ਮੁੰਬਈ (ਬਿਊਰੋ) — ਬਾਲੀਵੁੱਡ ਮਸ਼ਹੂਰ ਅਦਾਕਾਰਾ ਕਰੀਨਾ ਕਪੂਰ ਖਾਨ ਤੇ ਕਰਿਸ਼ਮਾ ਕਪੂਰ ਦੇ ਕਜਨ ਅਰਮਾਨ ਜੈਨ ਨੇ ਆਪਣੀ ਪ੍ਰੇਮਿਕਾ ਅਨੀਸਾ ਮਲਹੋਤਰਾ ਨਾਲ ਮੰਗਣੀ ਕਰਵਾ ਲਈ ਹੈ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ।
ਇਸ ਦੌਰਾਨ ਅਰਮਾਨ ਜੈਨ ਪ੍ਰੇਮਿਕਾ ਨਾਲ ਕਾਫੀ ਰੋਮਾਂਟਿਕ ਅੰਦਾਜ਼ 'ਚ ਨਜ਼ਰ ਆਏ। ਕਰਿਸ਼ਮਾ ਨੇ ਇਨ੍ਹਾਂ ਦੀਆਂ ਤਸਵੀਰਾਂ ਨੂੰ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਕਰਕੇ ਅਰਮਾਨ ਜੈਨ ਨੂੰ ਵਧਾਈ ਵੀ ਦਿੱਤੀ ਹੈ।
ਕਰਿਸ਼ਮਾ ਦੇ ਨਾਲ ਅਰਮਾਨ ਜੈਨ ਦੇ ਭਰਾ ਆਦਰ ਜੈਨ ਨੇ ਵੀ ਦੋਵਾਂ ਦੀਆਂ ਤਸਵੀਰਾਂ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਕੇ ਉਨ੍ਹਾਂ ਨੂੰ ਵਧਾਈ ਦਿੱਤੀ ਹੈ।
ਦੱਸ ਦਈਏ ਕਿ ਆਦਰ ਜੈਨ ਤੇ ਅਰਮਾਨ ਜੈਨ ਕਰਿਸ਼ਮਾ ਦੀ ਭੂਆ ਦੇ ਬੇਟੇ ਹਨ, ਜਿਸ ਸਮੇਂ ਅਰਮਾਨ ਨੇ ਅਨੀਸਾ ਨੂੰ ਪ੍ਰਪੋਜ਼ ਕੀਤਾ, ਉਸ ਸਮੇਂ ਉਸ ਦੀ ਪ੍ਰੇਮਿਕਾ ਕਾਫੀ ਭਾਵੁਕ ਹੋ ਗਈ ਸੀ।
