਬਾਕਸ ਆਫਿਸ 'ਤੇ ਕਾਫੀ ਕਾਰੋਬਾਰ ਕਰ ਰਹੀ ਹੈ। ਇਸ ਫਿਲਮ ਦੇ ਜਰੀਏ ਲੰਬੇ ਸਮੇਂ ਬਾਅਦ ਪਰਦੇ 'ਤੇ ਵਾਪਸੀ ਕਰਨ ਵਾਲੀ ਕਰੀਨਾ ਕਪੂਰ ਖਾਨ ਨੇ ਇਕ ਵਾਰ ਫਿਰ ਸਾਬਿਤ ਕਰ ਦਿੱਤਾ ਹੈ ਕਿ ਉਹ ਅੱਜ ਵੀ ਸਿਨੇਮਾਘਰਾਂ 'ਚ ਭੀੜ ਨੂੰ ਇਕੱਠਾ ਕਰਨ ਦਾ ਦਮ ਰੱਖਦੀ ਹੈ। 'ਵੀਰੇ ਦੀ ਵੈਡਿੰਗ' ਦੀ ਸਫਲਤਾ ਤੋਂ ਬਾਅਦ ਕਰੀਨਾ ਕਪੂਰ ਨੇ ਆਪਣੇ ਹਾਲੀਆ ਇੰਟਰਵਿਊ 'ਚ ਕਈ ਦਿਲਚਸਪ ਗੱਲਾਂ ਤੋਂ ਪਰਦਾ ਚੁੱਕਿਆ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਲੋਕਾਂ ਦਾ ਮੰਨਣਾ ਹੈ ਕਿ, ''ਮੈਨੂੰ ਵਿਆਹ ਤੋਂ ਬਾਅਦ ਕੰਮ ਨਹੀਂ ਮਿਲੇਗਾ ਪਰ ਮੈਂ ਇਸ ਮਿਥਕ ਨੂੰ ਤੋੜ ਦਿੱਤਾ ਹੈ। ਵਿਆਹ ਤੋਂ ਬਾਅਦ ਵੀ ਮੈਨੂੰ ਕਈ ਫਿਲਮਾਂ ਦੇ ਆਫਰ ਆਏ। ਕਰੀਨਾ ਨੇ ਦੱਸਿਆ, ਵਿਆਹ ਤੇ ਤੈਮੂਰ ਦੇ ਜਨਮ ਤੋਂ ਬਾਅਦ ਵੀ ਮੈਨੂੰ ਫਿਲਮਾਂ ਦੇ ਆਫਰ ਮਿਲ ਰਹੇ ਹਨ ਪਰ ਮੈਂ ਫੈਸਲਾ ਲਿਆ ਹੈ ਕਿ ਮੈਂ ਸਾਲ 'ਚ ਸਿਰਫ 1 ਹੀ ਫਿਲਮ ਕਰਾਂਗੀ। ਮੈਂ ਅਜਿਹਾ ਆਪਣੇ 17 ਮਹੀਨੇ ਦੇ ਬੇਟੇ ਤੈਮੂਰ ਲਈ ਕਰ ਰਹੀ ਹਾਂ। ਤੈਮੂਰ ਨੂੰ ਮੇਰੀ ਜ਼ਰੂਰਤ ਹੈ। ਮੇਰੇ ਲਈ ਮੇਰਾ ਬੇਟਾ, ਪਤੀ ਸੈਫ ਅਲੀ ਖਾਨ ਤੇ ਪਰਿਵਾਰ ਪਹਿਲਾਂ ਹੈ। ਇਸ ਤੋਂ ਬਾਅਦ ਫਿਲਮਾਂ।'' ਦੱਸ ਦੇਈਏ ਕਿ ਕਰੀਨਾ ਦੇ ਇਸ ਫੈਸਲੇ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਹੋ ਰਹੀ ਹੈ। ਦੱਸਣਯੋਗ ਹੈ ਕਿ ਕਰੀਨਾ ਕਪੂਰ ਤੇ ਸੈਫ ਅਲੀ ਖਾਨ ਇਕੱਠੇ ਸੂਟਿੰਗ ਨਹੀਂ ਕਰਦੇ। ਅਜਿਹਾ ਸਿਰਫ ਤੈਮੂਰ ਲਈ ਕੀਤਾ ਹੈ। ਹੁਣ ਜਦੋਂਕਿ ਕਰੀਨਾ ਦੀ ਫਿਲਮ ਰਿਲੀਜ਼ ਹੋ ਗਈ ਹੈ ਤਾਂ ਸੈਫ ਅਲੀ ਖਾਨ ਆਪਣੀ ਫਿਲਮ ਦੀ ਸ਼ੁਟਿੰਗ ਜਲਦ ਹੀ ਸ਼ੁਰੂ ਕਰ ਦੇਣਗੇ। ਨਵੰਬਰ ਤੱਕ ਸੈਫ ਜਦੋਂ ਆਪਣੀ ਫਿਲਮ ਦੀ ਸ਼ੂਟਿੰਗ ਪੂਰੀ ਕਰਨ ਲੈਣਗੇ ਤਾਂ ਕਰੀਨਾ ਕਿਸੇ ਦੂਜੀ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰੇਗੀ। ਕਰੀਨਾ ਨੇ ਕਿਹਾ, ''ਮੈਂ ਫੈਸਲਾ ਕਰ ਲਿਆ ਹੈ ਕਿ ਦੋਵੇਂ ਫਿਲਮਾਂ ਦੀ ਸ਼ੂਟਿੰਗ ਨੂੰ ਲੈ ਕੇ ਤਾਲਮੇਲ ਬਣਾ ਕੇ ਚੱਲਾਂਗੀ।'' ਦੱਸ ਦੇਈਏ ਫਿਲਹਾਲ ਕਰੀਨਾ ਬੇਟੇ ਤੇ ਪਤੀ ਨਾਲ ਲੰਡਨ ਛੁੱਟੀਆਂ ਮਨਾਉਣ ਗਈ ਹੈ।''