ਮੁੰਬਈ (ਬਿਊਰੋ)— ਫਿਲਮ ਇੰਡਸਟਰੀ ਦੀ ਸਟਾਈਲ ਕੁਈਨ ਤੇ ਕਿਊਟ ਤੈਮੂਰ ਅਲੀ ਖਾਨ ਦੀ ਹੌਟ ਮੌਮ ਕਰੀਨਾ ਕਪੂਰ ਖਾਨ ਦਾ ਜਲਵਾ ਟੌਪ ਅਦਾਕਾਰਾਂ 'ਤੇ ਹਮੇਸ਼ਾ ਭਾਰੀ ਪੈਂਦਾ ਹੈ। ਆਪਣੀ ਬਿਊਟੀ ਤੇ ਹੌਟ ਸਟਾਈਲ ਨਾਲ ਨਾ ਸਿਰਫ ਕਰੀਨਾ ਫੈਸ਼ਨ ਦੇ ਮਾਮਲੇ 'ਚ ਨੰਬਰ ਵਨ ਹੈ ਸਗੋਂ ਆਪਣੀ ਫਿੱਟਨੈੱਸ ਨਾਲ ਵੀ ਲੱਖਾਂ ਫੈਨਜ਼ ਨੂੰ ਦੀਵਾਨਾ ਬਣਾ ਚੁੱਕੀ ਹੈ।
ਕਰੀਨਾ ਕਪੂਰ ਦੀ ਖੂਬਸੂਰਤੀ ਤੇ ਉਸ ਦੇ ਸਾਫ ਦਿਲ 'ਤੇ ਜਿਥੇ ਸੈਫ ਅਲੀ ਖਾਨ ਵੀ ਫਿਦਾ ਹਨ ਤਾਂ ਉਥੇ ਹੀ ਉਨ੍ਹਾਂ ਦੇ ਕਰੋੜਾਂ ਫੈਨਜ਼ ਵੀ ਉਨ੍ਹਾਂ ਦੀ ਖੂਬਸੂਰਤੀ ਦੇ ਦੀਵਾਨੇ ਹਨ।
ਹਾਲ ਹੀ 'ਚ ਬੇਬੋ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ 'ਚ ਉਸ ਨੇ ਰੈੱਡ ਡਰੈੱਸ ਪਾਈ ਹੈ। ਇਨ੍ਹਾਂ ਤਸਵੀਰਾਂ 'ਚ ਕਰੀਨਾ ਕਪੂਰ ਕਾਫੀ ਗਲੈਮਰਸ ਲੁੱਕ 'ਚ ਨਜ਼ਰ ਆ ਰਹੀ ਹੈ।
ਦੱਸ ਦਈਏ ਕਿ ਕਰੀਨਾ ਕਪੂਰ ਦੀਆਂ ਇਹ ਤਸਵੀਰਾਂ 'ਲੈਕਮੇ ਫੈਸ਼ਨ ਵੀਕ 2019' ਦੀਆਂ ਹਨ।
ਮੁੰਬਈ 'ਚ ਹੋ ਰਹੇ 'ਲੈਕਮੇ ਫੈਸ਼ਨ ਵੀਕ' 'ਚ ਗਲੈਮਰ ਤੇ ਫੈਸ਼ਨ ਨਾਲ ਜੁੜੇ ਤਮਾਮ ਸਿਤਾਰੇ ਤੇ ਫੈਸ਼ਨ ਜਗਤ ਦੇ ਡਿਜ਼ਾਈਨਰ ਆਪਣੇ ਬੈਸਟ ਕਲੈਕਸ਼ਨ ਸ਼ੋਕੇਸ ਕਰ ਰਹੇ ਹਨ।
ਕੱਲ 'ਲੈਕਮੇ ਫੈਸ਼ਨ ਵੀਕ' ਦਾ ਆਖਰੀ ਦਿਨ ਸੀ। ਤੈਮੂਰ ਅਲੀ ਖਾਨ ਤੋਂ ਬਾਅਦ ਕਰੀਨਾ ਕਪੂਰ ਖਾਨ ਲਗਭਗ ਦੋ ਸਾਲ ਦਾ ਬ੍ਰੇਕ ਲੈ ਕੇ ਪਿਛਲੇ ਸਾਲ 'ਵੀਰੇ ਦੀ ਵੈਡਿੰਗ' ਫਿਲਮ ਨਾਲ ਕਮਬੈਕ ਕੀਤਾ ਸੀ। ਹੁਣ ਉਹ ਅਕਸ਼ੈ ਕੁਮਾਰ ਨਾਲ 'ਗੁੱਡ ਨਿਊਜ਼' ਤੇ ਕਰਨ ਜੌਹਰ ਦੀ ਫਿਲਮ 'ਤਖਤ' 'ਚ ਨਜ਼ਰ ਆਉਣ ਵਾਲੀ ਹੈ।