ਨਵੀਂ ਦਿੱਲੀ(ਬਿਊਰੋ)— ਪ੍ਰੈਗਨੈਂਸੀ ਤੋਂ ਬਾਅਦ ਕਰੀਨਾ ਕਪੂਰ ਫਿਲਮ 'ਵੀਰੇ ਦੀ ਵੈਡਿੰਗ' ਨਾਲ ਸਿਲਵਰ ਸਕ੍ਰੀਨ 'ਤੇ ਵਾਪਸੀ ਕਰਨ ਵਾਲੀ ਹੈ। ਇਹ ਉਨ੍ਹਾਂ ਦੀ ਕਮਬੈਕ ਫਿਲਮ ਹੈ। ਇਸ ਲਈ ਉਹ ਖੂਬ ਮਿਹਨਤ ਕਰ ਰਹੀ ਹੈ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਕਿਰਦਾਰ ਮੁਤਾਬਕ ਫਿਟ ਦਿਖਣ ਲਈ ਉਹ 1 ਦਿਨ 'ਚ ਲਗਭਗ 10 ਘੰਟੇ ਵਰਕਆਊਟ ਕਰਦੀ ਹੈ।
ਖਬਰਾਂ ਅਨੁਸਾਰ ਕਰੀਨਾ 'ਵੀਰੇ ਦੀ ਵੈਡਿੰਗ' ਵਿਚ ਫਿਟ ਨਜ਼ਰ ਆਉਣ ਲਈ ਇੱਕ ਖਾਸ ਤਰ੍ਹਾਂ ਦੀ ਟ੍ਰੇਨਿੰਗ ਲੈ ਰਹੀ ਹੈ। ਇਨੀ ਦਿਨੀਂ ਦਿੱਲੀ ਵਿਚ ਫਿਲਮ ਦੀ ਸ਼ੂਟਿੰਗ ਚਲ ਰਹੀ ਹੈ। ਜਿਸ ਹੋਟਲ ਵਿਚ ਫਿਲਮ ਦੀ ਸਟਾਰ ਕਾਸਟ ਰੁਕੀ ਹੈ। ਉੱਥੇ ਇੱਕ ਪਾਈਲੈਟਸ ਮਸ਼ੀਨ ਵੀ ਮੌਜੂਦ ਹੈ। ਕਰੀਨਾ ਇਸ ਮਸ਼ੀਨ 'ਤੇ ਲਗਬਗ ਇਕ ਘੰਟਾ ਵਰਕਆਊਟ ਕਰਦੀ ਹੈ। ਜਦੋਂ ਕਦੇ ਉਹ ਸੈੱਟ 'ਤੇ 14 ਘੰਟੇ ਰਹਿੰਦੀ ਹੈ ਤਾਂ ਉਹ ਰਾਤ ਵਿਚ ਕੁੱਝ ਘੰਟਿਆਂ ਲਈ ਵਰਕਆਊਟ ਕਰਦੀ ਹੈ।
ਕਰੀਨਾ ਨੇ ਆਪਣੇ ਵਰਕਆਊਟ ਵਿਚ ਬਦਲਾਅ ਕੀਤਾ ਹੈ ਪਰ ਡਾਈਟ ਦੇ ਮਾਮਲੇ ਵਿਚ ਉਹ ਆਪਣੀ ਡਾਈਟਿਸ਼ਨ ਰਿਜੁਤਾ ਦਿਵੇਕਰ ਨੂੰ ਹੀ ਫੋਲੋ ਕਰਦੀ ਹੈ, ਜਿਸਦਾ ਨਤੀਜਾ ਸਾਰਿਆਂ ਸਾਹਮਣੇ ਹੈ। ਕਰੀਨਾ ਅੱਜਕੱਲ ਕਾਫੀ ਸਲਿਮ ਅਤੇ ਟੋਨਡ ਬਾਡੀ ਵਿਚ ਦਿਖਾਈ ਦੇ ਰਹੀ ਹੈ।
ਦੱਸ ਦੇਈਏ ਕਿ ਫਿਲਮ 'ਵੀਰੇ ਦੀ ਵੈਡਿੰਗ' ਵਿਚ ਕਰੀਨਾ ਦੋ ਵੱਖ-ਵੱਖ ਲੁੱਕ ਵਿਚ ਨਜ਼ਰ ਆਵੇਗੀ। ਫਿਲਮ ਦੇ ਪਹਿਲੇ ਭਾਗ ਵਿਚ ਕਰੀਨਾ ਨੂੰ ਪਤਲਾ ਦਿਖਣਾ ਹੈ ਤਾਂ ਉੱਥੇ ਸੈਕਿੰਡ ਭਾਗ ਵਿਚ ਉਹ ਥੋੜੀ ਮੋਟੀ ਨਜ਼ਰ ਆਵੇਗੀ। ਪ੍ਰੈਗਨੈਂਸੀ ਦੌਰਾਨ ਬੇਬੋ ਦਾ ਵਜ਼ਨ ਕਾਫੀ ਵੱਧ ਗਿਆ ਹੈ ਪਰ ਤੈਮੂਰ ਅਲੀ ਖਾਨ ਦੇ ਜਨਮ ਲੈਣ ਤੋਂ ਬਾਅਦ ਉਹ ਖੁਦ ਨੂੰ ਫਿੱਟ ਰੱਖਣ ਵਿਚ ਲੱਗੀ ਹੋਈ ਹੈ। ਆਪਣੀ ਮਿਹਨਤ ਦੇ ਬਦੌਲਤ ਉਹ ਇਨੀ ਦਿਨੀਂ ਪਹਿਲੇ ਤੋਂ ਜ਼ਿਆਦਾ ਖੂਬਸੂਰਤ ਅਤੇ ਫਿੱਟ ਨਜ਼ਰ ਆ ਰਹੀ ਹੈ।